സൌത്താംപ്ടണ്: ശ്രീനാരായണ ഗുരുവിന്റെ 160ാമത് ജന്മദിനാഘോഷം സെപ്റ്റംബര് എട്ടിന് സൌത്താംപ്ടണില് വിപുലമായ പരിപാടികളോടെ ആഘോഷിക്കുന്നു.
മനുഷ്യന് ഒരു ജാതിയേ ഉള്ളൂ അത് മനുഷ്യജാതിയാണെന്ന് ലോകത്തോട് വിളിച്ചുപറഞ്ഞ ജഗത് ഗുരുവിന്റെ ജന്മദിനം യുകെയുടെ ചരിത്രത്തിലേക്ക് എഴുതപ്പെടാന് പോവുകയാണ്.
ഏറ്റവും വലിയ സാമുദായിക ശക്തിയായ എസ്എന്ഡിപിക്ക് യൂറോപ്പിലെ ആദ്യ ശാഖയായ എസ്എന്ഡിപി 6170ന്റെ കടന്നുവരവ് സംഘടനയിലെ മറ്റുരാജ്യങ്ങളിലെ ശക്തി ബോധ്യമാക്കുന്നു. ശ്രീനാരായണീയ ഗുരുവിന്റെ ദര്ശനങ്ങള് നെഞ്ചോട് ചേര്ത്ത് യുകെയുടെ മണ്ണില് പുതിയ ഒരധ്യായത്തിന് തുടമിട്ട എസ്എന്ഡിപിയോഗം കമ്മിറ്റി അംഗങ്ങള്ക്ക് വന് പ്രോത്സാഹനമാണ് കിട്ടുന്നത്. ഇതിനായി എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്,വൈസ് പ്രസിഡന്റ് തുഷാര് വെള്ളാപ്പള്ളി, യോഗം പ്രസിഡന്റ് ഡോ.എസ്.എന് സോമന് എന്നിവരുടെ പിന്തുണയും പ്രോത്സാഹനവും ലഭിച്ചുവരുന്നു.
ലോകമെമ്പാടുമുള്ള ശ്രീനാരായണീയര് ജയന്തി ആഘോഷങ്ങളില് മുഴുകുമ്പോള് യുകെയിലെ ജോലിയില് മുഴുകി ജീവിക്കേണ്ടിവരുന്ന നൂറുകണക്കിന് ശ്രീനാരായണീയര്ക്ക് ആവേശമാവുകയാണ് എസ്എന്ഡിപി യുകെ 6170 സൌത്താംപ്ടണില് ജയന്തി ആഘോഷം നടത്തുന്നത്. യുകെയുടെ വിവിധ സ്ഥലങ്ങളില് നിന്നുള്ള ജനങ്ങളുടെ വലിയ പിന്തുണയാണ് ഇതിനോടകം തന്നെ സംഘാടകര്ക്ക് ലഭിച്ചുകൊണ്ടിരിക്കുന്നത്.
യുകെയുടെ എല്ലാ ഭാഗങ്ങളിലും കുടുംബയൂണിറ്റുകള് തുടങ്ങി പ്രവര്ത്തനങ്ങള് ശക്തമാക്കുന്നതിന് എസ്എന്ഡിപി യുകെ 6170 ഒരു പരിധിവരെ വിജയിച്ചുകഴിഞ്ഞു. യുകെയുടെ ചരിത്രത്തിലാദ്യമായി നടത്തപ്പെടുന്ന ചതയദിനാഘോഷത്തിന് വമ്പന് ഒരുക്കങ്ങളാണ് ശാഖാ കമ്മറ്റിയും ചതയദിനാഘോഷകമ്മിറ്റിയും നടത്തുന്നത്. എല്ലാ കുടുംബ യൂണിറ്റില് നിന്നുമുള്ള കലാപരിപാടികള്, ഗുരുസ്മരണ, ഗുരുപ്രാര്ഥന, ഗുരുദേവക്ളാസ്, ഗുരുദേവ ക്വിസ്, കലാകായിക മത്സരങ്ങള്, സമ്മേളനം, ഘോഷയാത്ര എന്നിവ ആഘോഷത്തിന്റെ കൊഴുപ്പുകൂട്ടും.
സ്ഥലം: 10അ, ചലം ടൃലല ജലംീൃവേ, ണല ടൌലൈഃ, ഏഡ 28 ഛഅട.
കൂടുതല് വിവരങ്ങള്ക്ക് : സുജിത് ഉദയന് (ലണ്ടന്) 07738002989, വിഷ്ണു നടേശന് (ലിവര്പൂള്) 07723484438, കുമാര് സുരേന്ദ്രന് (ക്രോയിഡോണ്) 0793935208, അജിത ബെന്നി (വെംബ്ളി) 07400040005, സൌമ്യ ഉല്ലാസ് (പൂള്) 07832986856, സുരേഷ് (പൂള്) 07941764820, രാകേഷ് (സൌത്താംപ്ടണ്) 07432609750, ലൈജു (ബ്രിസ്റോള്) 07723730828, സുധാകരന് 07414608807, അജിത് കുമാര് (വെംബ്ളി) 07916648684.
റിപ്പോര്ട്ട്: സണ്ണി മണ്ണാറത്ത്
|