ലണ്ടന്: ഇന്ത്യയുടെ ദേശീയ വിമാനക്കമ്പനിയായ എയര് ഇന്ത്യ സ്റാര് അലയന്സില് അംഗമായി. ഇതോടെ എയര് ഇന്ത്യയുടെ 1300 ഓളം വരുന്ന ഡെസ്റിനേഷനിലേയ്ക്കുള്ള യാത്രക്കാര്ക്ക് പുതിയ യാത്രാനുഭവം ലഭിക്കും. അടുത്ത ജൂലൈ പതിനൊന്നു മുതലാവും യാത്രക്കാര്ക്ക് ഇതിന്റെ പ്രയോജനം ലഭിക്കുക. എയര് ഇന്ത്യ കഴിഞ്ഞ ഏഴുവര്ഷമായി സഖ്യത്തില് അംഗമാകാന് നടത്തിയിരുന്ന ശ്രമം ഇതോടെ പൂവണിഞ്ഞു. സഖ്യത്തില് ചേരുന്ന ആദ്യ ഇന്ത്യന് വിമാനക്കമ്പനി എന്ന ബഹുമതിയും എയര് ഇന്ത്യ നേടി. നിലവില് 193 രാജ്യങ്ങളിലായി 1269 വിമാനത്താവളങ്ങളിലേക്ക് 18,000 ദൈനംദിന സര്വീസ് എയര് ഇന്ത്യ നടത്തുന്നുണ്ട്.
ജൂണ് 23 ന് ലണ്ടനില് ചേര്ന്ന സ്റാര് അലയന്സ് ചീഫ് എക്സിക്യൂട്ടീവുകളുടെ (സിഇബി) യോഗത്തിലാണ് തീരുമാനം ഉണ്ടായത്. യോഗത്തില് തീരുമാനം ഐകകണ്ഠേനെയായിരുന്നു.
ജര്മനിയുടെ ലുഫ്താന്സ, സിംഗപ്പൂര് എയര്ലൈന്സ്, എയര് കാനഡ, സ്വിസ് എയര്, ഓസ്ട്രിയന് എയര്, നിപ്പോണ് എയര്വേയ്സുകളും തായ്, ടര്ക്കിഷ് എയര്ലൈനുകള് കൂടാതെ അമേരിക്കയിലെ മുന്തിയ വിമാനക്കമ്പനികള് തുടങ്ങിയവയാണ് സ്റാര് അലയന്സിലെ അംഗങ്ങള്. ആഗോളതലത്തില് പ്രധാനപ്പെട്ട 26 വിമാനക്കമ്പനികളുടെ സഖ്യമാണ് സ്റാര് അലയന്സ്. സ്റാര് അലയന്സില് മൊത്തം 4338 വിമാനങ്ങളിലൂടെ 64 കോടി യാത്രക്കാരാണ് ആഗോളതലത്തില് യാത്ര ചെയ്യുന്നത്. ജെഫ്റി ഗോ ആണ് സ്റാര് അലയന്സ് സിഒഒ.
സ്റാര് അലയന്സ് അംഗങ്ങള് (അറൃശമ അശൃംമ്യ, അലഴലമി അശൃഹശില, അശൃ ഇമിമറമ, അശൃ ഇവശിമ, അശൃ ചലം ദലമഹമിറ, അചഅ, അശെമിമ അശൃഹശില, അൌൃശമി, അ്ശമിരമ, ആൃൌലൈഹ അശൃഹശില, ഇീുമ അശൃഹശില, ഇൃീമശേമ അശൃഹശില, ഋഏഥജഠഅകഞ, ഋവേശീുശമി അശൃഹശില, ഋഢഅ അശൃ, ഘഛഠ ജീഹശവെ അശൃഹശില, ഘൌളവേമിമെ, ടരമിറശിമ്ശമി അശൃഹശില, ടവല്വിവലി അശൃഹശില, ടശിഴമുീൃല അശൃഹശില, ടീൌവേ അളൃശരമി അശൃംമ്യ, ടണകടട, ഠഅജ ജീൃൌഴമഹ, ഠൌൃസശവെ അശൃഹശില, ഠഒഅക മിറ ഡിശലേറ)
റിപ്പോര്ട്ട്: ജോസ് കുമ്പിളുവേലില്
|