Deepika.com Nri News :ബെക്കന്‍ബോവര്‍ക്ക് ഫിഫായുടെ വിലക്ക്.......

Europe

ബെക്കന്‍ബോവര്‍ക്ക് ഫിഫായുടെ വിലക്ക്

Back To NRI Home Forward This News Click here for detailed news of all items

ബര്‍ലിന്‍: ജര്‍മന്‍ ഫുട്ബോള്‍ ഇതിഹാസം ഫ്രാന്‍സ് ബെക്കന്‍ബോവര്‍ക്ക് ഫിഫയുടെ വിലക്ക്. ഫുട്ബോളുമായി ബന്ധപ്പെട്ട എല്ലാ പ്രവര്‍ത്തനങ്ങളില്‍നിന്നും 90 ദിവസത്തേക്കാണ് അദ്ദേഹത്തെ വിലക്കിയത്. അഴിമതി ആരോപണങ്ങളുമായി ബന്ധപ്പെട്ട അന്വേഷണത്തോടു സഹകരിക്കുന്നില്ല എന്നാരോപിച്ചാണ് ഫിഫയുടെ നടപടി.

അതേസമയം, ഫിഫയുടെയോ മറ്റേതെങ്കിലും ഫുട്ബോള്‍ സംഘടനകളുടെയോ പദവികളൊന്നും ബെക്കന്‍ബോവര്‍ ഇപ്പോള്‍ വഹിക്കുന്നില്ല. ജര്‍മന്‍ ക്ളബ് ബയേണ്‍ മ്യൂണിക്കിന്റെ ഓണററി പ്രസിഡന്റ് സ്ഥാനം മാത്രമാണ് അദ്ദേഹത്തിനുള്ളത്.

2018ലെ ലോകകപ്പ് വേദി റഷ്യയ്ക്കും 2022ലേത് ഖത്തറിനും അനുവദിച്ചത് ഉള്‍പ്പെടെയുള്ള ആരോപണങ്ങളെക്കുറിച്ചാണ് ഫിഫയുടെ എത്തിക്സ് കമ്മിറ്റി അന്വേഷിക്കുന്നത്. ഇതു സംബന്ധിച്ച് ഇംഗ്ളീഷില്‍ രണ്ടു ചോദ്യാവലികള്‍ അയച്ചുകൊടുത്തെങ്കിലും ബെക്കന്‍ബോവര്‍ മറുപടി നല്‍കിയില്ലെന്നാണ് ആരോപണം.

ഫ്രാന്‍സ് ബെക്കന്‍ബൌവറിനെ സസ്പെന്‍ഡ് ചെയ്യണമെന്ന് ആവശ്യപ്പെട്ടുകൊണ്ട് ഫിഫാ എത്തിക്സ് കമ്മറ്റ് ഡെപ്യൂട്ടി ചെയര്‍മാന്‍ അലന്‍ സുലിവാന്‍ എത്തിക്സ് കമ്മറ്റി ചെയര്‍മാന്‍ മിഷായേല്‍ ജെ. ഗ്രാസിയയ്ക്ക് കത്തയച്ചതിനെ തുടര്‍ന്നാണ് നടപടി.

അഴിമതി ആരോപണങ്ങളുമായി ബന്ധപ്പെട്ട് ആജീവനാന്ത വിലക്ക് നേരിട്ട ഏഷ്യന്‍ ഫുട്ബോള്‍ ഫെഡറേഷന്‍ മുന്‍ പ്രസിഡന്റ് മുഹമ്മദ് ബിന്‍ ഹമ്മാം ക്ഷണിച്ചതനുസരിച്ച് ബെക്കന്‍ബോവര്‍ ഖത്തര്‍ സന്ദര്‍ശിച്ചിരുന്നതായി സൂചനകളുണ്ടായിരുന്നു. ജര്‍മന്‍ ഫുട്ബോള്‍ കൈസര്‍ എന്നു ലോകം വിശേഷിപ്പിയ്ക്കുന്ന ബക്കന്‍ബോവറിനെതിരെ ഫിഫാ നടത്തിയ നടപടി തികച്ചും അപലപനീയമാണന്ന് ജര്‍മന്‍ ഫുട്ബോള്‍ ഫെഡറേഷന്‍ വ്യക്തമാക്കി. തങ്ങള്‍ നൂറുശതമാനവും കൈസറിനൊപ്പമുണ്ടെന്നും ഫെഡറേഷന്‍ പറഞ്ഞു.

റിപ്പോര്‍ട്ട്: ജോസ് കുമ്പിളുവേലില്‍

ബിഎംകെഎ സംഘടിപ്പിക്കുന്ന ഈസ്റ്റർ വിഷു ആഘോഷം ശനിയാഴ്ച.

ബെഡ്ഫോർഡ്: ബെഡ്‌ഫോർഡ്ഷയറിലെ പ്രമുഖ മലയാളി സംഘടനയായ "ബെഡ്ഫോർഡ് മാസ്റ്റൺ കേരള അസോസിയേഷൻ' ഒരുക്കുന്ന ഈസ്റ്റർ വിഷ

വാട്ടർഫോർഡിൽ മേയ് ദിനാഘോഷം സംഘടിപ്പിക്കുന്നു.

ഡബ്ലിൻ: വാട്ടർഫോർഡിൽ മേയ് ദിനാഘോഷ പരിപാടി സംഘടിപ്പിക്കുന്നു.

ഫാ. ജോ ജോൺ ചെട്ടിയാകുന്നേൽ ലാസലെറ്റ് സന്യാസസഭ സുപ്പീരിയർ ജനറൽ.

അൻസിറാബെ (മഡഗാസ്കർ): 178 വർഷം പഴക്കമുള്ള ലാസലെറ്റ് സന്യാസ സഭയുടെ പുതിയ സുപ്പീരിയർ ജനറലായി മലയാളിയായ ഫാ.

ലണ്ടൻ മേയർ തെരഞ്ഞെടുപ്പ്: ഇന്ത്യൻ വംശജൻ തരുൺ ഗുലാത്തിയും മത്സരരംഗത്ത്.

ലണ്ടൻ: അടുത്ത മാസം രണ്ടിനു നടക്കുന്ന ലണ്ടൻ മേയർ തെരഞ്ഞെടുപ്പിൽ ഇന്ത്യൻ വംശജനായ വ്യവസായ പ്രമുഖൻ തരുൺ ഗുലാത്തിയും മ

ഗ്രേറ്റ് ബ്രിട്ടൻ രൂപത ബൈബിൾ ക്വിസ് മത്സരം; പേരുകൾ രജിസ്റ്റർ ചെയ്യാനുള്ള അവസരം ഞായറാഴ്ച വരെ.

ബർമിംഗ്ഹാം: ഗ്രേറ്റ് ബ്രിട്ടൻ സീറോമലബാർ രൂപതയുടെ ആഭിമുഖ്യത്തിൽ സംഘടിപ്പിക്കുന്ന സുവാറ 2024 ബൈബിൾ ക്വിസ് മത്സരങ്ങൾക്