Deepika.com Nri News :വലതുപക്ഷ മുന്നേറ്റത്തില്‍ സ്റൈന്‍മയര്‍ക്ക് ആശങ്ക.......

Europe

വലതുപക്ഷ മുന്നേറ്റത്തില്‍ സ്റൈന്‍മയര്‍ക്ക് ആശങ്ക

Back To NRI Home Forward This News Click here for detailed news of all items

ബര്‍ലിന്‍: നിയോ നാസി പാര്‍ട്ടിയായ എന്‍പിഡി യൂറോപ്യന്‍ പാര്‍ലമെന്റ് തെരഞ്ഞെടുപ്പില്‍ ഒരു സീറ്റ് നേടിയത് തന്നെ ആശങ്കാകുലനാക്കുന്നു എന്ന് ജര്‍മന്‍ വിദേശകാര്യ മന്ത്രി ഫ്രാങ്ക് വാള്‍ട്ടര്‍ സ്റൈന്‍മയര്‍. ജൂത നേതാക്കളും ജര്‍മന്‍ ചാന്‍സലര്‍ അംഗല മെര്‍ക്കലും എന്‍പിഡി വിജയത്തില്‍ ആശങ്ക പ്രകടിപ്പിച്ചു.

നിരവധി യൂറോവിരുദ്ധ പാര്‍ട്ടികളും ദേശീയവാദമുയര്‍ത്തുന്ന പാര്‍ട്ടികളും യൂറോപ്യന്‍ പാര്‍ലമെന്റില്‍ പ്രാതിനിധ്യം നേടിക്കഴിഞ്ഞു. നെതര്‍ലന്‍ഡ്സ് പോലുള്ള രാജ്യങ്ങളില്‍ അതത്ര പ്രശ്നമായി തോന്നുന്നില്ല. എന്നാല്‍, ഫ്രാന്‍സിലെ നാഷണല്‍ ഫ്രന്റ് പോലുള്ള പാര്‍ട്ടികളുടെ മുന്നേറ്റം അപായ സൂചന തന്നെയാണെന്നും സ്റൈന്‍മയര്‍ അഭിപ്രായപ്പെട്ടു.

തീവ്ര ഇടതുപക്ഷ പാര്‍ട്ടികളും തീവ്ര വലതുപക്ഷ പാര്‍ട്ടികളും ചേര്‍ന്ന് യൂറോപ്യന്‍ യൂണിയന്റെ നയ രൂപീകരണം നടത്തുന്ന അവസ്ഥ സംജാതമാകാതിരിക്കാന്‍ ശ്രദ്ധിക്കണം. അതിനായി ജനാധിപത്യവാദികള്‍ ഒരുമിച്ചു നില്‍ക്കണമെന്നും സ്റൈന്‍മയര്‍ ആഹ്വാനം ചെയ്തു.

ഫ്രാന്‍സില്‍ എഫ്എല്‍ 25 ശതമാനത്തിലേറെ വോട്ട് നേടിയിരുന്നു. ബ്രിട്ടനില്‍ കുടിയേറ്റ വിരുദ്ധ പാര്‍ട്ടിയായ യുകെഐപി ചരിത്രം തിരുത്തിയ മുന്നേറ്റം നടത്തി. യുറോപ്യന്‍ യൂണിയന്‍ വിരുദ്ധ ഡാനിഷ് പീപ്പിള്‍സ് പാര്‍ട്ടിക്കും വന്‍ വിജയം അവകാശപ്പെടാം. ഹംഗറി, ഗ്രീസ് എന്നിവിടങ്ങളിലും തീവ്ര വലതുപക്ഷക്കാര്‍ കരുത്തുകാട്ടി.

ഒരു ശതമാനം വോട്ടാണ് ജര്‍മനിയില്‍ എന്‍പിഡി നേടിയത്. യൂറോപ്യന്‍ പാര്‍ലമെന്റിലേക്ക് ഒരു പ്രതിനിധിയെ അയയ്ക്കാന്‍ ഇത് അവര്‍ക്ക് അര്‍ഹത നേടിക്കൊടുത്തു. മൂന്നു ശതമാനം വോട്ട് നേടാത്ത പാര്‍ട്ടികള്‍ക്ക് സീറ്റ് കിട്ടില്ലെന്ന നിബന്ധന നീക്കം ചെയ്തിരുന്നതും അവര്‍ക്കു ഗുണകരമായി.

റിപ്പോര്‍ട്ട്: ജോസ് കുമ്പിളുവേലില്‍

ത്രേസ്യാമ്മ രാജു ജർമനിയിൽ അന്തരിച്ചു.

ബോണ്‍: ജര്‍മനിയിലെ ബോണ്‍ നഗരത്തിനടുത്തുള്ള ബാഡ് ഹൊന്നഫില്‍ താമസിക്കുന്ന ത്രേസ്യമ്മ രാജു(84) അന്തരിച്ചു.

കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണി കുടുംബ കൂട്ടായ്മകൾ: മാർ ജോസഫ് സ്രാമ്പിക്കൽ.

ലെസ്റ്റർ: ഗാർഹിക സഭകളായ കുടുംബങ്ങളെ തിരുസഭയുമായി ബന്ധിപ്പിക്കുന്ന കണ്ണിയാണ് കുടുംബ കൂട്ടായ്മകൾ എന്ന് ഗ്രേറ്റ് ബ്രിട

മഞ്ഞുമലയിൽ കുടുങ്ങിയ മലയാളി യുവാവിനെ രക്ഷപ്പെടുത്തി ഇറ്റാലിയൻ വ്യോമസേന.

റോം: ഇറ്റലിയിൽ മഞ്ഞുമലയിൽ കുടുങ്ങിയ മലയാളി യുവാവിനെ രാജ്യത്തെ വ്യോമസേനയുടെ സമയോചിതമായ ഇടപെടലിലൂടെ രക്ഷപ്പെടു

ഇറാനിലേക്കുള്ള വിമാന സർവീസുകൾ നിർത്തിവച്ച് ലുഫ്താൻസയും ഓസ്ട്രിയൻ എയർലൈൻസും.

ബെർലിൻ: ഇറാന്‍റെ തലസ്ഥാനമായ ടെഹ്റാനിലേക്കുള്ള വിമാനങ്ങൾ ലുഫ്താൻസയും ഓസ്ട്രിയൻ എയർലൈൻസും താത്കാലികമായി നിർത്തിവ

ഹാപ്പി ബർത്ത്ഡേ ഫാറ്റു! ലോകത്തിലെ ഏറ്റവും പ്രായമേറിയ ഗോറില്ലയുടെ പിറന്നാൾ ആഘോഷമാക്കി ബർലിൻ.

ബെർലിൻ: ലോകത്തിലെ ഏറ്റവും പ്രായം കൂടിയ ഗൊറില്ലയായ ഫാറ്റുവിന് 67 വയസ് തികഞ്ഞു.