കുവൈറ്റ് സിറ്റി: ഫ്രണ്ട്ലെെൻ ലോജിസ്റ്റിക്സുമായി സഹകരിച്ച് കെഫാക് കഴിഞ്ഞ ഒരുമാസമായി നടത്തി വരുന്ന അന്തർ ജില്ലാ ഫുട്ബോൾ സോക്കർ & മാസ്റ്റേഴ്സ് ടൂർണമെന്റ് സമാപിച്ചു.
വെള്ളിയാഴ്ച വൈകുന്നേരം മിശ്രിഫിലെ പബ്ലിക് അതോറിറ്റി യൂത്ത് സ്റ്റേഡിയത്തിൽ നടന്ന ഗ്രാൻഡ് ഫിനാലെ മത്സരങ്ങളിൽ മാസ്റ്റേഴ്സ് ലീഗിൽ നിലവിലെ ചാമ്പ്യന്മാരായ ഫോക്ക് കണ്ണൂർ കെഡിഎൻഎ കോഴിക്കോടിനെ എതിരില്ലാത്ത ഒരു ഗോളിന് പരാജയപ്പെടുത്തി തുടർച്ചയായ രണ്ടാം സീസണിലും ചാമ്പ്യന്മാരായി. എക്സ്ട്രാ ടൈമിൽ ഷബീർ അലി ആണ് വിജയ ഗോൾ നേടിയത്.
സോക്കർ ലീഗിൽ ജാസ് മാക്സ് മലപ്പുറത്തെ ടൈ ബ്രെക്കറിൽ പരാജയപ്പെടുത്തി എറണാകുളം ചാമ്പ്യന്മാരായി. മത്സരത്തിന്റെ മുഴുവൻ സമയവും അധിക സമയവും കഴിഞ്ഞിട്ടും ഇരുടീമുകളും ഓരോ ഗോൾ നേടി സമനിലയിലായിരുന്നു. എറണാകുളത്തിന്റെ ആദ്യ കിരീട നേട്ടമാണിത്.
മാസ്റ്റേഴ്സ് ലീഗ് ലൂസേഴ്സ് ഫൈനലിൽ എറണാകുളത്തെ ടൈ ബ്രെക്കറിൽ പരാജയപ്പെടുത്തി ജാസ് മാക്സ് മലപ്പുറം മൂന്നാം സ്ഥാനം നേടി. സോക്കർ ലീഗിൽ ലൂസേഴ്സ് ഫൈനലിൽ കെഇഎ കാസർഗോഡ് ട്രാസ്ക് തൃശൂരിനെ ടൈബ്രെക്കറിൽ പരാജയപ്പെടുത്തി.

മത്സരങ്ങൾ വീക്ഷിക്കാൻ നിരവധി പേരാണ് മിശ്രിഫിലെ സ്റ്റേഡിയത്തിൽ എത്തിയത്. മുഖ്യ അതിഥികളായ ഫ്രണ്ട്ലൈൻ ലോജിസ്റ്റിക്സ് ഗ്രൂപ്പ് വൈസ് പ്രസിഡന്റ് മുസ്തഫാ കാരി, അഖിൽ കരി (ഡയറക്ടർ ഫ്രണ്ട്ലൈൻ ലോജിസ്റ്റിക്സ് ഗ്രൂപ്പ്), മിശാരി അൽ മർജാൻ (ഹെഡ് കോച്ച് സാൽമിയ സ്പോർട്ടിംഗ് ക്ലബ്) എന്നിവർ കിക്ക് ഓഫ് നിർവഹിച്ചു. മാസ്റ്റേഴ്സ് ലീഗിൽ ഫെയർ പ്ലേയ് ട്രോഫിക്ക് തിരുവനന്തപുരവും സോക്കർ ലീഗിൽ ഫോക് കണ്ണൂരും അർഹരായി. കെഫാക് ഫോട്ടോ ഗ്രാഫർ റഹ്മാൻസ് ഫോട്ടോഗ്രാഫിയുടെ പുതിയ ലോഗോ പ്രകാശനം മിശാരി അൽ മര്ജാൻ നിർവഹിച്ചു.
പ്രതിഭകളായി മാസ്റ്റേഴ്സ് ലീഗിൽ ഉണ്ണി കൃഷ്ണൻ (മികച്ച താരം & ടോപ് സ്കോറർ ഫോക് കണ്ണൂർ), ഹാറൂൺ (ഗോൾ കീപ്പർ കെഡിഎൻഎ കോഴിക്കോട്), അബ്ദുൽ റാഷിദ് (ഡിഫൻഡർ ജാസ് മാക്സ് മലപ്പുറം) എന്നിവരെയും സോക്കർ ലീഗിൽ സുമിത് (ഗോൾ കീപ്പർ എറണാകുളം), റമീസ് (മികച്ച താരം ജാസ് മാക്സ് മലപ്പുറം), ആസിഫ് (ടോപ് സ്കോറർ ട്രാസ്ക് തൃശൂർ), ശബരീനാഥ് (ടോപ് സ്കോറർ എറണാകുളം), നിഖിൽ (ഡിഫൻഡർ എറണാകുളം) എന്നിവരെയും തെരഞ്ഞെടുത്തു.
കെഫാക് പ്രസിഡന്റ് മൻസൂർ കുന്നത്തേരി, സെക്രട്ടറി ജോസ് കാർമെണ്ട്, ട്രഷറർ മൻസൂർ അലി, വൈസ് പ്രസിഡന്റുമാരായ ബിജു ജോണി, റോബർട്ട് ബെർണാഡ്, അഡ്വൈസർ സിദ്ദിഖ്, മാനേജ്മെന്റ് കമ്മിറ്റി അംഗങ്ങളായ അബ്ദുൾറഹ്മാൻ, ലത്തീഫ്, ജോർജ്, നൗഫൽ, ഫൈസൽ ഇബ്രാഹിം, ജോർജ് ജോസഫ്, നാസർ പള്ളത്, റബീഷ്, ഷനോജ് ഗോപി, ഷുഹൈബ്, ഹനീഫ, കെ.സി. നൗഷാദ്, റിയാസ് ബാബു, ഉമൈർ അലി എന്നിവർ വിജയികൾക്കുള്ള ട്രോഫികൾ വിതരണം ചെയ്തു.
|