ന്യൂയോര്‍ക്ക്‌: വൈറ്റ് പ്ലെയിന്‍സ്‌ സെന്‍റ് മേരീസ് യാക്കോബായ സുറിയാനിപ്പള്ളിയില്‍ വിശുദ്ധ ദൈവമാതാവിന്‍റെ ജനന പെരുന്നാളിനോട് അനുബന്ധിച്ച് ആണ്ടുതോറും നടത്തപ്പെടാറുള്ള എട്ടുനോമ്പ് ആചരണവും ബസേലിയോസ് പൗലോസ് ദ്വിതീയൻ കാതോലിക്കാ ബാവായുടെ 27ാമത് ദുഖ്‌റോനോ പെരുന്നാളും ഇടവകയുടെ വലിയ പെരുന്നാളും ശനിയാഴ്ച മുതല്‍ അടുത്ത ശനിയാഴ്ച(സെപ്റ്റംബർ ഒൻപത്) വരെ എട്ടു ദിവസങ്ങളിലായി ഭക്തിയാദരപൂര്‍‌വം നടത്തപ്പെടുന്നു.
ഓഗസ്റ്റ് 27ന് കുർബാനയ്ക്കുശേഷം വികാരി റവ. ഫാ. ബെൽസൺ പൗലോസ് കുര്യാക്കോസ് ഈ വർഷത്തെ പെരുന്നാളിന് തുടക്കം കുറിച്ചുകൊണ്ട് കൊടിയേറ്റം നടത്തി.
വെള്ളിയാഴ്ച(സെപ്റ്റംബർ ഒന്ന്) വൈകുന്നേരം 6.30ന് സന്ധ്യാപ്രാർഥനയ്ക്ക് ശേഷം (ഇംഗ്ലീഷ്) സൺഡേ സ്കൂൾ കുട്ടികൾക്കും യുവജനങ്ങൾക്കുമായി കോപ്റ്റിക് ഓർത്തഡോക്സ് ചർച്ചിലെ ലില്ലിയന്‍ ആന്‍ഡ്രൂസ് എസിസി നയിക്കുന്ന പ്രത്യേക റിട്രീറ്റും ഉണ്ടായിരിക്കുന്നതാണ്.
ശനിയാഴ്ച രാവിലെ 9.30ന് ഇടവക മെത്രാപ്പോലീത്തായും അമേരിക്കന്‍ അതിഭദ്രാസനത്തിന്‍റെ ആര്‍ച്ചുബിഷപും പാത്രിയാര്‍ക്കല്‍ വികാരിയുമായ യല്‍ദോ മോര്‍ തീത്തോസ്‌ തിരുമേനിയെ വൈദീകരുടെയും മാനേജിംഗ് കമ്മിറ്റിയുടെയും നേതൃത്വത്തിലും ഇടവക ജനങ്ങളുടെ സഹകരണത്തിലും ഭക്തിയാദരവോടുകൂടി ദേവാലയത്തിലേക്ക് സ്വീകരിച്ചാനയിച്ചതിനു ശേഷം 9.15 ന് പ്രഭാതപ്രാർത്ഥനയും പത്തിന് പിതാവിന്‍റെ മുഖ്യ കാര്‍മികത്വത്തിലും റവ. ഫാ.ജെറി ജേക്കബ്, റവ. ഫാ. ജോയൽ ജേക്കബ് എന്നിവരുടെ സഹകാര്‍മികത്വത്തിലും വിശുദ്ധ മൂന്നിന്മേല്‍ കുര്‍ബാന അർപ്പിക്കപ്പെടുന്നതാണ്.
കാലം ചെയ്‌ത പുണ്യശ്ലോകനും വൈറ്റ് പ്ലെയിന്‍സ്‌ സെന്‍റ് മേരീസ് പള്ളിയുടെ വളര്‍ച്ച ഏറെ കാംക്ഷിച്ചിരുന്ന പിതാവുമായ അബൂന്‍ മോര്‍ ബസേലിയോസ് പൗലൂസ്‌ ദ്വിദീയന്‍ കാതോലിക്കാ ബാവയുടെ 27ാമത് ദു:ഖ്‌റോനോ പെരുന്നാൾ അന്നേ ദിവസം പ്രത്യേക പ്രാർഥനകളോടും നേർച്ചവിളമ്പോടും കൂടെ നടത്തും.
അന്നേദിവസം വൈകുന്നേരം ആറിന് സന്ധ്യാപ്രാർഥനയും റവ. ഫാ. മത്തായി വർക്കി പുതുക്കുന്നത് നയിക്കുന്ന സുവിശേഷപ്രസംഗവും ഉണ്ടായിരിക്കും.
ഞായറാഴ്ച രാവിലെ ഒൻപതിന് ആർച്ച്ബിഷപ് അഭി. യല്‍ദോ മോര്‍ തീത്തോസ്‌ തിരുമേനിയെ സ്വീകരിച്ചാനയിച്ചതിനു ശേഷം 9.15ന് പ്രഭാത പ്രാർഥനയും പത്തിന് തിരുമേനിയുടെ കാർമികത്വത്തിൽ വിശുദ്ധ കുർബാനയും ഉച്ചയ്ക്ക് ഒന്നിന് കൊച്ചുകുട്ടികൾക്കായി വിദ്യാരംഭവും വൈകുന്നേരം ആറിന് സന്ധ്യാപ്രാർഥനയും റവ.ഫാ. വർഗീസ് പോൾ നയിക്കുന്ന സുവിശേഷ പ്രസംഗവും ഉണ്ടായിരിക്കും.
തിങ്കളാഴ്ച രാവിലെ 9.15ന് പ്രഭാതപ്രാർഥന, പത്തിന് വിശുദ്ധ കുർബാന (റവ. ഫാ. ഗീവര്‍ഗീസ് ജേക്കബ് ചാലിശേരി), ഉച്ചകഴിഞ്ഞ് മൂന്നിന് റവ. ഫാ. ഫിലിപ്പ് സക്കറിയ നയിക്കുന്ന ധ്യാനയോഗം, വൈകുന്നേരം അഞ്ചിന് കുമ്പസാരം, ആറിന് സന്ധ്യാപ്രാർത്ഥന, തുടർന്ന് ആശിവാദവും ഡിന്നറും.
ചൊവ്വാഴ്ച രാവിലെ 6:30ന് പ്രഭാതപ്രാർഥന, ഏഴിന് കുർബാന (വെരി റവ. ഗീവര്‍ഗീസ് ചട്ടത്തിൽ കോറെപ്പിസ്‌കോപ്പ), വൈകുന്നേരം ആറിന് സന്ധ്യാപ്രാർഥന, സുവിശേഷ പ്രസംഗം റവ. ഫാ. സക്കറിയ വള്ളിക്കോലിൽ.
ബുധനാഴ്ച രാവിലെ 6:30ന് പ്രഭാതപ്രാർഥന, ഏഴിന് കുർബാന (റവ. ഫാ. രാജൻ പീറ്റർ), വൈകുന്നേരം ആറിന് സന്ധ്യാപ്രാർഥന, സുവിശേഷ പ്രസംഗം റവ. ഫാ ഷെറി ഐസക്.
വ്യാഴാഴ്ച രാവിലെ 6.30ന് പ്രഭാത പ്രാർഥന, ഏഴിന് കുർബാന (റവ. ഫാ. ആകാശ് പോൾ ), വൈകുന്നേരം ആറിന് സന്ധ്യാപ്രാർഥന, സുവിശേഷ പ്രസംഗം റവ. ഫാ. ജേക്കബ് ജോസഫ്.
വെള്ളിയാഴ്ച രാവിലെ 6.30ന് പ്രഭാത പ്രാർഥന, ഏഴിന് കുർബാന ( റവ. ഫാ. മത്തായി വർക്കി പുതുക്കുന്നത്ത്), വൈകുന്നേരം ആറിന് സന്ധ്യാപ്രാർഥന, സുവിശേഷ പ്രസംഗം റവ ഫാ ഫിലിപ്പ് സക്കറിയ.
ശനിയാഴ്ച പെരുന്നാൾ ദിവസം രാവിലെ 9.15 ന് പ്രഭാതപ്രാർഥന, പത്തിന് റവ. Marouth Hannah റമ്പാന്‍റെ പ്രധാന കാര്‍മികത്വത്തിലും റവ. ഫാ. വര്‍ഗീസ് പോൾ, റവ. ഫാ. വിവേക് അലക്സ് എന്നിവരുടെ സഹ കാര്‍മികത്വത്തിലും വിശുദ്ധ മൂന്നിന്മേല്‍ കുര്‍ബാന അർപ്പിക്കപ്പെടുന്നതാണ്.
തുടർന്ന് പ്രദിക്ഷണവും നേർച്ച വിളമ്പോടും ആശിർവാദത്തോടും ഉച്ചഭക്ഷണത്തോടും കൂടി ഈ വർഷത്തെ പെരുന്നാൾ സമാപിക്കും.
തിങ്കളാഴ്ച മുതൽ വെള്ളിയാഴ്ച വരെ എല്ലാ ദിവസവും രാവിലെ ഒൻപത് മുതൽ വൈകുന്നരം ആറ് വരെ ദേവാലയത്തിൽ പ്രാർഥനയോടെ കഴിയുവാനുള്ള സൗകര്യം വിശ്വാസികൾക്കായി ഒരുക്കിയിയിട്ടുണ്ട്. ഉച്ചയ്ക്ക് 12ന് ഉച്ചനമസ്കാരവും പരിശുദ്ധ മാതാവിനോടുള്ള മധ്യസ്ഥ പ്രാർത്ഥനയും ഒന്നിന് ധ്യാനവും ഉണ്ടായിരിക്കും.
പെരുന്നാള്‍ ഏറ്റവും സമുചിതമാക്കുവാന്‍ വേണ്ട എല്ലാ ക്രമീകരണങ്ങളും മാനേജിംഗ് കമ്മിറ്റിയുടെ നേതൃത്വത്തിൽ ഇടവക പൂര്‍ത്തിയാക്കി കഴിഞ്ഞു.
ദൈവമാതാവിന്‍റെ മധ്യസ്ഥതയിൽ അഭയപ്പെട്ടു ഉപവാസത്തോടും പ്രാർഥനയോടും കൂടി നോമ്പാചരണത്തിലും പെരുന്നാളിലും പങ്കെടുത്തു അനുഗ്രഹം പ്രാപിക്കുവാൻ എല്ലാവരെയും വൈറ്റ് പ്ലെയിൻസ്‌ സെന്‍റ് മേരീസ് യാക്കോബായ സുറിയാനിപ്പള്ളിയിലേക്ക്‌ സാദരം ക്ഷണിച്ചു കൊള്ളുന്നതായി ഭാരവാഹികൾ അറിയിച്ചു.
കൂടുതൽ വിവരങ്ങൾക്ക്: Rev.Fr. Belson Poulose Kuriakose ( 516) 6399791, Vice President Chev. George Ittan Padiyedath ( 914) 419 2395, Secretary Wison Mathai (914) 282 5901, Treasurer Joy Ittan (914) 5641702.
Church Address: 99 Park Ave, White Plains, NY 10603
www.stmaryswhiteplains.com
www.facebook.com/StMarysChurchWP
|