ഹൂസ്റ്റൺ: മലങ്കര ഓർത്തോഡോക്സ് സഭയുടെ സൗത്ത് വെസ്റ്റ് അമേരിക്കൻ ഭദ്രാസനത്തിലെ ഹൂസ്റ്റൺ സെന്‍റ് മേരീസ് ഓർത്തോഡോക്സ് ഇടവകയിലെ യൂത്ത് മൂവ്മെന്‍റ് (ഒസിവെെഎം), ഹൂസ്റ്റൺ റീജിയണിലെ ഹൂസ്റ്റൺ സെന്‍റ് സ്റ്റീഫൻസ്, ഹൂസ്റ്റൺ സെന്‍റ് മേരീസ്, ഓസ്റ്റിൻ സെന്‍റ് ഗ്രിഗോറിയോസ്, ഹൂസ്റ്റൺ സെന്‍റ് ഗ്രിഗോറിയോസ്, സെന്‍റ് പീറ്റേഴ്‌സ് ആൻഡ്‌ സെന്‍റ് പോൾസ് എന്നീ ദേവാലയങ്ങളിലെ ക്രിക്കറ്റ് ടീമുകളെ പങ്കെടുപ്പിച്ചുകൊണ്ട്‌ നടന്ന ഓർത്തോഡോക്സ് ക്രിക്കറ്റ് ടൂർണമെന്‍റിൽ ഹൂസ്റ്റൺ സെന്‍റ് മേരീസ് ജേതാക്കളായി.
ഓസ്റ്റിൻ സെന്‍റ് ഗ്രിഗോറിയോസ് രണ്ടാം സ്ഥാനം കരസ്ഥമാക്കി. ജൂലൈ 15 മുതൽ ഓഗസ്റ്റ് 26 വരെ ഹൂസ്റ്റൺ സ്റ്റാഫോർഡ് സിറ്റി പാർക്കിലാണ് മത്സരങ്ങൾ നടന്നത്.
സെന്‍റ് മേരീസ് മലങ്കര ഓർത്തഡോക്സ് ചർച്ച് ഒസിവെെഎം ആതിഥേയത്വം വഹിച്ച ഹൂസ്റ്റൺ ഓർത്തോഡോക്സ് ക്രിക്കറ്റ് ടൂർണമെന്‍റിൽ ഹൂസ്റ്റണിലുള്ള ദേവാലയങ്ങളിലെ യുവജനങ്ങൾക്ക് ഒരു കമ്യൂണിറ്റിയായി ഒത്തുചേരാനും സ്‌പോർട്‌സ്‌മാൻഷിപ്പും സൗഹൃദവും വിനോദവും നിറഞ്ഞ അനുഭവങ്ങൾ ആസ്വദിക്കാനുള്ള മികച്ച അവസരമായിരുന്നു.
പങ്കെടുത്ത ഓരോ ടീം അംഗങ്ങൾക്കും അവരുടെ ചൈതന്യവും ഐഡന്‍റിറ്റിയും പ്രദർശിപ്പിക്കുന്നതിനും പരസ്പര പിന്തുണയുടെയും പ്രോത്സാഹനത്തിന്‍റെയും ഊർജസ്വലമായ അന്തരീക്ഷം സൃഷ്‌ടിക്കുന്നതിനും ഈ ടൂർണമെന്‍റ് സഹായകമായി.
ഹൂസ്റ്റൺ സെന്‍റ് മേരീസ് ഓർത്തോഡോക്സ് ഇടവകയിലെ യൂത്ത് മൂവ്മെന്‍റിന്‍റെ ക്ഷണം സ്വീകരിച്ച് ഈ ക്രിക്കറ്റ് ടൂർണമെന്‍റിൽ ഭാഗവാക്കായ എല്ലാവർക്കും ഈ ടൂർണമെന്‍റ് അവിസ്മരണീയവും ആസ്വാദ്യകരവുമായ ഒരു അനുഭവമായിരുന്നു.
ജേതാക്കൾക്ക് ട്രോഫികൾ മിസോറിസിറ്റി മേയർ റോബിൻ ഏലക്കാട്ട്, സ്റ്റാഫോർഡ് സിറ്റി മേയർ കെൻ മാത്യു, സ്‌പോൺസർമാരായ സന്ദീപ് തേവർവെലിൽ (പെറി ഹോംസ്), അരുൺ മാത്യു, സ്റ്റാൻലി മാണി (സെക്‌യൂർ മോർട്ട്ഗേജ്), ബെന്നി ജോർജ് (സൊല്യൂണാ റിയാലിറ്റി), ജിതിൻ വിൽസൺ സുഗാർലാൻഡ് എച്ച്ഇബി, കാർത്തിക് ദത്ത (മോംഗ്സ്, പെർലൻഡ് & കാർത്തിക് ഫോട്ടോഗ്രാഫി), തോമസ് വറുഗീസ് (വറുഗീസ് ഇൻഷുറൻസ് കമ്പിനി) എന്നിവർ ട്രോഫികളും അവാർഡുകളും നൽകി.
ടൂർണമെന്‍റ് വിജയമാക്കാൻ സഹായിച്ച എല്ലാ ടീമുകളോടും വൈസ് പ്രസിഡന്‍റ് ജിതിൻ വിൽസൺ, സെക്രട്ടറി ജെഫിൻ ജോ. മാത്യു, ട്രെഷറർ സുബിൻ ജോൺ എന്നിവർ നന്ദി പ്രകാശിപ്പിച്ചു.
വിവരങ്ങൾക്ക്: ഫാ.ജോൺസൺ പുഞ്ചക്കോണം (പ്രസിഡന്‍റ്) 346 332 9998, ജിതിൻ വിൽസൺ (വൈസ് പ്രസിഡന്‍റ്) 346 857 3848, സുബിൻ ജോൺ (ട്രെഷറാർ) 678 510 6257, ജെഫിൻ ജോ. മാത്യു (സെക്രട്ടറി) 832 759 0677.
|