വാട്ടർഫോർഡ്: ഇന്ത്യൻ സ്വാതന്ത്ര്യദിനാഘോഷവും ഉമ്മൻ ചാണ്ടി അനുസ്മരണവും സംഘടിപ്പിച്ച് ഒഐസിസി അയർലൻഡ് വാട്ടർഫോർഡ്.
വാട്ടർഫോർഡിലെ സേക്രട്ട്ഹാർട്ട് ചർച്ച് പാരിഷ് ഹാളിൽ വച്ച നടത്തിയ പരിപാടിയിൽ ഒഐസിസി അയർലൻഡ് പ്രസിഡന്‍റ് എം.എം. ലിങ്ക് വിൻസ്റ്റർ ദേശിയ പതാക ഉയർത്തുകയും ഒഐസിസി അയർലൻഡ് വൈസ് പ്രസിഡന്‍റ് പുന്നമട ജോർജ്കുട്ടി പ്രതിജ്ഞാവാചകം ചൊല്ലി കൊടുക്കുകയും ചെയ്തു.
പ്രോഗ്രാം കോർഡിനേറ്റർ പ്രിൻസ് മാത്യുവിന്‍റെ അധ്യക്ഷതയിൽ കൂടിയ അനുസ്മരണ യോഗത്തിൽ വാട്ടർഫോർഡിലെ സാമൂഹിക, രാഷ്‌ട്രീയ, സാംസ്കാരിക, സംഘടനാ പ്രതിനിധികൾ, വൈദികർ ഉൾപ്പെടെ നിരവധിയാളുകൾ പങ്കെടുത്ത് സംസാരിച്ചു.
സെബിൻ ജോസ്, സിജോഡേവിഡ്, ഡെന്നി ഡൊമിനിക്ക്, എമിൽ ജോൺ, ആന്‍റണി പടയാട്ടിൽ, ജയ പ്രിൻസ്, ലിജി ജോർജ്കുട്ടി, മേരി സിജോ, ഗ്രേയ്സ് ജേക്കബ്, പ്രസാദ് ജോർജ്, ജിജോ കുര്യാക്കോസ് , ശ്യാം ഷണ്മുഖൻ, മനു ചെന്നിത്തല, സുരേഷ് കുമാർ, മനോജ് കുമാർ, അനു ചാക്കോ എന്നിവർ നേതൃത്വം നൽകി.
|