Deepika.com Nri News :ഡൽഹിയിലെ സ്ഥിതിഗതികൾ വിലയിരുത്തി പ്രധാനമന്ത്രി.......

Delhi

ഡൽഹിയിലെ സ്ഥിതിഗതികൾ വിലയിരുത്തി പ്രധാനമന്ത്രി

Back To NRI Home Forward This News Click here for detailed news of all items

ന്യൂഡൽഹി: ഡല്‍ഹി വെള്ളപ്പൊക്കവുമായി ബന്ധപ്പെട്ട വിവരങ്ങള്‍ വിലയിരുത്തി പ്രധാനമന്ത്രി നരേന്ദ്ര മോദി. കേന്ദ്ര ആഭ്യന്തര മന്ത്രി അമിത്ഷായെയും ഡല്‍ഹി ലെഫ്റ്റനന്‍റ് ഗവര്‍ണറെയും ഫോണില്‍ വിളിച്ചാണ് അദ്ദേഹം സ്ഥിതിഗതികള്‍ വിലയിരുത്തിയത്.

അതേസമയം, യമുന നദി അപകടരമാം വിധം കരകവിഞ്ഞതോടെ ചെങ്കോട്ട അടച്ചിരിക്കുകയാണ്. മഴ സാഹചര്യം നോക്കി ശനിയാഴ്ച തുറക്കുമെന്ന് ആർക്കിയോളജിക്കൽ സർവേ ഓഫ് ഇന്ത്യ അറിയിച്ചു. ചെങ്കോട്ടയുടെ പിന്‍ഭാഗത്ത് ഒരാള്‍പൊക്കത്തില്‍ വെള്ളമുയർന്നിട്ടുണ്ട്.

യമുനയോട് ചേർന്നുള്ള പ്രദേശങ്ങളായ രാജ്ഘട്ട്, ചെങ്കോട്ട, മജ്നു കാ തില, തിലക് ബ്രിഡ്ജ്, ഐടിഒ, യമുനാ ഘാട്ട് എന്നിവിടങ്ങളിൽ വീടുകളിലും സ്ഥാപനങ്ങളിലും ഉൾപെടെ വെള്ളം കയറി.

ഹരിയാനയിലെ ഹത്നികുണ്ഡ് അണക്കെട്ടിൽ നിന്നും വെള്ളം തുറന്നു വിടുന്നതിനെ തുടർന്നാണ് യമുനയിലെ ജലനിരപ്പ് വീണ്ടുമുയർന്നത്. ഉച്ചയ്ക്ക് ഒന്നോടെ യമുനയിലെ ജലനിരപ്പ് 208.62 മീറ്ററായിരുന്നു. അപകട സൂചനയിൽ നിന്നും മൂന്ന് മീറ്റർ മുകളിലാണ് ഇപ്പോഴത്തെ ജലനിരപ്പ്.

ഡൽഹിയിലെ വിഐപി താമസ സ്ഥലങ്ങളായ സിവിൽ ലൈൻസിലും മുഖ്യമന്ത്രി അരവിന്ദ് കേജരിവാളിന്‍റെ വസതിയുടെ തൊട്ടടുത്ത് വരെയുമാണ് വെള്ളം കയറിയത്. ഡൽഹി പൊതുമരാമത്ത് വകുപ്പ് മന്ത്രി അതിഷി മർലേനയുടെ വീട്ടിൽ ഉൾപെടെ വെള്ളക്കെട്ടുണ്ടായി.

വെള്ളക്കെട്ട് ഡൽഹി നഗരത്തെ വലയം ചെയ്യുന്ന 47 കിലോമീറ്റർ ദൈർഘ്യമുള്ള ഔട്ടർ റിംഗ് റോഡ് ഉൾപെടെയുള്ള നിരവധി റോഡുകളിൽ ഗതാഗതം തടസപെടുത്തി. പ്രധാന റോഡുകളിൽ നിന്നും ഇരത റൂട്ടുകളിലേയ്ക്ക് ഗതാഗതം തിരിച്ചു വിട്ടത് വൻ ഗതാഗത കുരുക്കിന് കാരണമാക്കി.

രണ്ടു ദിവസത്തെ സന്ദര്‍ശനത്തിനായി ഫ്രാന്‍സിലാണ് നരേന്ദ്രമോദി. വ്യാഴാഴ്ച വൈകിട്ട് നാലിന് അദ്ദേഹം പാരീസിലെത്തി. തുടര്‍ന്ന് ഫ്രഞ്ച് പ്രധാനമന്ത്രി എലിസബത്ത് ബോണുമായി ചര്‍ച്ച നടത്തി.

ഡല്‍ഹിയില്‍ അതിജീവിതയുടെ മകള്‍ക്ക് നേരേ ആസിഡ് ആക്രമണം; പ്രതി ജീവനൊടുക്കി.

ന്യൂഡല്‍ഹി: രാജ്യതലസ്ഥാനത്ത് 17 വയസുകാരിക്ക് നേരേ ആസിഡ് ആക്രമണം.

ഡിഎംഎസ് മുഖ്യ രക്ഷാധികാരിയായി രാജൻ സ്‌കറിയയെയും രക്ഷാധികാരിയായി ശിവശങ്കരനെയും തെരഞ്ഞെടുത്തു.

ന്യൂഡൽഹി: ഡൽഹി മലയാളി സംഘം (ഡിഎംഎസ്) മുഖ്യ രക്ഷാധികാരിയായി മെക്‌പ്രോ ഹെവി എഞ്ചിനീയറിംഗ് ലിമിറ്റഡ് എംഡി ഡോ.

സിസ്റ്റര്‍ സെർഫീന എസ്ഡി അന്തരിച്ചു.

ന്യൂഡല്‍ഹി: അഗതികളുടെ സഹോദരിമാരുടെ സന്യാസ സമൂഹത്തിലെ പുഷ്പധാം പ്രോവിന്‍സ് അംഗമായ സിസ്റ്റര്‍ സെർഫീന എസ്.

അസോസിയേഷൻ രൂപീകരിച്ചു.

ന്യൂഡൽഹി: സൗത്ത് ഡൽഹിയിലെ ഒരുകൂട്ടം മലയാളികളുടെ നേതൃത്വത്തിൽ മുനിർക്കയിലെ ഹോട്ട് വിംഗ്സ് റസ്റ്റോറന്‍റിൽ വച്ച് പുതിയ

കാൻസർ നിർണയ പരിശോധന നടത്തി.

ന്യൂഡൽഹി: ബ്ലഡ്‌ പ്രൊവിഡഴ്സ് ഡ്രീം കേരള, ബിപിഡി സ്ത്രീ ജ്വാലയുടെ രണ്ടാം വാർഷിക ആഘോഷത്തിന്‍റെ ഭാഗമായി ഇന്ത്യൻ കാൻസർ സൊ