ന്യൂയോർക്ക്: ഫോമയുടെ സീനിയർ സിറ്റിസൺസ് അഫയേഴ്സ് നാഷണൽ സബ് കമ്മിറ്റി രൂപീകരിച്ചു. മാത്യു കോട്ടക്കലിനെ ചെയർമാനായും ജോൺ മാത്യുവിനെ സെക്രട്ടറിയായും തെരഞ്ഞടുത്തു. എൻസി കോർഡിനേറ്റർ: ബെറ്റി ഉമ്മൻ, വൈസ് ചെയർമാൻ: ഏബ്രഹാം മാത്തൻ, അംഗങ്ങൾ: ഹെറാൾഡ് ഫിഗറിഡോ, ലൂക്കോസ് തര്യൻ, ബേബി കുര്യാക്കോസ് എന്നിവരാണ് മറ്റ് ഭാരവാഹികൾ.
ചെയർമാൻ സ്ഥാനത്തേക്ക് തെരഞ്ഞെടുക്കപ്പെട്ട മാത്യു കോട്ടക്കൽ തിരുവല്ല സ്വദേശിയാണ്. കഴിഞ്ഞ 38 വർഷമായി ന്യൂയോർക്കിൽ ആൽബനിയിലാണ് താമസം. ആൽബനി മാർത്തോമ്മ പള്ളി അംഗമായ അദ്ദേഹം സ്വന്തമായി ബിസിനസ് ചെയ്യുന്നു.
സെക്രട്ടറി ജോൺ മാത്യു കോഴഞ്ചേരി സ്വദേശിയാണ്. ഹൈസ്കൂൾ പഠനകാലത്ത് ബാലജന സഖ്യവുമായും കോളജ് കാലത്ത് വിദ്യാർഥി യൂണിയൻ പ്രസ്ഥാനത്തിലും സജീവമായിരുന്നു. ഒരു ദശാബ്‌ദത്തിലേറെ മിഡിൽ ഈസ്റ്റിൽ ജോലി, 2004ൽ യുഎസ്എയിലേക്ക് കുടിയേറി. യുഎൻഎൽവിയിൽ അഡ്മിനിസ്‌ട്രേറ്റീവ് അസിസ്റ്റന്‍റായി പ്രവർത്തിച്ചു.
ബെറ്റി ഉമ്മൻ: കോഴഞ്ചേരി സ്വദേശി. കോഴഞ്ചേരി സെന്‍റ് തോമസ് കോളജിൽ ഫിസിക്സ് ലക്ചററായാണ് കരിയർ ആരംഭിച്ചത്. ഇപ്പോൾ വെസ്റ്റ്‌ചെസ്റ്റർ കൗണ്ടിയിൽ സോഷ്യൽ സർവീസിൽ ജോലി ചെയ്യുന്നു. ഫോമയുടെ ദീർഘകാല പ്രവർത്തകയാണ്.
ഏബ്രഹാം മാത്തൻ: ആലുവ യുസി കോളജിൽ സാമ്പത്തിക ശാസ്ത്രം ലക്ചററായാണ് കരിയർ ആരംഭിച്ചത്. എൽഐസി ഇന്ത്യയുടെയും ജിഐസിയുടെ അഡ്മിനിസ്ട്രേഷൻ ജോലിക്കു ശേഷം യുഎസിലേക്ക്. ശേഷം മെറ്റ്‌ലൈഫിൽ ചേർന്നു. ഇപ്പോൾ പ്രുഡൻഷ്യലിൽ ഫിനാൻഷ്യൽ പ്രൊഫഷണലായി ജോലി ചെയ്യുന്നു.
ഹെറാൾഡ് ഫിഗ്യൂറെഡോ: ഹെറാൾഡ് കൊച്ചി സ്വദേശിയാണ്. കഴിഞ്ഞ 44 വർഷമായി ഷിക്കാഗോയിൽ സ്ഥിരതാമസം. ഭാര്യ: മാർഗരറ്റ്മ, മകൾ: മെൽഫ.
ഇന്ത്യൻ കമ്യൂണിറ്റി പ്രവർത്തനങ്ങളിൽ വ്യാപൃതനായ ഹെറാൾഡ് നിലവിൽ കേരള ലാറ്റിൻ കാത്തലിക്സ് ഓഫ് ഷിക്കാഗോ, അമേരിക്കൻ കൊച്ചിൻ ക്ലബ് ഷിക്കാഗോ, സേക്രഡ് ഹാർട്ട് കോളേജ്, തേവര, കൊച്ചി/ഷിക്കാഗോ ചാപ്റ്റർ എന്നീ സംഘടനകളുടെ പ്രസിഡന്‍റ് സ്ഥാനം വഹിക്കുന്നു. കൂടാതെ കേരള അസോസിയേഷൻ ഓഫ് ഷിക്കാഗോയുടെ വൈസ് പ്രസിഡന്‍റ് കൂടിയാണ്.
ലൂക്കോസ് തരിയൻ: കൊല്ലം മുഖത്തല സ്വാദേശി. ഇന്ത്യൻ സൈന്യത്തിൽ സേവനമനുഷ്ഠിച്ചു. 1977ൽ അമേരിക്കയിലേക്ക് കുടിയേറി. അച്ചടി മേഖലയിലും ഫ്യൂവൽ റീറ്റെയ്ൽ മേഖലയിലും ബിസിനസ്. അറ്റ്ലാന്‍റാ മെട്രോ മലയാളി അസോസിയേഷന്‍റെ സ്ഥാപക അംഗങ്ങളിൽ ഒരാൾ.
എക്സിക്യൂട്ടീവ് ടീമിൽ വ്യത്യസ്ത സ്ഥാനങ്ങൾ വഹിച്ചിട്ടുണ്ട്. ഇപ്പോൾ ഫോമാ സൗത്ത് ഈസ്റ്റ് റീജിയണിലെ ഉപദേശക സമിതി അംഗങ്ങളിൽ ഒരാൾ. ഭാര്യ ഗ്രേസിയും രണ്ടു മക്കളും മൂന്ന് പേരക്കുട്ടികളും അറ്റ്ലാന്‍റായിൽ താമസിക്കുന്നു.
ബേബി കുര്യാക്കോസ്: ഇടുക്കി സ്വദേശി. 1978 ൽ യുഎസ്എയിലേക്ക് കുടിയേറി. ന്യൂയോർക്കിലെ ഡ്യൂറസെൽ ലിഥിയം ബാറ്ററി, ന്യൂയോർക്ക് സിറ്റി ട്രാൻസിറ്റ് അതോറിറ്റിയിൽ എന്നിവിടങ്ങളിൽ ജോലി ചെയ്തു.
1985ൽ ഇന്ത്യൻ അമേരിക്കൻ മലയാളി അസോസിയേഷൻ ഓഫ് ലോംഗ് ഐലൻഡ് (IAMALI) രൂപീകരിച്ചു. പ്രസിഡന്‍റ്, വൈസ് പ്രസിഡന്‍റ്, സെക്രട്ടറി, ട്രഷറർ തുടങ്ങി നിരവധി സ്ഥാനങ്ങൾ വഹിച്ചിട്ടുണ്ട്. നിലവിൽ സംഘടനയുടെ ട്രഷററാണ്. ഇപ്പോൾ ഭാര്യയോടും മകനോടും കുടുംബത്തോടും ഒപ്പം ന്യൂ ഹൈഡ് പാർക്കിൽ താമസിക്കുന്നു.
ഫോമയുടെ സീനിയർ സിറ്റിസൺസ് ഫോറം ഫോമയിലെ മുതിർന്ന അംഗങ്ങളുടെ ദീർഘകാല ആവശ്യങ്ങളിലൊന്നായിരുന്നു.
ചെയർമാൻ മാത്യു കോട്ടക്കലിനും ടീമിനും അനേകം കാര്യങ്ങൾ അവർക്കുവേണ്ടി ചെയ്യാനുണ്ടെന്നും എല്ലാ പ്രവർത്തനങ്ങൾക്കും കമ്മിറ്റിയുടെ സമ്പൂർണ പിന്തുണയും ഉണ്ടാവുമെന്നും എക്സിക്യൂട്ടീവ് കമ്മിറ്റി അംഗങ്ങളായ പ്രസിഡന്‍റ് ജേക്കബ് തോമസ്, ജനറൽ സെക്രട്ടറി ഓജസ് ജോൺ, ട്രഷറർ ബിജു തോണിക്കടവിൽ, വൈസ് പ്രസിഡന്‍റ് സണ്ണി വള്ളിക്കളം, ജോയിന്‍റ് സെക്രട്ടറി ഡോ. ജെയ്മോൾ ശ്രീധർ, ജോയിന്‍റ് ട്രഷറർ ജെയിംസ് ജോർജ് എന്നിവർ അറിയിച്ചു.
|