ഷിക്കാഗോ: ഷിക്കാഗോ മലയാളി അസോസിയേഷൻ ഏപ്രിൽ 29ന് നടത്തിയ കലാമേള സീറോ മലബാർ കത്തീഡ്രൽ ഹാളിൽ വച്ച് നടത്തി. 650ൽ പരം കുട്ടികൾ വിവിധയിനങ്ങളിലായി മാറ്റുരച്ചു.
രാവിലെ 8.30 ന് അസോസിയേഷൻ പ്രസിഡന്‍റ് ജോഷി വള്ളിക്കളവും മുൻ വർഷത്തെ കലാപ്രതിഭമാരായ ജോർഡൻ സെബാസ്റ്റ്യനും ജയ്ഡൻ ജോസും ചേർന്ന് തിരിതെളിയിച്ച് ഉദ്ഘാടനം ചെയ്ത കലാമേള ഒരേ സമയം അഞ്ച് വിവിധ സ്റ്റേജുകളിൽ അരങ്ങേറി.
കലാമേളയിൽ മൈക്കിൾ മാണിപറമ്പിൽ സ്പോൺസർ ചെയ്ത കലാതിലകത്തിനുള്ള എവർറോളിംഗ് ട്രോഫിക്ക് നിയ ജോസഫും ജോൺസൻ കണ്ണൂക്കാടൻ സ്പോൺസർ ചെയ്ത കലാ പ്രതിഭയ്ക്കുള്ള എവർറോളിംഗ് ട്രോഫിക്ക് ജയ്ഡൻ ജോസും അർഹരായി.
സബ് ജൂനിയർ റൈഡിംഗ് സ്റ്റാറായി ജിയാന ചിറയിലും ജൂനിയർ റൈഡിംഗ് സ്റ്റാറായി വിസ്മയ തോമസും സീനിയർ റൈഡിംഗ് സ്റ്റാറായി എമ്മ കാട്ടൂക്കാരനും തേജോ ലക്ഷ്മി ആചാരിയും തെരഞ്ഞെടുക്കപ്പെട്ടു. വിജയികൾക്ക് എംഎൽഎമാരായ അഡ്വ. മോൻസ് ജോസഫ്, മാണി സി. കാപ്പൻ, ഡിജിപി ടോമിൻ തച്ചങ്കരി ഐഎഎസ് എന്നിവർ ട്രോഫികൾ വിതരണം ചെയ്തു.
ഓരോ വിഭാഗത്തിലും കഴിവ് തെളിയിച്ച പ്രഗത്ഭരായ വ്യക്തികളാണ് വിധി നിർണ്ണയം നടത്തിയത്. രജിസ്ട്രേഷൻ മുതൽ വിജയികൾക്കുള്ള ട്രോഫി വിതരണം വരെ കുറ്റമറ്റ രീതിയിൽ കലാമേള നടത്തുവാൻ സാധിച്ചതിന്‍റെ ചാരിതാർഥ്യത്തിലാണ് സംഘാടകർ.
പ്രസിഡന്‍റ് ജോഷി വള്ളിക്കളം, സെക്രട്ടറി ലീല ജോസഫ്, ട്രഷറർ ഷൈനി ഹരിദാസ്, മൈക്കിൾ മാണിപറമ്പിൽ, ഡോ. സിബിൾ ഫിലിപ്പ് വീവീഷ് ജേക്കബ്, ജോൺസൻ കണ്ണൂക്കാടൻ, ലജി പട്ടരുമഠത്തിൽ, ഡോ. സ്വർണ്ണം ചിറമേൽ, ഷൈനി തോമസ്, സാറാ അനിൽ, ഡോ. റോസ് വടകര, ഫിലിപ്പ് പുത്തൻപുര, അച്ചൻകുഞ്ഞ് മാത്യു, മനോജ് കോട്ടപ്പുറം, സാബു കട്ടപ്പുറം, സജി തോമസ്, തോമസ് മാത്യു, സെബാസ്റ്റ്യൻ വാഴേപറമ്പിൽ, സൂസൻ ചാക്കോ, ഷാനി എബ്രാഹാം, ആഗ്നസ് മാത്യു, മോനി വർഗീസ്, പ്രതീഷ് തോമസ്, ജൂബി വള്ളിക്കളം, ജോയ്സ് ചെറിയാൻ, നിഷ സജി, നീനു പ്രതീഷ്, ജൂലി വള്ളിക്കളം, ജസീക്ക സജി, റൊവീന തോമസ് തുടങ്ങിയവർ കലാമേളയുടെ വിജയത്തിനായി പ്രവർത്തിച്ചു.
|