പാർക്ക് ഹിൽ (ന്യൂയോർക്ക്): നോർത്ത് ഈസ്റ്റ് അമേരിക്കൻ ഭദ്രാസന ഫാമിലി & യൂത്ത് കോൺഫറൻസ് ടീം മാർച്ച് 5 ഞായറാഴ്ച പാർക്ക് ഹിൽ സെന്‍റ് ഗ്രിഗോറിയോസ് ഓർത്തഡോക്സ് ഇടവക സന്ദർശിച്ചു. വിശുദ്ധ കുർബാനയ്ക്കുശേഷം ഫാമിലി & യൂത്ത് കോൺഫറൻസിന് കിക്ക് ഓഫ് മീറ്റിംഗും ഉണ്ടായിരുന്നു.
വികാരി ഫാ. നൈനാൻ ഈശോ കോൺഫറൻസ് ടീമിനെ സ്വാഗതം ചെയ്യുകയും കോൺഫറൻസിനെ കുറിച്ച് മികച്ച ആമുഖം നൽകുകയും ചെയ്തു. മാത്യു ജോഷ്വ (കോൺഫറൻസ് ട്രഷറർ), ബിജോ തോമസ് (ഭദ്രാസന കൗൺസിൽ അംഗം) എന്നിവരടങ്ങിയ കോൺഫറൻസ് ടീമിനെ സജി എം. പോത്തൻ (ഫിനാൻസ് മാനേജർ) പരിചയപ്പെടുത്തി. സജി എം. പോത്തൻ കോൺഫറൻസിന്റെ പൊതു വിവരങ്ങൾ നൽകി. മാത്യു ജോഷ്വ കോൺഫറൻസ് രജിസ്ട്രേഷൻ പ്രക്രിയ വിശദീകരിച്ചു. കോൺഫറൻസിൽ പ്രസിദ്ധീകരിക്കുന്ന സുവനീറിനെ കുറിച്ചും സ്പോൺസർഷിപ്പിനുള്ള അവസരങ്ങളെ കുറിച്ചും ബിജോ തോമസ് വിശദാംശങ്ങൾ നൽകി.
ജൂലൈ 12 മുതൽ 15 വരെ നോർത്ത് ഈസ്റ്റ് അമേരിക്കൻ ഭദ്രാസനത്തിലെ ഹോളി ട്രാൻസ്ഫിഗറേഷൻ റിട്രീറ്റ് സെന്ററിൽ (HTRC) കോൺഫറൻസ് നടക്കും. യൂറോപ്പ്/ആഫ്രിക്ക ഭദ്രാസനാധിപൻ അഭിവന്ദ്യ ഡോ. എബ്രഹാം മാർ സ്തേഫാനോസ് മെത്രാപ്പോലീത്ത മുഖ്യ പ്രഭാഷകനായിരിക്കും. സൗത്ത് വെസ്റ്റ് അമേരിക്കൻ ഭദ്രാസന യൂത്ത് മിനിസ്റ്റർ ഫാ. മാറ്റ് അലക്‌സാണ്ടർ യുവജനങ്ങൾക്കായുള്ള സെഷനുകൾ നയിക്കും. യോവേൽ 2:28ൽ നിന്നുള്ള "എല്ലാ ജഡത്തിന്മേലും ഞാൻ എന്റെ ആത്മാവിനെ പകരും" എന്നതാണ് ഈ വർഷത്തെ കോൺഫറൻസിന്റെ മുഖ്യ ചിന്താവിഷയം .
സജി എം പോത്തൻ നിരവധി ഭാരവാഹികളുടെയും ഇപ്പോഴത്തെ ഭാരവാഹികളുടെയും സാന്നിധ്യം എടുത്തുപറകയും അവരെ വേദിയിലേക്ക് ക്ഷണിക്കുകയും ചെയ്തു. ഷാജൻ ജോർജ്ജ് (ഇടവക ട്രസ്റ്റി), ജിനു മാത്യൂസ് (ജോയിൻറ് സെക്രട്ടറി), മനാസ്സേ ഓലിക്കൽ (ജോയിൻറ് ട്രസ്റ്റി), റോയ് എണ്ണച്ചേരിൽ (മുൻ മാനേജിംഗ് കമ്മിറ്റി അംഗം), സാജൻ മാത്യു (മലങ്കര അസോസിയേഷൻ അംഗം/ മുൻ കൗൺസിൽ അംഗം), വർഗീസ് മാമ്പള്ളിൽ (മലങ്കര അസോസിയേഷൻ അംഗം), ജോർജുകുട്ടി പൊട്ടച്ചിറ, കുര്യൻ പള്ളിയാങ്കൽ (ഭദ്രാസന അസംബ്ലി അംഗങ്ങൾ), ചെറിയാൻ പൂപ്പള്ളിൽ (മുൻ കൗൺസിൽ അംഗം), മേരി എണ്ണച്ചേരിൽ (മുൻ മർത്തമറിയം വനിതാ സമാജം ട്രഷറർ/ ദിവ്യബോധനം കോഓർഡിനേറ്റർ) തുടങ്ങിയവർ കോൺഫറൻസിന്റെ പിന്തുണയ്‌ക്കായി പരസ്യങ്ങളും അഭിനന്ദനങ്ങളും വാഗ്ദാനം ചെയ്തു.
സുവനീറിൽ ഇടവകയുടെ ആശംസകൾ ഉൾപ്പെടുത്തുന്നതിനുള്ള സ്പോൺസർഷിപ്പ് ചെക്ക് ഇടവക വികാരി കൈമാറി. മാത്യു കെ എം, ജോർജ്ജ് സക്കറിയ, ജേക്കബ് ചാക്കോ, തോമസ് പൊയ്കയൽ, മാത്യു പുത്തൻ വീട്ടിൽ, സാജൻ മാത്യു, ലിസി മോൻസി എന്നിവർ സംഭാവനകളും പരസ്യങ്ങളും ആശംസകളും നൽകി പിന്തുണ അറിയിച്ചു . പ്രശംസനീയമായ പിന്തുണ നൽകിയതിന് ഇടവക വികാരിയോടും ഇടവകാംഗങ്ങളോടും കോൺഫറൻസ് ടീം നന്ദി രേഖപ്പെടുത്തി.
കൂടുതൽ വിവരങ്ങൾക്ക്:
ഫാ. സണ്ണി ജോസഫ്, കോൺഫറൻസ് ഡയറക്ടർ (ഫോൺ:
718.608.5583) ചെറിയാൻ പെരുമാൾ, കോൺഫറൻസ് സെക്രട്ടറി (ഫോൺ: 516.439.9087)
|