കൊച്ചി: അമേരിക്കയിലെ സിനിമാ പ്രേമികളുടെ ഇടയിൽ വളരെയധികം അംഗീകാരവും പ്രശസ്തിയും നേടിയതും ന്യൂയോർക്കിൽ പൂർണമായി ചിത്രീകരിച്ചതുമായ മലയാള ചലച്ചിത്രം "ലോക്ക്ഡ് ഇൻ' പ്രവാസി കോണ്ക്ലേവ് പുരസ്കാരത്തിന് അർഹമായി. ജനുവരി 7ന് കൊച്ചി സാജ് എർത്ത് റിസോർട്ട് ആൻഡ് കണ്‍വൻഷൻ സെന്‍ററിൽ വച്ച് നടത്തപ്പെട്ട വർണാഭമായ ചടങ്ങിൽ ന്ധലോക്ക്ഡ് ഇൻന്ധ നായകൻ ആൽബിൻ ആന്േ‍റാ പ്രവാസി കോണ്ക്ലേവ് ട്രസ്റ്റ് ചെയർമാൻ അലക്സ് വിളനിലത്തിൽ നിന്നും അവാർഡ് ഏറ്റുവാങ്ങി.
ലോകത്തിലെ വിവിധ രാജ്യങ്ങളിൽ നിന്നുമുള്ള പ്രവാസികൾ ഒത്തുകൂടിയ ന്ധപ്രവാസി മീറ്റ്ന്ധ ചടങ്ങിലാണ് പുരസ്കാരം നൽകിയത്. അമേരിക്ക, യൂറോപ്പ്, ആഫ്രിക്ക, ഗൾഫ്, ആസ്ട്രേലിയ, യു.കെ തുടങ്ങിയ രാജ്യങ്ങളിൽ നിന്നുള്ള ധാരാളം പ്രവാസികൾ ചടങ്ങിൽ പങ്കെടുത്തു.
മലയാള ചലച്ചിത്ര രംഗത്ത് വിവിധ രാജ്യങ്ങളിൽ നടക്കുന്ന പ്രവർത്തനങ്ങളെ വിശദമായി വിശകലനം ചെയ്തതിനു ശേഷമാണ് അവതരണം കൊണ്ടും സാങ്കേതിക മികവ് കൊണ്ടും കലാമൂല്യം കൊണ്ടും ഛായാഗ്രഹണം കൊണ്ടും ഉന്നത നിലവാരം പുലർത്തിയിരിക്കുന്ന സിനിമ ആയി ന്ധലോക്ക്ഡ് ഇൻന്ധനെ തെരഞ്ഞെടുത്തത്. മുഴുനീളം ആവേശജനകമായ മുഹൂർത്തങ്ങൾ സമ്മാനിച്ച ഒന്നര മണിക്കൂർ നീളുന്ന റൊമാന്റിക് ത്രില്ലെർ ആയ ഈ സിനിമ കേരളത്തിൽ അടുത്തകാലത്ത് ഇറങ്ങിയ മറ്റു മുൻനിര സിനിമകളേക്കാൾ നിലവാരം പുലർത്തുന്നുവെന്ന് പ്രവാസി മലയാളി ഫോറം സാരഥി സുനു അബ്രഹാം പറഞ്ഞു.
ന്യൂയോർക്കിലുള്ള യുവ കലാകാരനും അനുഗ്രഹീത ഗായകനുമായ ശബരീനാഥ് നായർ കഥ, തിരക്കഥ, സംഭാഷണം, സംവിധാനം കൂടാതെ സംഗീത സംവിധാനവും കൂടി നിർവഹിച്ച് ചിട്ടപ്പെടുത്തിയ ന്ധലോക്ക്ഡ് ഇൻന്ധ സിനിമ ന്യൂയോർക്കിലും പരിസരപ്രദേശങ്ങളിലും തീയേറ്ററുകളിൽ നിറഞ്ഞ സദസോടെ മലയാളി പ്രേക്ഷകർ നെഞ്ചിലേറ്റിയതാണ്.
വളരെ പരിമിതമായ സാഹചര്യത്തിൽ പ്രതികൂല കാലാവസ്ഥകളെ തരണം ചെയ്ത് ആദ്യമായി ഏറ്റെടുത്ത സംരംഭമായ ന്ധലോക്ക്ഡ് ഇൻന്ധ സിനിമക്ക് ഇത്രയും അംഗീകാരം ലഭിച്ചതിൽ അതിയായ സന്തോഷം ഉണ്ടെന്നു എക്സിക്യൂട്ടീവ് പ്രൊഡ്യൂസർ ഹരിലാൽ നായർ ന്യൂയോർക്കിൽ പറഞ്ഞു. ന്യൂയോർക്ക്, ന്യൂജേഴ്സി പ്രദേശത്തുള്ള ഷാജി എഡ്വേഡ്, ആൽബിൻ ആന്േ‍റാ, ഹന്നാ അരീച്ചിറ, സവിത റാവു, സണ്ണി കല്ലൂപ്പാറ, ഷാജി എണ്ണശ്ശേരിൽ, അജിത് കൊച്ചൂസ്, ഹരിലാൽ, എൽദോ തുടങ്ങിയ അഭിനേതാക്കളോടൊപ്പം ഹോളിവുഡ് നടനായ ജോയൽ റാറ്റ്നറും പ്രധാന കഥാപാത്രത്തെ അവതരിപ്പിച്ച സിനിമയുടെ പ്രൊഡക്ഷൻ ഡിസൈനർ അജിത് കൊച്ചൂസാണ്.
പ്രവാസ ലോകത്തു നിന്നും ഉത്ഭവിക്കുന്ന ഇത്തരം കലാമൂല്യം ഉള്ള പ്രവർത്തനങ്ങളെയും സൃഷ്ടികളെയും പ്രവാസികളായ എല്ലാവരും പ്രോത്സാഹിപ്പിക്കുമെന്നും അതിനു വേണ്ട കൈത്താങ്ങൽ നൽകുമെന്നും ചടങ്ങിൽ സംസാരിച്ച കുരിയൻ ചെറിയാൻ (തിരുവല്ല പ്രവാസി അസ്സോസിയേഷൻ), ഹരി നന്പൂതിരി (വേൾഡ് മലയാളീ കൌണ്സിൽ, ഹ്യൂസ്റ്റണ്‍), എബ്രഹാം ജോണ് (യൂണിയൻ ഓഫ് ജർമ്മൻ മലയാളീ അസോസിയേഷൻ), വർഗീസ് മൂലം (ഗ്ലോബൽ മലയാളി കൗണ്‍സിൽ), ഗീത ജോർജ് (വനിത, യുഎസ്എ) തുടങ്ങിയവർ പ്രസ്താവിച്ചു.
|