കുവൈറ്റ് സിറ്റി: എവിടെയെല്ലാം മലയാളി, അവിടെയെല്ലാം മലയാളം എന്ന് മുദ്രാവാക്യത്തോടെ കേരള സർക്കാരിന്റെ സാംസ്കാരിക വകുപ്പിനു കീഴിനു കീഴിൽ പ്രവർത്തിക്കുന്ന മലയാളം മിഷന്റെ കുവൈറ്റ് ചാപ്റ്റർ പുനസംഘടിപ്പിച്ചു. നിലവിൽ മലയാളം മിഷൻ കുവൈറ്റ് ചാപ്റ്റർ ചീഫ് കോഡിനേറ്റർ ആയ ജെ. സജിയുടെ നേതൃത്വത്തിൽ നടന്ന യോഗത്തിൽ കുവൈറ്റിന്റെ വിവിധ ഭാഗങ്ങളിൽ കുട്ടികളെ മലയാളം പഠിപ്പിക്കുന്ന മലയാളം മിഷനിൽ രജിസ്റ്റർ ചെയ്തിട്ടുള്ള മേഖലകളിലെ പ്രതിനിധികളെ ഉൾപ്പെടുത്തിയാണ് ചാപ്റ്റർ പുന:സംഘടിപ്പിച്ചത്.
ചാപ്റ്ററിന്റെ ഉപദേശകസമിതിയുടെ ഭാഗമായി കുവൈറ്റിലെ പ്രമുഖ സാമൂഹ്യസാംസ്കാരിക പ്രവർത്തകരായ പ്രഫ. വി. അനിൽ കുമാർ ചെയർമാനായും, എബി വാരിക്കാട്, ആർ. നാഗനാഥൻ, ബഷീർ ബാത്ത, പ്രേമൻ ഇല്ലത്ത്, സത്താർ കുന്നിൽ, ഷെരീഫ് പിടി, ഷെരീഫ് താമരശ്ശേരി, ശ്രീംലാൽ എന്നിവർ അംഗങ്ങളായും പ്രവർത്തിക്കും.
മലയാളം മിഷൻ കുവൈറ്റ് ചാപ്റ്റർ പ്രവർത്തക സമിതിയിലേക്ക് ജ്യോതിദാസ് (ചെയർമാൻ), ജി സനൽ കുമാർ (പ്രസിഡന്റ്), ബോബിൻ ജോർജ് (വൈസ് പ്രസിഡന്റ്), ജെ. സജി (സെക്രട്ടറി), ആസഫ് അലി അഹമ്മദ് (ജോയിന്റ് സെക്രട്ടറി), സജീവ് എം. ജോർജ് (കണ്വീനർ) എന്നിവരെയും വിവിധ മേഖലകളിലെ കോർഡിനേറ്റർമാരായി വിനോദ് കെ. ജോണ് (കല കുവൈറ്റ്), ബിന്ദു സജീവ് (സാരഥി കുവൈറ്റ്), സീമ രെജിത്ത് (സാരഥി കുവൈറ്റ്), ബൈജു ജോസഫ് (കുവൈറ്റ് കെകെസിഎ), ഷാജിമോൻ ജോസഫ് (എസ്എംസിഎ. കുവൈറ്റ്), സന്ദീപ് സദാശിവൻ പിള്ള (കുവൈറ്റ് എൻഎസ്എസ്), ശ്രീഷ ദയാനന്ദൻ (ഫോക്ക്), ലിജു എബ്രഹാം (കെ.എം.ആർ.എ), പി പ്രേംരാജ് (പൽപക്), ബിജു ആന്റണി (ഫോക്ക്) എന്നിവരേയും തെരഞ്ഞെടുത്തു.
|