ന്യൂയോർക്ക്: മലങ്കര ആർച്ച് ഡയോസിസ് ഓഫ് സിറിയൻ ഓർത്തഡോക്സ് ചർച്ച് ഇൻ നോർത്ത് അമേരിക്ക 2023ലെ യൂത്ത് ആൻഡ് ഫാമിലി കോണ്ഫറൻസ് ജൂലൈ 12 മുതൽ 15 വരെയുള്ള തീയതികളിൽ ഫിലഡൽഫിയയിലെ വിൻഡാം ലാൻ കാസ്റ്റർ റിസോർട്ട് ആൻഡ് കണ്‍വൻഷൻ സെന്‍ററിൽ നടത്തപ്പെടുന്നു.
തികച്ചും ആത്മീയത നിറഞ്ഞ അന്തരീക്ഷത്തിൽ തന്നെ വൈവിധ്യമാർന്ന പരിപാടികളും നവീനമായ ആശയങ്ങളഉം ഉൾപെടുത്തി നാലു ദിവസങ്ങളായി നടത്തപ്പെടുന്ന ഈ കുടുംബമേളയിൽ അമേരിക്കയിലേയും കാനഡയിലേയും വിവിധ യാക്കോബായ ദേവാലയങ്ങളിൽ നിന്നുമായി ഒട്ടനവധി വിശ്വാസികൾ കുടുംബമായി വന്നു സംബന്ധിക്കും.
സഭാംഗങ്ങൾക്കിടയിലെ പരസ്പരസ്നേഹവും സഹകരണവും മെച്ചപ്പെടുത്തുക, സഭയുടെ വിശ്വാസാചാരനുഷ്ഠാനങ്ങൾ വരും തലമുറയ്ക്ക് പകർന്നു കൊടുക്കുന്നതിനുള്ള അവസരമൊരുക്കുക എന്നിങ്ങനെയുള്ള വിവിധ ലക്ഷ്യങ്ങളെ മുൻനിർത്തി നടത്തിവരുന്ന ഫാമിലി കോണ്ഫറൻസിന്റെ ഈ വർഷത്തെ മുഖ്യ അതിഥിയായി മലങ്കര യാക്കോബായ സുറിയാനി സഭയുടെ, മെത്രാപോലീത്തൻ ട്രസ്റ്റിയും കൊച്ചി ഭദ്രാസന മെത്രാപോലീത്തായുമായ അഭിവന്ദ്യ ജോസഫ് മോർ ഗ്രിഗോറിയോസ് തിരുമേനി പങ്കെടുക്കും.
പരിശുദ്ധ പാത്രിയർക്കീസ് ബാവായുടെ പ്രതിനിധിയും മലങ്കര അഫയേഴ്സിന്‍റെ ചുമതല വഹിക്കുന്ന മെത്രാപോലീത്തായുമായ അഭിവന്ദ്യ മർക്കോസ് മോർ ക്രിസ്റ്റഫോറോസ് തിരുമേനി, ആശംസാ ദൂത് നൽകുന്ന കണ്‍വൻഷനിൽ കീനോട്ട് സ്പീക്കറായി, വിവിധ ക്ലാസുകൾക്ക് നേതൃത്വം നൽകുന്നത് മലങ്കര ആർച്ച് ഡയോസിസ് ഓഫ് ഓസ്ട്രേലിയയുടെ ഭദ്രാസന കൗണ്‍സിൽ മെന്പറും സുപ്രസിദ്ധ വാഗ്മിയുമായ റവ. ഫാ. ഡോ. ജേക്കബ് ജോസഫ്(ലക്ചറർ, മെൽബണ്‍ യൂണിവേഴ്സിറ്റി, ഓസ്ട്രേലിയ), അഗോറ യൂണിവേഴ്സിറ്റി(യുഎസ്എ), 12ന് ഉച്ചയ്ക്കുശേഷം രണ്ടുമണിയോടെ കോണ്ഫറൻസിനായുള്ള രജിസ്ട്രേഷൻ നടപടികൾ ആരംഭിക്കും.
ഇടവക മെത്രാപോലീത്ത അഭിവന്ദ്യ യൽദോ മോർ തീത്തോസ് മെത്രാപോലീത്തായുടെ അധ്യക്ഷതയിലും മേൽനോട്ടത്തിലും നടത്തപ്പെടുന്ന ഈ കുടുംബസംഗമത്തിന് 12ാം തീയതി സന്ധ്യാപ്രാർഥനയെ തുടർന്ന് പാത്രിയർക്കാ പതാക സമ്മേളനനഗരിയിൽ ഉയർത്തുന്നതോടു കൂടി ഒൗദ്യോഗികമായി തുടക്കം കുറിക്കും. അന്നേദിവസം വിവിധ ദേവാലയങ്ങളിൽ നിന്നുമായി പ്രത്യേകം തെരഞ്ഞെടുത്ത പ്രതിനിധികളുടെ സമ്മേളനമായ ഡലിഗേറ്റ് മീറ്റിംഗ് നടത്തപെടുന്നതാണ്. 202325 വർഷങ്ങളിലേക്കുള്ള ഭദ്രാസന ഭരണസമിതി അംഗങ്ങളായി ഭദ്രാസന കൗണ്‍സിൽ അംഗങ്ങൾ, വിവിധ അദ്ധ്യാത്മിക സംഘടനകളുടെ വൈസ് പ്രസിഡന്‍റുമാർ തുടങ്ങി വിവിധ തലങ്ങളിലേക്കുള്ളവരെ ഈ യോഗത്തിൽ തെരഞ്ഞെടുക്കും.
ജൂലൈ 13,14 തീയതികളിൽ മുതിർന്നവർക്കും യുവാക്കൾക്കുമായി പ്രത്യേക പഠനക്ലാസുകളും സന്ദേശങ്ങളും ക്രമീകരിച്ചിട്ടുണ്ട്. സണ്‍ഡേസ്കൂളിന്‍റെ ആഭിമുഖ്യത്തിൽ നടത്തപ്പെടുന്ന വിബിഎസ് ഈ സമ്മേളനത്തിന്‍റെ പ്രത്യേക ആകർഷണമാണ്. വൈദികയോഗം, സെന്‍റ് മേരീസ് വിമൻസ് ലീഗ്, സെന്‍റ് പോൾസ് മെൻസ് ഫെലോഷിപ്പ്, സണ്‍ഡേസ്കൂൾ, മാർ ഗ്രിഗോറിയോസ് ആൻഡ് യംഗ് അഡൾറ്റ് അസോസിയേഷൻ, അന്ത്യോഖ്യ വിശ്വാസസംരക്ഷണ സമിതി എന്നിവയുടെ പ്രത്യേക സമ്മേളനങ്ങൾ വിവിധ ഹാളുകളിൽ നടത്തപെടുന്നതാണ്.
മലങ്കര ആർച്ച് ഡയോസിസിലെ വിവിധ ദേവാലയങ്ങളിൽ നിന്നുള്ള അംഗങ്ങൾ ഒത്തുചേർന്നുള്ള ഗായകസംഘം മനോഹരമായ ഗാനങ്ങൾ ആലപിക്കും. കൂടാതെ വിവിധ ഇടവകകളുടെ ആഭിമുഖ്യത്തിൽ നടത്തപെടുന്ന ദൃശ്യ, ശ്രാവ്യ കലാവിരുന്നുകൾ സമ്മേളനത്തിന് കൂടുതൽ കൊഴുപ്പേകും. ജൂലൈ 14 വൈകുന്നേരം നടത്തപെടുന്ന വിശ്വാസ പ്രഖ്യാപനവും കൂട്ടായ്മയും വിളിച്ചോതുന്ന പ്രൗഢഗംഭീരമായ റാലിയിൽ അഭിവന്ദ്യ മെത്രാപോലീത്താമാരും വൈദികരും ശെമ്മാശ·ാരും വിശ്വാസിസമൂഹവും അണിനിരക്കും. മുത്തുക്കുടകൾ, വാദ്യമേളങ്ങൾ എന്നിവയുടെ അകന്പടിയോടെ, അഭിവന്ദ്യ തിരുമേനിമാരേയും മറ്റു വിശിഷ്ട അതിഥികളേയും സമ്മേളനനഗരിയിലേക്ക് ആനയിക്കും. തുടർന്ന് സമാപന സമ്മേളനം നടത്തുകയും ചെയ്യും. അഭിവന്ദ്യ മെത്രാപോലീത്താമാരുടെ മുഖ്യകാർമികത്വത്തിൽ ജൂലൈ 15ന് അർപ്പിക്കപെടുന്ന വിശുദ്ധ കുർബാനയോടു കൂടെ ഈ വർഷത്തെ കണ്‍വൻഷൻ സമാപിക്കും.
സമ്മേളനത്തിന്‍റെ വിജയകരമായ നടത്തിപ്പിനായി ഭദ്രാസന സെക്രട്ടറി റവ. ഫാ. സജി മർക്കോസ് കോതകരിയിൽ ഭദ്രാസന ജോയിന്റ് സെക്രട്ടറിയും സമ്മേളനത്തിന്‍റെ ജനറൽ കണ്‍വീവനറുമായ റവ. ഫാ. ഗീവർഗീസ് ജേക്കബ് ചാലിശേരി ഭദ്രാസന ട്രഷറർ കമാൻഡർ ബാബു വടക്കേടത്ത്, ജോയിന്റ് ട്രഷറർ നിഷ വർഗീസ്, ഫാമിലി കോണ്ഫറൻസ് ജോയിന്റ് കണ്‍വീനേഴ്സായി പ്രവർത്തിക്കുന്ന സാജു പൗലോസ് മാരോത്ത്, ജീമോൻ ജോർജ്, ഭദ്രാസന കൗണ്‍സിൽ അംഗവും സമ്മേളനത്തിന്‍റെ ജോയിന്റ് കണ്‍വീനറുമായ യോഹന്നാൻ പറന്പാത്ത് എന്നിവരുടെ നേതൃത്വത്തിൽ വിവിധ കമ്മിറ്റികൾ പ്രവർത്തിച്ചുവരുന്നു. കൂടാതെ ഭദ്രാസന കൗണ്‍സിൽ അംഗങ്ങളായ റവ. ഫാ. ഷിനോജ് ജോസഫ്, റവ. ഫാ.മനു മാത്യു, റവ. ഫാ. ജെറി ജേക്കബ്, പി.ഒ. ജോർജ്, ജോയി ഇട്ടൻ, റെജി സ്കറിയാ, ജയ്സണ്‍ ജോണ്, ജെയിംസ് ജോർജ്, ലൈജു ജോർജ്, ജിബി തളിയാട്ടിൽ കുഞ്ഞപ്പൻ എന്നിവരുടേയും എംജിഎസ്ഒഎ വൈസ് പ്രസിഡന്‍റ് റവ. ഫാ. മാർട്ടിൻ ബാബു, ജോബി കുരയാക്കോസ്, റോയി മാത്യു എന്നിവരുടേയും നേതൃത്വത്തിൽ വിവിധ സബ് കമ്മിറ്റികളും പ്രവർത്തിച്ചു വരുന്നു.
|