ന്യൂജേഴ്സി: വേൾഡ് മലയാളി കൗണ്സിൽ അമേരിക്ക റീജണ് യൂണിഫൈഡ് കാനഡയിലെ ലണ്ടൻ എന്ന സിറ്റിയിൽ പുതിയ പ്രോവിൻസിനു തുടക്കമിട്ടു. നെറ്റ്വർക്ക് കണ്ണികൾ വളർത്തുന്നതിന്റെ ഭാഗമായിട്ടാണ് ടൊറോന്റോ പ്രൊവിസിനു അടുത്ത് സഹകരിച്ചു പ്രവർത്തിക്കുവാൻ ലണ്ടനിൽ പ്രൊവിൻസ് ആരംഭിച്ചത്.
സൂം വഴിയും നേരിട്ടു കൂടിയും ഹൈബ്രിഡ് മീറ്റിംഗ് വേൾഡ് മലയാളി കൗണ്സിൽ അമേരിക്ക റീജണ് ചെയർമാൻ പി.സി. മാത്യു ഉദ്ഘാടനം ചെയ്തു. റീജണ് പ്രസിഡന്റ് എൽദോ പീറ്റർ അധ്യക്ഷത വഹിച്ച മീറ്റിംഗിൽ അഡ്ഹോക് കമ്മിറ്റി രൂപീകരിച്ചു. ചെയർമാനായി സജു ജോർജ് തോമസിനെ തെരഞ്ഞെടുത്തു. പ്രസിഡന്റായി മോബിൻ പിലാൻ ചുമതല വഹിക്കും. മറ്റു ഭാരവാഹികളായി ജാബിൻ അഗസ്റ്റിൻ, നേഹ ഷാജി((വൈസ് ചെയർസ്), ഗ്രീഷ്മ ഗോപാല കൃഷ്ണൻ, ലിജു ലാവ്ലിൻ, സ്നേഹ സൂര്യ(വൈസ് പ്രസിഡന്റ്സ്), ഹൃദ്യ ശ്യാ(ജനറൽ സെക്രട്ടറി), ജോയൽ ജോമി(അസ്സോസിയേറ്റ് സെക്രട്ടറി), സ്നേഹ ചന്ദ്രൻ(ട്രസ്റ്റി), അജേഷ് നാടാർ(യൂത്ത് ഫോറം ചെയർ), ശോഭ ഗോവിന്ദൻ( പബ്ലിക് റിലേഷൻ ഓഫീസർ), ഷിൻസി സണ്ണി( വിമൻസ് ഫോറം ചെയർ), സോമൻ സഖറിയ(അഡ്വൈസറി ചെയർമാൻ) എന്നിവർ പ്രവർത്തിക്കും.
അമേരിക്ക റീജണ് നേതാക്കളായ കുരിയൻ സഖറിയ, ഫിലിപ്പ് മാരേട്ട്, അലക്സാണ്ടർ യോഹന്നാൻ, ജെയ്സി ജോർജ്, ഡോ. താരാ ഷാജൻ, എലിസബത്ത് റെഡിയാർ, പ്രൊവിൻസു നേതാക്കളായ നോർത്ത് ജേർസി പ്രൊവിൻസ് ചെയർമാൻ സ്റ്റാൻലി തോമസ്, പ്രസിഡന്റ് പീറ്റർ മേനോൻ, ഗ്ലോബൽ ചെയർമാൻ ഡോ. രാജ് മോഹൻ പിള്ളൈ മുതലായവർ യോഗത്തിൽ പങ്കെടുത്തു പ്രസംഗിച്ചു. ഗ്ലോബൽ ചെയർമാൻ ഡോ. രാജ് മോഹൻ പിള്ള, നല്ല ഒരു യുവ നേതൃത്വത്തെ സംഘടിപ്പിക്കുവാൻ കഴിഞ്ഞതിൽ റീജണ് പ്രസിഡന്റിനേയും നേതാക്കളെയും അഭിനന്ദിക്കുകയും വിജയാശംസകൾ നേരുകയും ചെയ്തു. ടൊറോന്േറാ പ്രൊവിൻസ് പ്രസിഡന്റ് ബിജു തോമസ് ആശംസ അറിയിച്ചു. റീജണ് വൈസ് ചെയർമാൻ മാത്യു വന്ദനത്തു വയലിൽ, റീജണ് വൈസ് പ്രസിഡന്റ് ഓർഗനൈസഷൻ ഡെവലപ്പ്മെന്റ് ജോസ് ആറ്റുപുറം മുതലായവർ വിജയാശംസകൾ നേർന്നു.
ലണ്ടൻ പ്രൊവിൻസ് ചെയർമാൻ സാജു തോമസ് ജോർജ് സ്വാഗതവും അമേരിക്ക റീജണ് ട്രഷറർ ഫിലിപ്പ് മാരേട്ട് നന്ദിയും പ്രകാശിപ്പിച്ചു.
|