തിരുവല്ല: ഗ്ലോബൽ ഇന്ത്യൻ കൗണ്സിൽ (ജിഐസി) അതിന്റെ വിപുലീകരണത്തിന്റെ ഭാഗമായി ഇന്ത്യയിലെ ആദ്യത്തെ ചാപ്റ്റർ ന്ധദി സെൻട്രൽ കേരള ചാപ്റ്റർന്ധ ആരംഭിക്കുന്നതിനായി പെരിങ്ങര ഇളമണ് ഹെറിറ്റേജ് സെന്ററിൽ അതിഥികളുടെ പ്രഥമ യോഗം സംഘടിപ്പിച്ചു.
2022 ലെ മികച്ച വ്യവസായിയ്ക്കുള്ള കേരള സംസ്ഥാന അവാർഡ് ജേതാവും ജിഐസി സെന്റർ ഓഫ് എക്സലൻസ് ബിസിനസ് ഡെവലപ്മെന്റ് ചെയർപേഴ്സനുമായ ഡോ. ജെ രാജ്മോഹൻ പിള്ള വിശിഷ്ടാതിഥികളുടെയും പ്രമുഖ വ്യക്തികളുടെയും സാന്നിധ്യത്തിൽ നിലവിളക്ക് കൊളുത്തി രൂപീകരണ യോഗം ഉദ്ഘാടനം ചെയ്തു. ഈ ചാപ്റ്റർ ഒരു പുതിയ അധ്യായത്തിന്റെ തുടക്കമാകുമെന്നും ഇന്ത്യയിലും മറ്റു പല രാജ്യങ്ങളിലും താമസിയാതെ നിരവധി ചാപ്റ്ററുകൾ ആരംഭിക്കുമെന്നും അദ്ദേഹം പ്രസ്താവിച്ചു.
ഗ്ലോബൽ പ്രസിഡന്റ് പി.സി. മാത്യു മുഖ്യപ്രഭാഷണം നടത്തി. പ്രഫസർമാർ, ഡോക്ടർമാർ, സാഹിത്യ നേതാക്കൾ, സാമൂഹിക പ്രതിബദ്ധതയുള്ള ആളുകൾ തുടങ്ങിയ പരിചയസന്പന്നരും അർപ്പണബോധമുള്ളവരുമായ നേതാക്കൾ ജിഐസിയുടെ കാഴ്ചപ്പാടിലേക്കും ദൗത്യത്തിലേക്കും ആകർഷിക്കപ്പെടുന്നത് നല്ല ഒരു തുടക്കത്തിന് നന്ദി കുറിക്കുന്നു. പുതുതായി രൂപീകരിച്ച ചാപ്റ്റർ മുഖേന സമൂഹത്തിന് വളരെയധികം സംഭാവന ചെയ്യാൻ കഴിയുമെന്ന് ഞങ്ങൾക്ക് ഉറപ്പുണ്ട്.ന്ധ യോഗത്തിൽ പങ്കെടുത്ത പല നേതാക്കളെയും പിന്തുണ നിലനിർത്താൻ പി.സി. മാത്യു പ്രോത്സാഹിപ്പിച്ചു. യോഗം സംഘടിപ്പിച്ച സെന്റർ ഓഫ് എക്സലൻസ് ഓഫ് എഡ്യൂക്കേഷന്റെ കോചെയർ പ്രഫ. കെ.പി.മാത്യുവിന്റെ ശ്രമങ്ങളെയും അദ്ദേഹം അഭിനന്ദിച്ചു.
സെന്റർ ഓഫ് എക്സലൻസ് ഫോർ വിമൻസ് എംപവർമെന്റ്, ഡോ. ശോശാമ്മ ആൻഡ്രൂസ്, ജിഐസി ന്യൂയോർക്ക് ചാപ്റ്ററിന്റെ ഗുഡ്വിൽ അംബാസഡർ ആൻഡ്രൂസ് എന്നിവർ തിരുവല്ലയിൽ നടന്ന പരിപാടിയിൽ സന്നിഹിതരായത്. ചാപ്റ്ററിലെ പുതിയ അംഗങ്ങൾക്ക് വലിയ പ്രോത്സാഹനമായി. ന്യൂയോർക്കിലും ഓസ്റ്റിനിലും ലോകമെന്പാടുമുള്ള മറ്റ് നിരവധി ചാപ്റ്ററുകളിലും ജിഐസിയ്ക്ക് മികച്ച പിന്തുണ ലഭിച്ചുകൊണ്ടിരിക്കുന്നുവെന്നും ശോശാമ്മ സൂചിപ്പിച്ചു.
മാവേലിക്കര ബിഷപ് മൂർ കോളജ് മുൻ പ്രിൻസിപ്പലും വിദ്യാഭ്യാസ, സാഹിത്യ, ഭാഷാ സെന്റർ ഓഫ് എക്സലന്സിന്റെ ചെയർമാനുമായ ഡോ. കുര്യൻ തോമസും പ്രഭാഷണം നടത്തി. ജിഐസിയുടെ കാഴ്ചപ്പാടുകളും ദൗത്യവും വലിയ മൂല്യമുള്ളതാണെന്ന് അദ്ദേഹം പ്രസ്താവിച്ചു.
ജിഐസി ചാപ്റ്റർ ഭാരവാഹികൾക്കൊപ്പം പൂർണമായി സജീവമാക്കുമെന്നും പ്രഫ. കെ.പി. മാത്യു പറഞ്ഞു, ന്ധ2023 ജനുവരിയിൽ ഭാരവാഹികളുടെ സ്ഥാനാരോഹണ സഹിതം ഒൗപചാരികവും വർണാഭമായതുമായ ഉദ്ഘാടനം നടത്താനുള്ള പദ്ധതികൾ നടന്നുവരുന്നുന്ധ. പ്രഫ. മാത്യുവിനൊപ്പം തുരുത്തിക്കാട് ബിഎഎം കോളജ് മുൻ പ്രിൻസിപ്പൽ പ്രഫ. വർഗീസ് മാത്യു, പ്രഫ. ഏബ്രഹാം വർഗീസ്, പ്രഫ. ലത്താര, ഡോ. കുര്യൻ തോമസ്, ഡോ. രാജ്മോഹൻ പിള്ള, തുടങ്ങി നല്ലൊരു വിഭാഗം ഇതിന്റെ വിജയത്തിനായി ആത്മാർത്ഥമായി പ്രവർത്തിക്കുന്നു.
ന്ധഗ്ലോബലിൽ നിന്ന് ചാപ്റ്ററുകളിലേക്കും ചാപ്റ്ററുകൾ തമ്മിലും ബന്ധിപ്പിക്കുന്ന ഞങ്ങളുടെ സ്വപ്നങ്ങൾ യാഥാർത്ഥ്യമാവുകയാണ്, ഇത് സമൂഹത്തിലേക്ക് തിരികെ നൽകാൻ ആഗ്രഹിക്കുന്ന ആളുകൾക്ക് ഒരു അവസരമാണ്.ന്ധ ജിഐസി ഗ്ലോബൽ ജനറൽ സെക്രട്ടറിയും ന്യൂജേഴ്സിയിൽ നിന്നുള്ള വാൾസ്ട്രീറ്റ് ഐടി കന്പനി ഡയറക്ടറുമായ സുധീർ നന്പ്യാർ പറഞ്ഞുയ
വിവിധ സെന്റർ ഓഫ് എക്സലന്സിലൂടെ, ജിഐസിയിൽ ചേരുന്നവർക്ക് അവരുടെ അഭിനിവേശത്തിൽ മികവ് പുലർത്താനും അത് തുടർന്നും, തങ്ങളുടെ കഴിവുകളിൽ മികവ് പുലർത്താൻ ആഗ്രഹിക്കുന്ന പലരുമായും പങ്കിടാനും കഴിയുമെന്ന് ഗ്ലോബൽ വൈസ് പ്രസിഡന്റ് പ്രഫ. ജോയ് പല്ലാട്ടുമഠം പറഞ്ഞു,
മുൻ ഇന്ത്യൻ ആർമി ഓഫീസറും പൈലറ്റുമായിരുന്ന, നിലവിൽ ന്യൂയോർക്കിലെ ലിങ്കണ് ഹോസ്പിറ്റലിന്റെ ഡയറക്ടറും, നാഷണൽ അസോസിയേഷൻ ഓഫ് ഇന്ത്യൻ നഴ്സസ് ഓഫ് അമേരിക്കയുടെ ട്രഷറായി സേവനമനുഷ്ഠിക്കുന്നതുമായ, ജിഐസി ഗ്ലോബൽ ട്രഷറർ ഡോ. താരാ സാജൻ ജിഐസിയിൽ ആവേശഭരിതരായ നേതാക്കൾ ചേരുന്നത് സന്തോഷകരമാണെന്നും പ്രസ്താവിച്ചതോടൊപ്പം പുതിയ ചാപ്റ്ററിന് എല്ലാ വിധ ആശംസകളും നേരുകയും ചെയ്തു
ജിഐസി ഗ്ലോബൽ കാബിനറ്റ് അംഗങ്ങൾ ഓണ്ലൈനിൽ പരിപാടിയെ അഭിനന്ദിച്ചു. ഡോ. ജിജ ഹരിസിംഗ് ഐപിഎസ് റിട്ട. കർണാടക ഡിഐജി & ജിഐസി ഗുഡ്വിൽ അംബാസഡർ, ജിഐസി ട്രഷറർ, ടോം ജോർജ്ജ് കോലത്ത്, ചെയർപേഴ്സണ് സിഒഇ വിഷ്വൽ മീഡിയ, ഡോ. മാത്യു ജോയ്സ്, ഗ്ലോബൽ മീഡിയ ചെയർ, അഡ്വ. സീമ ബാലസുബ്രഹ്മണ്യം, അഡ്വ. സൂസൻ മാത്യു, ഐഎഫ്എസ് കെ.ജെ. വർഗീസ്, സെന്റർ ഓഫ് എക്സലൻസ് ഫോർ ഹെൽത്ത് ആൻഡ് വെൽനസ് കോചെയർ ഉഷാ ജോർജ്, മുൻ അംബാസഡർ ശ്രീകുമാർ മേനോൻ, ഡോ.ടി.പി.നാരായണൻകുട്ടി, തുടങ്ങിയവർ മധ്യകേരള ചാപ്റ്ററിൽ ചേർന്ന പുതിയ നേതാക്കളെ അനുമോദിച്ചുകൊണ്ട് പ്രസംഗങ്ങൾ നടത്തി.
|