Deepika.com Nri News :ഇവാ കൈലി ഭാഗികമായി കുറ്റം സമ്മതിച്ചു.......

Europe

ഇവാ കൈലി ഭാഗികമായി കുറ്റം സമ്മതിച്ചു

Back To NRI Home Forward This News Click here for detailed news of all items

ബ്രസൽസ്: യൂറോപ്യൻ യൂണിയന്‍റെ നയങ്ങളെ സ്വാധീനിക്കാൻവേണ്ടി ഖത്തറിൽനിന്നു കൈക്കൂലി വാങ്ങിയ ഖത്തർഗേറ്റ് സംഭവത്തിൽ അറസ്റ്റിലായ ഗ്രീസിൽനിന്നുള്ള യൂറോപ്യൻ പാർലമെന്‍റ് അംഗം ഇവാ കൈലി ഭാഗികമായി കുറ്റം സമ്മതിച്ചതായി ഫ്രഞ്ച് ദിനപത്രമായ ല് സ്വാർ റിപ്പോർട്ട് ചെയ്തു.

അറേബ്യൻ രാജ്യങ്ങളും യൂറോപ്യൻ യൂണിയനുമായി ബന്ധം മെച്ചപ്പെടുത്തുന്നതിനുള്ള കമ്മിറ്റിയിൽ അംഗമായിരുന്നു ഇവാ കൈലി. ലോകകപ്പിനോടു ബന്ധപ്പെട്ട നിർമാണപ്രവൃത്തികളിൽ തൊഴിലാളികൾ നേരിടുന്ന ചൂഷണം, ലൈംഗികന്യൂനപക്ഷങ്ങളോടും സ്ത്രീകളോടുമുള്ള വിവേചനം മുതലായ വിഷയങ്ങളിൽ ഖത്തർ വലിയ വിമർശനം നേരിട്ടിരുന്നു.

ഇക്കാര്യങ്ങളിൽ ഇവാ കൈലി ഖത്തറിന് ക്ലീൻ ചിറ്റ് നല്കുകയായിരുന്നു. ആരോപണങ്ങളെത്തുടർന്ന് ബെൽജിയൻ പോലീസ് കുറെ മാസങ്ങളായി ഇവാ കൈലിയെയും കൂട്ടാളികളെയും പിന്തുടർന്നിരുന്നു. അതാണ് അറസ്റ്റിൽ കലാശിച്ചത്.

ആറുലക്ഷം യൂറോ അടങ്ങിയ സ്യൂട്ട്കേസ് ഒളിപ്പിക്കുന്നതിനിടെ ഇവായുടെ പിതാവ് ബ്രസൽസിലെ സോഫിടെൽ ഹോട്ടലിൽവച്ച് പിടിയിലായതിനുശേഷമാണ് മറ്റുള്ളവരും അറസ്റ്റിലായത്.
താൻ തന്നെയാണ് പണം ഒളിപ്പിക്കാൻ പിതാവിനോട് ആവശ്യപ്പെട്ടതെന്നും തന്‍റെ ഓഫീസ് വഴിയാണ് പണം കൈമാറ്റം ചെയ്യപ്പെട്ടതെന്നും ഇവാ സമ്മതിച്ചതായാണ് റിപ്പോർട്ട്.

ഇവായോടൊപ്പം അറസ്റ്റിലായ ഭർത്താവ് ഫ്രാൻചെസ്കോ ജോർജി, മുൻ പാർലമെന്‍റ് അംഗം പിയർ അന്തോണിയോ പാൻസേരി എന്നിവരുടെ മുൻകാല ചെയ്തികൾ അറിയാമായിരുന്നെന്നും ഇവാ സമ്മതിച്ചിട്ടുണ്ട്. ഇവർക്ക് ഇവാ മുന്നറിയിപ്പു നല്കിയിരുന്നത്രെ.

അറസ്റ്റിലായ ബെൽജിയൻ എംപി മാർക്ക് തരബെല്ല, ഖത്തറിൽനിന്ന് പണമോ പാരിതോഷികങ്ങളോ കൈപ്പറ്റിയിട്ടില്ല എന്ന നിലപാടിൽ ഉറച്ചുനില്ക്കുകയാണ്. ഇരുപതു ലക്ഷത്തോളം യൂറോയുടെ ഇടപാടുകളാണ് ഖത്തർഗേറ്റിൽ ഇതുവരെ പുറത്തുവന്നിരിക്കുന്നത്. ഖത്തറിനു പുറമേ മൊറോക്കോയും കൈക്കൂലി നൽകി യൂറോപ്യൻ പാർലമെന്‍റ് അംഗങ്ങളെ സ്വാധീനിക്കാൻ ശ്രമിച്ചതായി റിപ്പോർട്ടുണ്ട്.

ഐഒസി യുകെ സംഘടിപ്പിക്കുന്ന പ്രചാരണ കാമ്പയിൻ ശനിയാഴ്ച; ഉദ്ഘാടകൻ എം. ലിജു.

ലണ്ടൻ: യുഡിഎഫ് സ്ഥാനാർഥികളുടെ പ്രചാരണാർഥം ഐഒസി യുകെ സംഘടിപ്പിക്കുന്ന മുഴുദിന പ്രചാരണ കാമ്പയിൻ "എ ഡേ ഫോർ ഇന്ത്യ' ശന

അയര്‍ലൻഡിലെ സത്ഗമയ വിഷു ആഘോഷം പ്രൗഢഗംഭീരമായി.

ഡബ്ലിൻ: വിഷുദിനത്തിൽ പരമ്പരാഗത രീതിയിൽ ഒട്ടുരുളിയിൽ ഒരുക്കിയ സമൃദ്ധിയേയും കണ്ണനാം ഉണ്ണിയേയും കൺനിറയെ കണ്ട്, കൈപ

ഗ്രീസില്‍ മഹാസമുദ്രം സമ്മേളനം നടന്നു.

ആഥന്‍സ്: മനുഷ്യപ്രവര്‍ത്തനങ്ങള്‍ മൂലമുണ്ടാകുന്ന നാശനഷ്ടങ്ങളില്‍ നിന്ന് ലോക സമുദ്രങ്ങളെ സംരക്ഷിക്കാന്‍ യൂറോപ്യന്‍

ബേസിംഗ്സ്റ്റോക്ക് നൈറ്റ് വിജിൽ "എഫാത്താ' വെള്ളിയാഴ്ച; ഫാ. ജോസഫ് കണ്ടത്തിപ്പറമ്പിൽ ശുശ്രൂഷകൾ നയിക്കും.

ബേസിംഗ് സ്റ്റോക്ക്: ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള സെന്‍റ് അഗസ്റ്റിൻസ് പ്രൊപ്പോസ്ഡ് മിഷൻ ആതിഥേയത്വം വഹ

ജപ്പാൻ അന്തരാഷ്ട്ര കരാട്ടെ മത്സരത്തിൽ യുകെയ്ക്ക് ചാമ്പ്യൻഷിപ്പ്; സ്വർണ മെഡൽ ജേതാവായി മലയാളിതാരം ടോം ജേക്കബ്.

ഗ്ലാസ്ഗോ: ജപ്പാനിൽ നടന്ന അന്തരാഷ്ട്ര കരാട്ടെ മത്സരത്തിൽ യുകെയ്ക്ക് ചാമ്പ്യൻ പട്ടം.