ലീഗ് സിറ്റി (ടെക്സസ്): മലയാളി സമാജം ഓഫ് ലീഗ് സിറ്റിയുടെ ഈ വർഷത്തെ ക്രിസ്മസ് പുതുവത്സര കൂട്ടായ്മ വിന്റർബെൽസ്2022, ഡിസംബർ 30 ന് വൈകിട്ട് 5ന് ഹെറിറ്റേജ് പാർക്ക് ബാപ്റ്റിസ്റ്റ് ചർച്ച്, വെബ്സ്റ്ററിൽ നടത്തപ്പെടും.
നൂറിലധികം കുടുംബങ്ങൾ ഒത്തുകൂടുന്ന ഈ സംഗമം പ്രവാസി മലയാളികളുടെ ഒരു വലിയ സ്നേഹക്കൂട്ടായ്മയുടെ ഉത്തമ ഉദാഹരണമാണ്.
കേരളശൈലിയിൽ ഒരുക്കിയ കൂറ്റൻ നക്ഷത്രങ്ങൾ, പുൽക്കൂട്, നൂറുകണക്കിനുള്ള ചെറു നക്ഷത്രങ്ങൾ ഇവയെല്ലാം ഒരുക്കി പ്രദേശ വാസികളിലും കൗതുകമുണർത്തുന്ന രീതിയിലുള്ള അലങ്കാരങ്ങൾക്കാണ് മാത്യു പോൾ, ടെൽസണ് പഴന്പിള്ളി , കൃഷ്ണരാജ് കരുണാകരൻ, വിനേഷ് വിശ്വനാഥൻ, രാജേഷ് പിള്ള എന്നിവരുടെ നേതൃത്വത്തിൽ തുടക്കം കുറിച്ചിട്ടുള്ളത്.
കൂടാതെ മൊയ്തീൻകുഞ്ഞു, ആൻന്റണി ജോസഫ്, തോമസ് ജോസഫ്, പ്രതാപൻ തേരാട്ടു, മനാഫ് കുഞ്ഞു, ബിജു ശിവാനന്ദൻ, ഷോണി ജോസഫ്, സോജൻ പോൾ എന്നിവരുടെ നേതൃത്വത്തിൽ ഒരുക്കുന്ന നാടൻ തട്ടുകട നാനൂറിൽപരം ആളുകൾക്ക് തത്സമയം ഭക്ഷണം പാകം ചെയ്തു വിതരണം ചെയ്യാനുതകുന്ന രീതിയിലായിരിക്കും പ്രവർത്തിക്കുക.
ഇതോടൊപ്പം അമേരിക്കയിലെ പ്രശസ്ത മജിഷ്യനായ കർട്ട് മില്ലറിന്റെ ജാലവിദ്യയും, ലീഗ്സിറ്റിയുടെ സ്വന്തം ഗായകരെ അണിനിരത്തി ഒരു ഗാന നിശയും കൂടാതെ വൈവിധ്യമാർന്ന നൃത്ത, സംഗീത, നാടക പരിപാടികളും ഉൾകൊള്ളിച്ചു ആഘോഷിക്കുവാൻ ഇന്നലെ നടന്ന യോഗത്തിൽ തീരുമാനിച്ചു.
ഹൂസ്റ്റണ്ഗാൽവെസ്ടണ് പ്രദേശത്തെ പ്രമുഖ റിയൽ എസ്റ്റേറ്റ് പ്രൊഫഷണൽ ആയ അലൻ വർഗീസാണ് പരിപാടിയുടെ മുഖ്യ സ്പോണ്സർ. കൂടാതെ ടെക്സസിലെ തന്നെ മുൻനിര മോർഗേജ് കന്പനിയായ ഫസ്റ്റ് സ്റ്റെപ് മോർഗേജ്, എബി എബ്രഹാം സഹ സ്പോണ്സറുമാണ്.
കൂടുതൽ വിവരങ്ങൾക്ക് സംഘാടകരുമായി ബന്ധപ്പെടുവാനുള്ള നന്പറുകൾ: രാജൻകുഞ്ഞു ഗീവർഗീസ് 5078220051, ബിനീഷ് ജോസഫ് 4092560873, സോജൻ ജോർജ് 4092569840, ഡോ. രാജ്കുമാർ മേനോൻ 2627440452, ബിജോ സെബാസ്റ്റിൻ 4092566427, മാത്യു പോൾ 4094543472, വിനേഷ് വിശ്വനാഥൻ 2282494511, ഷിബു ജോസഫ് 2282491819, ഡോ. നജീബ് കുഴിയിൽ 2814286487, ഡോ.ജേക്കബ് തെരുവത്ത് 2404261845
|