ഫിലഡൽഫിയ: ഓർമ ഇന്‍റർനാഷണൽ ഏപ്രിൽ 15ന് ഫിലഡൽഫിയയിൽ നടത്തുന്ന ദേശാന്തര നാടകമത്സരത്തിന് ഓർമ ചേംബർ ഓഫ് ഡ്രാമാ ചട്ടങ്ങളൊരുക്കും. മുൻ ഫോമാ പ്രസിഡന്‍റും നാടക കലാകാരനുമായ അനിയൻ ജോർജ്, ഫൊക്കാനാ ജോയിന്റ് സെക്രട്ടറിയും അഭിനേതാവുമായ ജോയി ചാക്കപ്പൻ, പ്രശസ്ത നാടകനടനും സംവിധായകനുമായ ദേവസി പാലാട്ടി, കീർത്തികേട്ട അഭിനേതാവും ഷോർട് ഫിലിം സീരിയൽ നടനുമായ സണ്ണീ കല്ലൂപ്പാറ, നർത്തകിയും നൃത്താധ്യാപികയും നഴ്സ് എഡ്യൂക്കേറ്ററുമായ നിമ്മീ ദാസ്, മോട്ടിവേഷണൽ എഡ്യൂക്കേറ്ററും സ്പ്രിംഗ് ഫോർഡ് ഏരിയ ഹൈസ്കൂളിൽ ഗണിതശാസ്ത്ര അധ്യാപകനുമായ ജോസ് തോമസ്, നാടക കലാകാരിയും സംഘാടകയുമായ മറിയാമ്മ ജോർജ്, നാടക കലാകാരൻ വിജയൻ പരമേശ്വരൻ, നാടക പ്രവർത്തകൻ നാരായണൻകുട്ടി മെരിലാന്‍റ്, നാടക കലാകാരിയും സംഘാടകയുമായ ഷൈലാ രാജൻ എന്നിവരാണ് ഓർമ ഇന്‍റർനാഷണൽ ചേംബർ ഓഫ് ഡ്രാമായ്ക്ക് നേതൃത്വം നൽകുന്നത്.
2023 ഏപ്രിൽ 15 ശനിയാഴ്ച ഉച്ചയ്ക്ക് ഒന്നു മുതൽ രാത്രി പത്തു വരെ ന്ധന്ധമിസ് കുമാരി നാടക ഗ്രാമംന്ധ എന്നു നാമകരണം ചെയ്യുന്ന, ഫിലഡൽഫിയ സെന്‍റ് തോമസ് സീറോ മലബാർ ഓഡിറ്റോറിയത്തിലാണ് (608 Welsh Rd, Philadelphia, PA 19115) നാടകോത്സവം അരങ്ങേറുക. ഷാജി മിറ്റത്താനിയാണ് ഓർമാ ഇന്‍റർനാഷണൽ തീയേറ്റർ ഫോറം ചെയർമാൻ. ജോസ് ആറ്റുപുറം (ഓർമാ ഇന്‍റർ നാഷണൽ ട്രസ്റ്റീ ബോർഡ് ചെയർമാൻ), ജോർജ് നടവയൽ (പ്രസിഡന്‍റ്), ജോർജ് അന്പാട്ട് (ഓർമാ ഫിലഡൽഫിയാ പ്രൊവിൻസ്, പ്രസിഡന്‍റ്) എന്നിവർ എക്സ് ഒഫിഷ്യോ അംഗങ്ങൾ. ബിനു ഫിലിപ്, അനീഷ് ജെയിംസ്, റെനി ജോസഫ്, റോഷിൻ പ്ലാമൂട്ടിൽ, റ്റിജോ പറപ്പുള്ളി എന്നിവരുൾപ്പെടുന്ന ഫസിലിറ്റേഷൻ കമ്മിറ്റി പ്രവർത്തനം ആരംഭിച്ചു.
കൂടുതൽ വിവരങ്ങൾക്ക്: ഷാജി മിറ്റത്താനി (2157153074), ദേവസ്‌സി പാലാട്ടി (2019219109), സണ്ണി കല്ലൂപ്പാറ ( 8455960935), ജോയി ചാക്കപ്പൻ ( 201 563 6294), ജോസ് ആറ്റുപുറം (267 2314643).
|