ന്യൂയോർക്ക്: കേരളാ ഇഞ്ചിനീയറിംഗ് ഗ്രാഡുവേറ്റ്സ് അസോസിയേഷൻ ഓഫ് നോർത്ത് ഈസ്റ്റ് അമേരിക്ക (KEAN) യുടെ 12ാംമത് കുടുംബ സംഗമവും സ്കോളർഷിപ്പ് വിതരണവും വിവിധ പരിപാടികളോടെ നടത്തപ്പെട്ടു. വെസ്ലി ഹിൽസിലെ ഹോളി ഫാമിലി സീറോ മലബാർ കത്തോലിക്ക സെന്‍ററിന്‍റെ ഹാളിൽ വച്ച് നടത്തപ്പെട്ട ഈ പരിപാടി, അവതരിപ്പിക്കപ്പെട്ട സാങ്കേതിക പ്രബന്ധങ്ങളുടേയും, സന്ദേശങ്ങളുടേയും, കലാ പരിപാടികളുടേയും അതിമേ·കൊണ്ട് പ്രത്യേകം ശ്രദ്ധ ആകർഷിച്ചു.
അശ്വതി, മീരാ ജെയിംസ്, അമല ജെയിംസ് എന്നിവർ ആലപിച്ച അമേരിക്കൻ ദേശീയഗാനത്തോടും ഇൻഡ്യൻ ദേശിയഗാനത്തോടും കൂടി പരിപാടികൾ ആരംഭിച്ചു. കീൻ ജനറൽസെക്രട്ടറി ഷിജി മാത്യുവിന്‍റെ സ്വാഗത പ്രസംഗത്തിനുശേഷം കീൻ പ്രസിഡൻറ് ഷാജി കുരിയക്കോസ്, തന്‍റെ അധ്യക്ഷ പ്രസംഗത്തിൽ കീനിന്‍റെ 2022 ലെ പ്രവർത്തനങ്ങളെപ്പറ്റി വിശദമായി പ്രതിപാദിച്ചു. കീൻ ബോർഡ് ഓഫ് ട്രസ്റ്റി ചെയർമാൻ അജിത് ചിറയിൽ, പബ്ലിക് റിലേഷൻ കമ്മിറ്റി ചെയർമാൻ ഫിലിപ്പോസ് ഫിലിപ്പ്, സ്കോളർഷിപ് കമ്മിറ്റി ചെയർമാൻ കോശി പ്രകാശ് എന്നിവരുടെ ആശംസാ പ്രസംഗങ്ങളിൽ കീനിന്‍റെ പ്രവർത്തനങ്ങൾ, സംഘടനയുടെ വളർച്ച, സ്കോളർഷിപ്പ് പദ്ധതി എന്നിവയുടെ പ്രാധാന്യം പ്രത്യേകം അനുസ്മരിച്ചു.
ഫാമിലി നൈറ്റിന്‍റെ മുഖ്യപരിപാടിയായ ടെക്നിക്കൽ പ്രസന്േ‍റഷൻ മുഖ്യതിഥിയായ ശ്രീമതി സിന്ധു സുരേഷ് വളരെ ത·യത്വോടുകൂടി അവതരിപ്പിച്ചു.'A Birds Eye View on Digital Transformation' എന്ന വിഷയത്തെപ്പറ്റി നടത്തിയ പ്രഭാഷണം പങ്കെടുത്ത ഏവരുടേയും കൗതുകം ഉണർത്തി. അക്കാഡമിക് രംഗത്തും ഗവേഷണരംഗത്തും തനതായ വ്യക്തിമുദ്ര പതിപ്പിച്ച സിന്ധുവിനെ ന്യൂജേഴ്സി റീജിയൻ വൈസ് പ്രസിഡന്‍റ് രഞ്ജിത് പിള്ള പരിചയപ്പെടുത്തി.
തുടർന്ന് ഈ വർഷം കീൻ സ്കോളർഷിപ്പിന് അർഹനായ ക്ലാർക്സ്ടൗണ്‍ നോർത്ത് ഹൈസ്കൂൾ സല്യൂട്ടറ്റോറിയൻ ജോഷുവ അലക്സാണ്ടറിന് കീൻ ന്യൂസ് ലെറ്റർ ആൻഡ് പുബ്ലിക്കേഷൻസ് ചെയർമാൻ ബിജു ജോണ് ക്യാഷ് അവാർഡ് നൽകി. മുഖ്യതിഥിയായ സിന്ധുവിനെ ലോംഗ് ഐലൻഡ് റീജണൽ വൈസ് പ്രസിഡന്‍റ് ബിജു പുതുശേരി ഫലകം നൽകി ആദരിച്ചു. കീനിന്‍റെ മുൻ സെമിനാറുകൾക്ക് നേതൃത്വം നൽകിയ ജൂലിയൻ ഡെലിയ, ഫെലിഷ്യ ഫ്രയറ്മാൻ, മനോജ് പി കീച്ചിലോർ എന്നിവരെ പ്രൊഫഷണൽ അഫ്ഫയെര്സ് ചെയർമാൻ സാജൻ ഇട്ടി ആദരിച്ചു. കൂടാതെ സ്പോണ്സർമാർ ആയ സജിമോൻ ആന്‍റണി (ങടആ ആൗശഹറലൃെ), ഡൊമിനിക് ശാമുവേൽ, എൽദോ പോൾ, മാത്യു പരുത്തിക്കൽ, പ്രേമ ആന്ദ്രപ്പള്ളിയിൽ എന്നിവരെ കീൻ സെക്രട്ടറി ഷിജി മാത്യുവും ട്രസ്റ്റി ബോർഡ് മെന്പർ ജെയ്സണ്‍ അലെക്സും ചേർന്ന് ആദരിച്ചു.
പൊതു സമ്മേളനത്തിനുശേഷം നടന്ന കലാപരിപാടികൾക്ക് സോഷ്യൽ ആൻഡ് കൾച്ചറൽ ചെയർമാൻ ജേക്കബ് ജോസഫ് നേതൃത്വം നൽകി. ജേക്കബ് ജോസഫിന്റെ നേതൃത്വത്തിൽ നടന്ന കലാപരിപാടികൾ ശോഭാ ജേക്കബ്, സെറിൻ ഇട്ടി, ആഷ്ലി മാത്യു എന്നിവർ എം സിമാരായി തങ്ങളുടെ പാടവം തെളിയിച്ചു. ജേക്കബ് ബ്രദർ എന്ന പേരിൽ അറിയപ്പെടുന്ന സാമുവേൽ ജേക്കബ്, സ്റ്റീഫൻ ജേക്കബ്, സൈമണ്‍ ജേക്കബ് എന്നിവർ ചേർന്ന് നടത്തിയ ഡാൻസോടുകൂടി ആരംഭിച്ച കലാപരിപാടിയിൽ ട്രൈസ്റ്റേറ്റിലെ സുപ്രസിദ്ധ നർത്തകിയും സൗപർണിക ഡാൻസ് സ്കൂളിന്‍റെ സാരഥിയും കീനിന്‍റെ മുൻ ഭാരവാഹിയുമായ മാലിനി നായർ, സൗപർണിക ഡാൻസ് സ്കൂൾ ടീം, മെറീന ആന്‍റണി എന്നിവരുടെ കണ്ണഞ്ചിപ്പിക്കുന്ന നൃത്തങ്ങൾ കാണികളെ കോരിത്തരിപ്പിക്കുവന്നവയായിരുന്നു. അമേരിക്കയിലെ അറിയപ്പെടുന്ന ഗായകരായ തഹസിൽ മുഹമ്മദ്, ജേക്കബ് ജോസഫ്, അശ്വതി എന്നിവർ നടത്തിയ ഗാനമേള ശ്രോതാക്കളെ പിടിച്ചിരുത്തി.
കലാപരിപാടികൾക്കുശേഷം കീനിന്‍റെ സ്കോളർഷിപ്പ് ഫണ്ടിലേക്ക് നടത്തിയ റാഫിളിന്‍റെ നറുക്കടുപ്പ് കീൻ ട്രഷറർ സോജിമോൻ മാത്യു, മുൻ പ്രസിഡൻറുമാരായ ലിസി ഫിലിപ്പ്, മെറി ജേക്കബ് എന്നിവർ ചേർന്ന് നിർവഹിച്ചു. ഒന്നാം സമ്മാനമായ ആപ്പിൾ വാച്ച് ബിനു വർഗീസിനും രണ്ടാം സമ്മാനം വിവേക് തോമസിനും മൂന്നാം സമ്മാനം ജെയിംസ് ജോർജിനും ലഭിച്ചു.
റോക്ലൻഡ് വെസ്റ്റ്ചെസ്റ്റർ റീജിയണൽ വൈസ് പ്രസിഡന്‍റ് ജേക്കബ് ഫിലിപ്പിന്‍റെ നന്ദി പ്രകാശനത്തോടും തുടർന്ന് നടന്ന വിഭവസമൃദ്ധമായ വിരുന്നോടും കൂടി 2022 ലെ കുടുംബമേള സമാപിച്ചു. 501 ഇ (3) അംഗീകാരമുള്ള കീനിന്‍റെ പ്രവർത്തനങ്ങളുമായി സഹകരിക്കുവാൻ താൽപര്യമുള്ളവർ ദയവായി കീനുമായി ബന്ധപെടുക.
|