കുവൈറ്റ് സിറ്റി: വെർച്വൽ സാധ്യതകളും റോബോട്ടിക് സാങ്കേതിക വിദ്യയുമെല്ലാം ചേർന്ന് തികച്ചും വ്യത്യസ്തമായ ഒരു ലോകം സാധ്യമാക്കികൊണ്ടിരിക്കുന്ന ഇക്കാലത്ത്, മൂല്യനിരാസങ്ങൾക്കെതിരായ തിരുത്ത് പുതിയ ഭാവങ്ങളിൽ പുനഃസൃഷ്ടിക്കണമെന്ന് രിസാല സ്റ്റഡി സർക്കിൾ കുവൈറ്റ് നാഷണൽ യൂത്ത് കണ്‍വീൻ അഭിപ്രായപ്പെട്ടു. നമ്മളാവണം എന്ന പ്രമേയത്തിൽ കഴിഞ്ഞ രണ്ട് മാസങ്ങളിലായി നടന്നു വരുന്ന മെന്പർഷിപ്പ് കാന്പയിന്‍റെ ഭാഗമായി യൂണിറ്റ്, സെക്ടർ, സോണ് കണ്‍വീനിനുശേഷം കഴിഞ്ഞ ദിവസം നടന്ന കുവൈറ്റ് നാഷനൽ യൂത്ത് കണ്‍വീനിൽ നവ നേതൃത്വം നിലവിൽ വന്നു.
ഫർവാനിയ യൂത്ത് സ്ക്വയറിൽ സംഘടിപ്പിച്ച പരിപാടി ചെയർമാൻ ഷിഹാബ് വാരത്തിന്‍റെ അധ്യക്ഷയിൽ ഐസിഎഫ് നാഷനൽ സെക്രട്ടറി എൻജിനീയർ അബു മുഹമ്മദ് ഉദ്ഘാടനം നിർവഹിച്ചു. വിവിധ സെഷനുകൾക്ക് അബ്ദുല്ല വടകര, സിറാജ് മാട്ടിൽ റിയാദ്, കബീർ ചേളാരി സൗദി, ഹബീബ് മാട്ടൂൽ ദുബായ്, എഞ്ചിനീയർ അബൂബക്കർ സിദ്ധീഖ്, ഷിഹാബ് വാണിയന്നൂർ നേതൃത്വം നൽകി.
ചെറുപ്പക്കാരുടെ ഉൗർജ്ജവും ശേഷിയും ഉൗറ്റിയെടുത്ത് ലാഭം കൊയ്യുന്ന മാഫിയകൾ സജീവമായ ഈ സാഹചര്യത്തിൽ ഓരോരുത്തരുടെയും ഉള്ളിൽ തന്നെ സജീവമായ തിരുത്തെഴുത്ത് നടക്കണം. നശിപ്പിക്കാനും തകർക്കാനുമല്ല, നിർമ്മിക്കാനും ചേർത്തുപിടിക്കാനുമാകണം യവനമെന്ന് സംഗമം അഭിപ്രായപ്പെട്ടു.
ഭാരവാഹികളായി ഹാരിസ് പുറത്തീൽ(ചെയർമാൻ), : അൻവർ ബലക്കാട്(ജനറൽ സെക്രട്ടറി), നവാഫ് ചപ്പാരപ്പടവ്(എക്സിക്യുട്ടീവ് സെക്രട്ടറി), ജസാം കണ്ടുങ്ങൾ, അബുതാഹിർ(ക്ലസ്റ്റർ സെക്രട്ടറിമാർ), ഷഹദ് മൂസ((ഓർഗനൈസിംഗ്), റഫീഖ് റഹ്മാനി, അബ്ദുൾ റഹ്മാൻ((ഫിനാൻസ്), നജീബ് തെക്കെക്കാട് (മീഡിയ) മൂസക്കുട്ടി പാലാണി, നാഫി കുറ്റിച്ചിറ (കലാലയം) അനസ് എടമുട്ടം, നുഫൈജ് പെരിങ്ങത്തൂർ (വിസ്ഡം) എന്നിവരെ തെരഞ്ഞെടുത്തു.
|