കുവൈറ്റ് സിറ്റി: സാരഥി കുവൈറ്റിന്‍റെ 23ാമത് വാർഷികാഘോഷം, ശിവഗിരി തീർഥാടനത്തിന്‍റെ നവതി, ബ്രഹ്മവിദ്യാലയത്തിന്‍റെ സുവർണ ജൂബിലി എന്നിവ ഒരുമിച്ച് ന്ധസാരഥീയം 2022ന്ധ എന്ന പേരിൽ കുവൈറ്റിലെ അമേരിക്കൻ ഇന്‍റർനാഷണൽ സ്കൂൾ ഓഡിറ്റോറിയത്തിൽ നവംബർ 18ന് വിപുലമായി ആഘോഷിച്ചു.
ശ്രീനാരായണ ധർമ്മ സംഘം ട്രസ്റ്റിന്‍റെ പ്രസിഡന്‍റ് ബ്രഹ്മശ്രീ സച്ചിദാനന്ദ സ്വാമിജികൾ സാരഥീയം 2022 ഉദ്ഘാടനം ചെയ്തു. സാരഥി കുവൈറ്റിന്‍റെ നേതൃത്വത്തിൽ നടത്തി വരുന്ന വിദ്യാഭ്യാസ, ജീവകാരുണ്യ പ്രവർത്തനങ്ങളെ അഭിനന്ദിച്ച സ്വാമിജി, ജാതിമത വർണവർഗ വ്യത്യാസമില്ലാതെ എല്ലാവരെയും ഒന്നായികണ്ട ഗുരുദേവന്‍റെ വിശ്വദർശനം ജീവിത ദർശനമായി പ്രാവർത്തികമാക്കണമെന്ന് ആഹ്വാനം ചെയ്യുകയും ചെയ്തു.
ശ്രീനാരായണഗുരു മതം സ്ഥാപിച്ചില്ലെന്നും ക്രിസ്തുവിന്‍റെ സ്നേഹവും മുഹമ്മദ് നബിയുടെ സാഹോദര്യവും ശ്രീശങ്കരാചാര്യരുടെ ജ്ഞാനവും ഭാരതീയ ഗുരുക്ക·ാരുടെ ആധ്യാത്മികതയും സമന്വയിച്ച ഏകലോക ദർശനമാണ് ലോകത്തിന് ആവശ്യമെന്ന് ഉണർത്തുകയാണ് ചെയ്തെന്ന് സ്വാമിജി പറഞ്ഞു. ഗുരുദർശനങ്ങൾ സ്വജീവിതത്തിൽ പ്രാവർത്തികമാക്കുന്നതിലൂടെ ജീവിതവിജയം നേടുവാനും സ്വാമിജി ആഹ്വാനം ചെയ്തു.
ശ്രീനാരായണ ധർമ്മ സംഘം ട്രസ്റ്റിന്‍റെ ജനറൽ സെക്രട്ടറി ശ്രീമദ് ഋതംഭരാനന്ദ സ്വാമികൾ, മെഡിമിക്സ് ഗ്രൂപ്പ് മാനേജിംഗ് ഡയറക്ടർ ഡോ. എ.വി. അനൂപ് എന്നിവർ വിശിഷ്ടാതിഥികളായിരുന്നു.
ആഘോഷങ്ങളുടെ ഭാഗമായി ശിവഗിരിയിലെ സന്യാസ ശ്രേഷ്ഠ·ാരുടെ നേതൃത്വത്തിൽ പ്രഭാഷണങ്ങളും നടത്തപ്പെട്ടു. സാരഥി ഏർപ്പെടുത്തിയ 2022 ലെ ഡോ. പൽപു നേതൃയോഗ അവാർഡ് ബഹ്റിൻ എക്സ്ചേഞ്ച് കന്പനിയുടെ ചീഫ് എക്സിക്യൂട്ടീവ് ഓഫീസർ മാത്യൂസ് വർഗീസിനും മികച്ച സംരംഭകനുള്ള സാരഥി ഗ്ലോബൽ ബിസിനസ് ഐക്കണ്‍ അവാർഡ് മെഡിമിക്സ് മാനേജിംഗ് ഡയറക്ടർ ഡോ. എ.വി. അനൂപിനും സമ്മാനിച്ചു. ഈ വർഷത്തെ സാരഥി കർമ്മശ്രേഷ്ഠ അവാർഡിന് അഡ്വ. ശശിധര പണിക്കർ അർഹനായി.
നിർധനരായ വിദ്യാർഥികൾക്കായുള്ള 50 ലക്ഷം രൂപയുടെ വിദ്യാഭ്യാസ സ്കോളർഷിപ്പും ഭവന രഹിതർക്കായി ഏർപ്പെടുത്തിയ സാരഥി സ്വപ്ന വീട് പദ്ധതി പ്രകാരമുള്ള പുതിയ വീടിന്‍റെ പ്രഖ്യാപനവും സാരഥീയം 2022 വേദിയിൽ നടക്കുകയുണ്ടായി. സാരഥി നടത്തുന്ന വിദ്യാഭ്യാസ സ്ഥാപനമായ എസ്‌സിഎഫ്ഇ വഴിയായിരിക്കും വിദ്യാഭ്യാസ സ്കോളർഷിപ്പ് നടപ്പാക്കുക.
ലോകത്തിലാദ്യമായി അഞ്ചു ഭാഷകളിലായി ദൈവദശകം ആലാപനം സാരഥീയം വേദിയിൽ സംഘടിപ്പിച്ചു. മലയാളം, കന്നഡ, തമിഴ്, അറബിക്, ഹിന്ദി എന്നീ അഞ്ചു ഭാഷകളിലായി സാരഥി ഗുരുകുലം കുട്ടികളുടെ നേതൃത്വത്തിലാണ് ആലപിച്ചത്.
60 നർത്തകരും 50 അഭിനേതാക്കളും ചേർന്ന് അവതരിപ്പിച്ച ന്ധഗുരുപ്രഭാവംന്ധ നൃത്തസംഗീതനാടകാവിഷ്ക്കാരം ഏവരുടെയും പ്രശംസ പിടിച്ചുപറ്റി.
കോർഡിനേറ്റർ അജി കുട്ടപ്പന് നൽകി കൊണ്ട് ബ്രഹ്മ്ശ്രീ സച്ചിദാനന്ദ സ്വാമികൾ സാരഥീയം സുവനീർ പ്രകാശനം നിർവഹിച്ചു. 202122 അധ്യയന വർഷത്തിൽ പത്ത്, പ്ലസ്ടു പരീക്ഷകളിൽ മികച്ച വിജയം കൈവരിച്ച കുട്ടികൾക്ക് ശ്രീ ശാരദാംബാ അക്കാദമിക് എക്സലൻസ് അവാർഡുകളുടെ വിതരണവും നടന്നു.
സാരഥി സെന്‍റർ ഫോർ എക്സലൻസ്, എസ്‌സിഎഫ്ഇ , കുവൈറ്റിലെ തൊഴിൽ തേടുന്നവർക്കും മറ്റുമായി തുടങ്ങുന്ന പുതിയ കോഴ്സുകളായ കമ്മ്യൂണിക്കേറ്റിവ് ഇംഗ്ലീഷ്, സൈബർ സെക്യൂരിറ്റി കോഴ്സുകളുടെ പ്രഖ്യാപനവും വേദിയിൽ നടന്നു.
ദേശീയ അവാർഡ് ജേതാവായ നഞ്ചിയമ്മ, സിദാർത്ഥ് മേനോൻ, ആൻ ആമി എന്നീ പ്രശസ്ത കലാകാരൻമാർ നയിച്ച ന്ധസംഗീതനിശന്ധ പരിപാടിയുടെ മുഖ്യാകർഷണമായി മാറി.
സാരഥി പ്രസിഡന്‍റ് സജീവ് നാരായണന്‍റെ അധ്യക്ഷതയിൽ നടന്ന പരിപാടിയിൽ പ്രോഗ്രാം ജനറൽ കണ്‍വീനർ സിജു സദാശിവൻ സ്വാഗതം ആശംസിക്കുകയും, ജനറൽ സെക്രട്ടറി ബിജു. സി.വി, സാരഥി രക്ഷാധികാരി സുരേഷ് കൊച്ചത്ത്, ട്രസ്റ്റ് ചെയർമാൻ ജയകുമാർ എൻ.എസ്, വനിതാ വേദി ചെയർപേഴസണ്‍ പ്രീതാ സതീഷ്, ബില്ലവ സംഘ കുവൈറ്റ് പ്രസിഡന്‍റ് സുഷമ മനോജ്, ഗുരുകുലം പ്രസിഡന്‍റ് അഗ്നിവേശ് ഷാജർ എന്നിവർ ആശംസകൾ നേരുകയും, ട്രഷറർ അനിത്കുമാർ നന്ദി പ്രകാശിപ്പിക്കുകയും ചെയ്തു.
|