കുവൈറ്റ് സിറ്റി: സാരഥി കുവൈറ്റിന്റെ ഇരുപതിമൂന്നാം വാർഷികവും ശിവഗിരി തീർത്ഥാടനത്തിന്റെ നവതിയും ബ്രഹ്മവിദ്യാലയത്തിന്റെ സുവർണ ജൂബിലിയും ഒരുമിച്ച് "സാരഥീയം 2022' എന്ന പേരിൽ ആഘോഷിക്കാൻ തീരുമാനിച്ചതായി സാരഥി കുവൈറ്റ് ഭാരവാഹികൾ വാർത്താ സമ്മളനത്തിൽ അറിയിച്ചു. കുവൈറ്റിലെ അമേരിക്കൻ ഇന്റർനാഷണൽ സ്കൂൾ ഓഡിറ്റോറിയത്തിൽ വച്ച് നവംബർ പതിനെട്ടിനാണ് ആഘോഷ പരിപാടികൾ നടക്കുക.
ശ്രീനാരായണ ധർമ്മ സംഘം ട്രസ്റ്റ് പ്രസിഡന്റ് ബ്രഹ്മശ്രീ സച്ചിദാനന്ദ സ്വാമിജികൾ, ജനറൽ സെക്രട്ടറി ശ്രീമദ് ഋതംഭരാനന്ദ സ്വാമികൾ , മെഡിമിക്സ് ഗ്രൂപ്പ് മാനേജിംഗ് ഡയറക്ടർ ഡോക്ടർ എ.വി. അനൂപ് എന്നിവർ ന്ധസാരഥീയം 2022ന്ധ ഇൽ വിശിഷ്ടാതിഥികളായി പങ്കെടുക്കും.
സാരഥീയം ആഘോഷങ്ങളുടെ ഭാഗമായി സംഘടിപ്പിക്കുന്ന ശിവഗിരി തീർത്ഥാടനത്തിന്റെ നവതി, ബ്രഹ്മവിദ്യാലയത്തിന്റെ സുവർണ ജൂബിലി, മഹാകവി ടാഗോർ ശിവഗിരി സന്ദർശിച്ചതിന്റെ ശതാബ്ദി തുടങ്ങിയ ആഘോഷങ്ങൾ നവംബർ 18 ന് രാവിലെ 10 മണിക്ക് ആരംഭിക്കും.
ശിവഗിരിയിലെ സന്യാസിശ്രേഷ്ഠ·ാർക്ക് സ്വീകരണം, നവതി പ്രഭാഷണം, അന്നദാനം, സാംസ്കാരിക സമ്മേളനം, 202122 അധ്യയന വർഷത്തിൽ പത്ത്, പ്ലസ്ടു പരീക്ഷകളിൽ മികച്ച വിജയം കൈവരിച്ച കുട്ടികൾക്ക് അക്കാദമിക് എക്സലൻസ് അവാർഡ് വിതരണം, സാരഥി കലാകാര·ാർ അണിയിച്ചൊരുക്കുന്ന ’ഗുരുപ്രഭാവം’ സാംസ്കാരിക പരിപാടി തുടങ്ങിയവ സാരഥീയം 2022 ന്റെ ഭാഗമായി നടക്കും. ദേശീയ അവാർഡ് ജേതാവായ നഞ്ചിയമ്മ, സിദ്ദാർത്ഥ് മേനോൻ, ആനി ആമി എന്നിവർ നയിക്കുന്ന സംഗീതനിശയുമുണ്ടാകും.
സമൂഹത്തിലെ നിർധനരായ വിദ്യാർഥികളെ കൈപിടിച്ചുയർത്തുക എന്ന ലക്ഷ്യത്തോടെ എഡ്യൂക്കേഷണൽ & ചാരിറ്റബിൾ ട്രസ്റ്റ് ഓഫ് സാരഥി കുവൈറ്റ് നാട്ടിൽ നടത്തിവരുന്ന യൂണിഫോംഡ് സർവീസ് മേഖലയിലെ കോഴ്സുകൾക്ക് 50 ലക്ഷം രൂപയുടെ എസ്സിഎഫ്ഇ വിദ്യാഭ്യാസ സ്കോളർഷിപ്പ് പ്രഖ്യാപിക്കുമെന്നും ഭാരവാഹികൾ അറിയിച്ചു.
സാരഥി ഏർപ്പെടുത്തിയ 2022 വർഷത്തെ ഡോ. പൽപു നേതൃയോഗ അവാർഡിന് ബഹ്റിൻ എക്സ്ചേഞ്ച് കന്പനി ചീഫ് എക്സിക്യൂട്ടീവ് ഓഫീസർ മാത്യൂസ് വർഗീസും സാരഥി ഗ്ലോബൽ ബിസിനസ് ഐക്കണ് അവാർഡിന് മെഡിമിക്സ് മാനേജിംഗ് ഡയറക്ടർ ഡോ. എ.വി. അനൂപും സാരഥി കർമ്മശ്രേഷ്ട അവാർഡിന് അഡ്വ.ശശിധര പണിക്കരും തെരഞ്ഞെടുക്കപ്പെട്ടതായും ഭാരവാഹികൾ അറിയിച്ചു.
സാരഥി പ്രസിഡന്റ് സജീവ് നാരായണൻ, ജനറൽ സെക്രട്ടറി ബിജു. സി.വി, വൈസ് പ്രസിഡണ്ട് സതീഷ് പ്രഭാകരൻ, പ്രോഗ്രാം ജനറൽ കണ്വീനർ സിജു സദാശിവൻ, ട്രസ്റ്റ് ചെയർമാൻ ജയകുമാർ എൻ.എസ്, വനിതാവേദി ചെയർപേഴ്സണ് പ്രീതാ സതീഷ് എന്നിവർ വാർത്താ സമ്മേളനത്തിൽ പങ്കെടുത്തു.
|