ന്യുയോർക്ക്: ന്യുയോർക്ക് റീജണ്‍(3) പ്രവർത്തനോദ്ഘാടനം നിറഞ്ഞ കവിഞ്ഞ സദസിൽ ഫൊക്കാന പ്രസിഡന്‍റ് ഡോ. ബാബു സ്റ്റീഫൻ നിർവഹിച്ചു. ന്യുയോർക്ക് സ്റ്റേറ്റ് സെനറ്റർ എലിജാ റെയ്ക്കലിൻമെൽനിക്ക്, റോക്ക് ലാൻഡ് കൗണ്ടി ലെജിസ്ളേറ്റർ ഡോ. ആനി പോൾ എന്നിവർ ആശംസകളർപ്പിച്ചു.
റവ. ഫാ. രാജു വർഗീസ് സർവമത പ്രാർഥന നടത്തി. ഫൊക്കാന ജനറൽ സെക്രട്ടറി ഡോ. കല ഷാഹി, ട്രഷറർ ബിജു കൊട്ടാരക്കര, എക്സി. വൈസ് പ്രസിഡന്‍റ് ഷാജി വർഗീസ്, ജോയിന്റ് സെക്രട്ടറി ജോയി ചാക്കപ്പൻ, ട്രസ്റ്റി ബോർഡ് ചെയർ സജി പോത്തൻ തുടങ്ങിയവർ പുതിയ റീജണിന്‍റെ പ്രവർത്തനങ്ങൾക്ക് വിജയാശംസകൾ നേർന്നു സംസാരിച്ചു.
പുതിയ റീജണിന്‍റെ ആർ.വി.പി. മത്തായി ചാക്കോ എല്ലാവരെയും സ്വാഗതം ചെയ്തു. വെസ്റ്റ് ചെസ്റ്റർ, റോക്ക് ലാൻഡ്, എന്നിവക്ക് പുറമെ ന്യുയോർക്കിന്റെ വടക്കൻ മേഖലകൾ അടങ്ങിയതാണ് ഈ റീജണിനെന്നു മത്തായി ചാക്കോ പറഞ്ഞു. പ്രസിഡന്‍റ് ബാബു സ്റ്റീഫന്‍റെ കാഴ്ചപ്പാടുകൾ തങ്ങളാലാവും വിധം സാക്ഷാൽക്കരിക്കാൻ ശ്രമിക്കും. ഉൽഘാടനം ചെയ്ത പ്രസിഡന്‍റിനെ മത്തായി ചാക്കോ പൊന്നാട അണിയിച്ചു സ്വികരിക്കുകയും ചെയ്തു.
പിആർഒ ശ്രീകുമാർ ഉണ്ണിത്താൻ പ്രസിഡന്‍റ് ബാബു സ്റ്റീഫനെ പരിചയപ്പെടുത്തി. ഭരണസിരാകേന്ദ്രമായ വൈറ്റ് ഹൗസിൽ നേരിട്ട് കയറിച്ചെല്ലാനും സെനറ്റർമാർ മുതൽ പ്രസിഡന്റിനോട് വരെ നമ്മുടെ കമ്മ്യൂണിറ്റിയുടെ ആവശ്യങ്ങൾ ബോധിപ്പിക്കാനും കഴിവുള്ളയാളാണ് ഫൊക്കാന പ്രസിഡന്‍റ് ഡോ. ബാബു സ്റ്റീഫൻ. ഇന്നത്തെപ്പോലെ ഇത്രയധികം മാധ്യമങ്ങൾ പ്രചാരത്തിൽ ഇല്ലാതിരുന്ന കാലത്തും അദ്ദേഹമൊരു മീഡിയ പേഴ്സണായി പേരെടുത്തിരുന്നു. ബാബു സ്റ്റീഫനെപ്പോലൊരു പ്രഗത്ഭനെ പ്രസിഡന്‍റ് സ്ഥാനത്ത് ലഭിച്ചത് ഫൊക്കാന എന്ന സംഘടനയ്ക്ക് അഭിമാനകരമായ നേട്ടമാണ്’ റീജണ്‍ മൂന്നിന്‍റെ ഉദ്ഘാടനകർമ്മം നിർവഹിക്കാൻ ക്ഷണിച്ചുകൊണ്ട് ശ്രീകുമാർ ചൂണ്ടിക്കാട്ടി.
യുവാക്കളെ മുഖ്യധാരാ രാഷ്ട്രീയത്തിലേക്ക് കൈപിടിച്ച് ആനയിക്കുന്നതിന് പണത്തിന്‍റെ പരിമിതി ചൂണ്ടിക്കാണിച്ച കോണ്ഗ്രസ് അംഗങ്ങളോടും അതിനുള്ള പണം താൻ നൽകാമെന്ന് പറഞ്ഞത് ബാബു സ്റ്റീഫൻ എടുത്തു പറഞ്ഞു.
റീജണൽ ഭാരവാഹികൾ ആയ ഷൈനി ഷാജൻ, ജീമോൻ വർഗീസ് , ഇട്ടൂപ് ദേവസ്യ എന്നിവരും , നാഷണൽ കമ്മിറ്റി മെംബേർസ് ആയ നിരീഷ് ഉമ്മൻ, അലക്സ് എബ്രഹാം, അജു ഉമ്മൻ, സിജു സെബാസ്റ്റ്യൻ, ന്യൂ ജെസി റീജണൽ വൈസ് പ്രസിഡന്‍റ് ദേവസി പാലാട്ടി, ട്രസ്റ്റീ ബോർഡ് മെംബേർസ് ആയ പോൾ കറുകപ്പള്ളിൽ, സജിമോൻ ആന്‍റണി, ഇന്‍റർനാഷണൽ ചാരിറ്റി കോർഡിനേറ്റർ ജോയി ഇട്ടൻ, മുൻ ട്രസ്റ്റീ ചെയർ ഫിലിപ്പോസ് ഫിലിപ്പ്, ലീല മാരേട്ട്, ഇന്‍റർ നാഷണൽ കോർഡിനേറ്റർ തോമസ് തോമസ്, അസോസിയേഷൻ പ്രസിഡന്‍റുമാരായ, ജിജി ടോം, ഫ്രാൻസിസ് കരക്കാട്ടു, ബോബൻ തോട്ടം, മാധ്യമ പ്രവർത്തകരായ ജോർജ് ജോസഫ്, ജോസ് കാടാപുറം (കൈരളി ടിവി )എന്നിവരോടൊപ്പം ഒട്ടേറെ നേതാക്കളും നിറഞ്ഞുകവിഞ്ഞ സദസും ചടങ്ങിനെ ധന്യമാക്കി.
|