റിയാദ്: ലേണ്‍ ദി ഖുർആൻ പാഠ്യപദ്ധതിയുടെ 2022ലെ ഫൈനൽ പരീക്ഷ നവംബർ 11ന് അന്താരാഷ്ട്ര ഓണ്‍ലൈൻ പരീക്ഷയായി നടക്കും.
സൗദി സമയം വൈകുന്നേരം 3.00 മുതൽ 9.00 വരെയും ഇന്ത്യൻ സമയം വൈകുന്നേരം 5.30 മുതൽ 11.30 വരെയുമുള്ള 6 മണിക്കൂർ സമയം പരീക്ഷയുടെ ലിങ്ക് ലേണ്‍ ദി ഖുർആൻ വെബ്സൈറ്റായ ംംം.ഹലമൃിവേലൂൗൃമി.ീൃഴ ലൂടെ നവംബർ 11വെള്ളിയാഴ്ച പരീക്ഷാർഥികൾക്ക് ലഭിക്കും. പരീക്ഷക്ക് ലോഗിൻ ചെയ്താൽ 2 മണിക്കൂറാണ് പരീക്ഷ സമയം.
ലേണ്‍ ദി ഖുർആൻ വെബ്സൈറ്റിൽ പ്രത്യേകം തയ്യാറാക്കിയ എക്സാം സോഫ്റ്റ്വെയർ ഉപയോഗിച്ചാണ് പരീക്ഷ നടക്കുന്നത്. പരീക്ഷാ സോഫ്റ്റ്വെയർ എല്ലാ ഡിജിറ്റൽ ഉപകരണത്തിലും ഉപയോഗിക്കാവുന്നതാണ്.
രജിസ്റ്റർ ചെയ്ത മുഴുവൻ പരീക്ഷാർഥികൾക്കും, പുതുതായി രജിസ്റ്റർ ചെയ്യുന്നവർക്കും ഓണ്‍ലൈൻ പരീക്ഷ സുഗമമായി എഴുതുവാനുള്ള എല്ലാ സജ്ജീകരണങ്ങളും ഒരുക്കിയിട്ടുണ്ട്.
മുൻകൂട്ടി രജിസ്റ്റർ ചെയ്യാത്ത പഠിതാക്കൾക്ക് ലേണ്‍ ദി ഖുർആൻ വെബ്സൈറ്റിൽ നവംബർ 11 പരീക്ഷാ ദിവസം വരെ രജിസ്റ്റർ ചെയ്യാവുന്നതാണ്.
റിയാദ് ഇന്ത്യൻ ഇസ്ലാഹി സെന്‍റർ, ഹ്യൂമൻ റിസോഴ്സ് മന്ത്രാലയത്തിന് കീഴിലുള്ള ബത്ഹ ദഅ്വ & അവയർനെസ് സൊസൈറ്റിയുടെ അംഗീകാരത്തോടെയും, മേൽനോട്ടത്തിലുമാണ് ലേണ്‍ ദി ഖുർആൻ പദ്ധതിയും, പരീക്ഷയും നടപ്പിലാക്കുന്നത്.
മുഹമ്മദ് അമാനി മൗലവി രചിച്ച ഖുർആൻ വിവരണത്തിൽ നിന്നുമുള്ള ന്ധജുസ്അ് 26ന്ധ സൂറത്തുൽ ജാസിയ മുതൽ സൂറത്തുൽ ഖാഫ് വരെയാണ് ലേണ്‍ ദി ഖുർആൻ അഞ്ചാംഘട്ട പുനരാവർത്തനത്തിലെ പാഠഭാഗം. സിലബസ് വെബ്സൈറ്റിൽ ലഭ്യമാണ്.
ലേണ്‍ ദി ഖുർആൻ ഫൈനൽ പരീക്ഷയിലെ ഒന്നാം സമ്മാന വിജയിക്ക് ഒരു ലക്ഷം രൂപയും, ആദ്യ പത്ത് സ്ഥാനക്കാർക്ക് പ്രത്യേക ക്യാഷ് അവാർഡും ലേണ്‍ ദി ഖുർആൻ ഗ്ലോബൽ സംഗമത്തിൽ വെച്ച് നൽകുന്നതാണ്.
ലോകത്തിന്റെ വിവിധ പ്രദേശങ്ങളിൽ നിന്നും ആയിരക്കണക്കിന് ആളുകൾ പങ്കെടുക്കുന്ന പരീക്ഷയുടെ സൗകര്യപ്രദമായ നടത്തിപ്പിനായി ന്ധഹെൽപ്പ് സെന്‍ററുകൾന്ധ രൂപീകരിച്ചിട്ടുണ്ട്.
+9665 5052 4242, +9195 6764 9624, +9665 3629 1683, +9665 562508011 എന്നീ നന്പറുകൾ വാട്ട്സ്ആപ്പ് ഹെൽപ്പ് ലൈനായി പരീക്ഷാർഥികൾക്ക് ഉപയോഗപ്പെടുത്താവുന്നതാണ്.
കെ.എൻ.എം ഓണ്‍ലൈൻ മീഡിയ റിനൈ ടിവി, സൗദിവിഭാഗം പരീക്ഷയുടെ പ്രചരണ പ്രവർത്തനത്തിൽ പങ്കാളികളാകുന്നു.
സൗദി അറേബ്യയിലെ മുഴുവൻ പ്രവിശ്യകളിലും ഹ്യൂമൻ റിസോഴ്സ് മന്ത്രാലയത്തിന് കീഴിലുള്ള ദഅ്വ, കോൾ,& അവയർനെസ് സെന്‍ററുകളുടെ മലയാളവിഭാഗം അതാതു പ്രദേശങ്ങളിലെ പഠിതാക്കൾക്കും , പരീക്ഷാർഥികൾക്കും ഓണ്‍ലൈൻ പരീക്ഷയിൽ പങ്കെടുക്കുവാൻ സൗകര്യങ്ങൾ ഒരുക്കിയിട്ടുണ്ട്.
വിദ്യാർഥികൾക്ക് വേണ്ടി പാഠഭാഗത്തു നിന്നുള്ള പ്രത്യേകം തയാറാക്കിയ ചോദ്യാവാലി ഉൾകൊള്ളുന്ന വർക് ഷീറ്റിനെ ആധാരമാക്കിയാണ് ഫൈനൽ പരീക്ഷ നടക്കുക. വിദ്യാർഥികളുടെ വർക് ഷീറ്റ് ആവശ്യമുള്ളവർക്ക് വെബ്സൈറ്റിൽ നിന്നും ഡൗണ്ലോഡ് ചെയ്തെടുക്കാവുന്നതാണ്. വിദ്യാർഥികൾക്ക് മലയാളത്തിലും, ഇംഗ്ലീഷിലും പരീക്ഷകൾ ഉണ്ടായിരിക്കുന്നതാണ്.
പരീക്ഷാർഥികൾക്ക് മാർക്കിന്‍റെ അടിസ്ഥാനത്തിൽ ഗ്രേഡുകൾ രേഖപ്പെടുത്തിയ അംഗീകൃത സർട്ടിഫിക്കറ്റുകൾ പരീക്ഷാഫലത്തോടൊപ്പം വെബ്സൈറ്റിൽ നിന്നും ലഭിക്കുന്നതാണ്.
2000ൽ സൗദി അറേബ്യയിൽ റിയാദ് ഇന്ത്യൻ ഇസ്ലാഹി സെന്‍റർ ആരംഭിച്ച ഖുർആൻ പഠന പദ്ധതി 23 വർഷമായി ഇന്ന് ലോകമൊട്ടാകെയുള്ള മലയാളികൾക്കിടയിലെ ഏറ്റവും വലിയ ഖുർആൻ പഠന പദ്ധതിയാണ്.
ലേണ്‍ ദി ഖുർആൻ പദ്ധതിയുടെ പുനരാവർത്തനം ആറാം ഘട്ടം സൂറ: ദുഖാൻ മുതൽ സൂറ: ഫുസ്‌സ്വിലത്ത് വരെയുള്ള പാഠപുസ്തകവും, ക്ലാസുകളും ഫൈനൽ പരീക്ഷക്കു ശേഷം പഠിതാക്കൾക്ക് ലഭ്യമാകുന്നതാണ്.
നവംബർ 11 ന് നടക്കുന്ന ലേണ്‍ ദി ഖുർആൻ അന്താരാഷ്ട്ര ഓണ്‍ലൈൻ ഫൈനൽ പരീക്ഷക്കുള്ള എല്ലാ ഒരുക്കങ്ങളും പൂർത്തിയായതായും, ലോകത്താകമാനമുള്ള മലയാളികളും പരീക്ഷയിൽ പങ്കാളികളാകണമെന്നും റിയാദ് ഇന്ത്യൻ ഇസ്ലാഹി സെന്‍റർ ഭാരവാഹികൾ അറിയിച്ചു.
അബ്ദുൽ ഖയ്യൂം ബുസ്താനി, അബ്ദുറസാഖ് സ്വലാഹി, മുഹമ്മദ് സുൽഫിക്കർ, അഡ്വക്കറ്റ് അബ്ദുൽജലീൽ മുഹമ്മദ്കുട്ടി കടന്നമണ്ണ, നൗഷാദ് അലി കോഴിക്കോട്, സാജിദ് കൊച്ചി, അബ്ദുൽ വഹാബ് എന്നിവർ വാർത്താസമ്മേളനത്തിൽ പങ്കെടുത്തു.
|