ന്യൂജേഴ്സി: അമേരിക്കയിൽ സന്നദ്ധപ്രവർത്തനങ്ങൾക്കു നൽകുന്ന പരമോന്നത ബഹുമതികളിൽ ഒന്നായ പ്രസിഡൻഷ്യൽ വോളന്റിയർ സർവീസ് അവാർഡ് കഴിഞ്ഞ ഒരു വർഷത്തെ സേവനങ്ങൾക്കു 2022 നവംബർ 5 നു നടന്ന കേരള പിറവി ആഘോഷ വേദിയിൽ വിതരണം ചെയ്തു.
അമേരിക്ക റീജണ് ട്രഷറർ അനീഷ് ജയിംസിന്റെ നേതൃത്വത്തിൽ ന്യൂജേഴ്സിയിൽ കൂടിയ യോഗത്തിൽ റീജിയൻ ചെയർമാൻ ചാക്കോ കോയിക്കലേത്, പ്രസിഡന്റ് ജോണ്സൻ തലച്ചെല്ലൂർ, റീജണൽ വൈസ് പ്രസിഡന്റ് അഡ്മിൻ മാത്യു എബ്രഹാം, റീജണൽ ജോയിന്റ് സെക്രട്ടറി ഷാനു രാജൻ, വൈസ് ചെയർമാൻ ജോമോൻ ഇടയാടി, വൈസ് ചെയർപേഴ്സണ് ശാന്ത പിള്ളൈ, വൈസ് പ്രസിഡന്റ് ഓർഗനൈസഷൻ ജിബ്സണ് ജേക്കബ്, വൈസ് പ്രസിഡന്റ് ജാക്സണ് ജോയ്, അസ്സോസിയേറ്റ് ട്രഷറർ സാബു യോഹന്നാൻ, റീജണൽ വിമൻസ് ഫോറം സെക്രട്ടറി സജ്ന നിഷാദ്, റീജണൽ അഡ്വൈസറി ബോർഡ് ചെയർമാൻ ഫിലിപ്പ് തോമസ് എന്നിവർ ആശംസകൾ ഓണ്ലൈനായി അറിയിച്ചു.
കാലാകാലമായി നടത്തിവരുന്ന അവാർഡ്ദാന ചടങ്ങ് ഈവർഷം ന്യൂജേഴ്സി എഡിസണിലുള്ള ഗോദാവരി പാർട്ടി ഹാൾ വേദിയായി. ഫൊക്കാന മുൻ ജനറൽ സെക്രട്ടറി സജിമോൻ ആന്റണി മുഖ്യാതിഥിയായ പരിപാടിയിൽ വേൾഡ് മലയാളി കൗണ്സിൽ ഗ്ലോബൽ സെക്രട്ടറി പിന്റോ കണ്ണംപള്ളി അവാർഡുകൾ വിതരണം ചെയ്തു. സുമ ഇവാനി, സാറാ ബേസിൽ, മാത്യു ഉപ്പനി, ഋഷി ഇവാനി, സാമുവേൽ ബേസിൽ എന്നിവരാണ് ഈ വർഷം അവാർഡുകൾ കരസ്ഥമാക്കിയത്. ഈ കുട്ടികൾ തീർച്ചയായും മറ്റുള്ളവർക്ക് ഒരു പ്രചോദനമാണെന്നും നമ്മുടെ കുറച്ചു സമയം കമ്മ്യൂണിറ്റി സേവനത്തിനുവേണ്ടി മാറ്റിവെക്കുന്നത് വലിയ ചലനമുണ്ടാക്കാൻ സാധിക്കുമെന്നും അദ്ദേഹം കൂട്ടിച്ചേർത്തു. ഗ്ലോബൽ ചെയർമാൻ ഗോപാല പിള്ളൈ അവാർഡ് ജേതാക്കളെ മുക്തകണ്ഠം പ്രശംസിച്ചു. WMC IAEF, ഇന്റർനാഷണൽ അക്കാദമിക & എഡ്യൂക്കേഷൻ ഫോറം ഡെവലപ്പ് ചെയ്ത WMC EDU പോർട്ടലിന്റെ സൗജന്യ വരിക്കാരാകാനുള്ള സൗകര്യങ്ങൾ ഈ കുട്ടികൾക്ക് ചെയ്തുകൊടുക്കുമെന്നു ഗോപാല പിള്ളൈ ഉറപ്പു നൽകി.
നോർത്ത് ജേഴ്സി പ്രൊവിൻസ് പ്രസിഡന്റ് ജിനു തര്യൻ, ചെയർമാൻ സ്റ്റാൻലി തോമസ്, സൗത്ത് ജേഴ്സി പ്രൊവിൻസ് പ്രസിഡന്റ് ജോണ് സാംസണ്, ചെയർമാൻ പോൾ സി മത്തായിയുടേയും പങ്കാളിത്തത്തിൽ സംയുക്തമായി സംഘടിപ്പിച്ച കേരള പിറവി ആഘോഷം ചടങ്ങിന് മാറ്റുകൂട്ടി. സമീപ പ്രൊവിൻസുകളായ ന്യൂയോർക്ക്, ഫിലഡൽഫിയയിൽനിന്നും പങ്കെടുത്ത ജോർജ് ജോണ് (സന്തോഷ്), ജോർജ്കുട്ടി, തോമസ് ജോർജ്, മത്ത്യു ഉപ്പനി മറ്റെല്ലാ മെന്പേഴ്സിനോടും സംഘാടകർ പ്രേത്യേകം നന്ദി അറിയിച്ചു.
|