ന്യൂജഴ്സി: വേൾഡ് മലയാളി കൗൺസിൽ അമേരിക്ക റീജിയൻ ന്യൂജഴ്സിയിൽ സൂം വഴിയായി കേരളപ്പിറവി ആഘോഷിക്കുന്നു. നവംബർ ആറിന് ഞായറാഴ്ച്ച വൈകിട്ട് അമേരിക്കൻ സെൻട്രൽ സമയം എട്ടിനു ആരംഭിക്കുന്ന പരിപാടികൾ മലയാള കവിയും മലയാളം മിഷൻ ഡയറക്ടർ ആയ മുരുകൻ കാട്ടാക്കട ഉദ്ഘാടനം ചെയ്യും. പ്രധാന പ്രാസംഗീകൻ ഋഷി രാജ് സിംഗ് ഐ. പി. എസ് വിശിഷ്ടാതിഥി കൂടി ആണ്.
ഗ്ലോബൽ നേതാക്കളായ ഡോക്ടർ രാജ് മോഹൻ പിള്ള, ഡോക്ടർ പി. വി. ചെറിയാൻ, പി. സി. മാത്യു, പ്രൊഫസർ കെ. പി മാത്യു, അഡ്വ. സൂസൻ മാത്യു, ഡോക്ടർ മിലിഡ് തോമസ്, ഡോക്ടർ ഡെയ്സി ക്രിസ്റ്റഫർ, സുപ്രീം കോർട് അഡ്വ. ജോസ് എബ്രഹാം, അഡ്വ. ജോർജ് വര്ഗീസ്, എന്നീ നേതാക്കൾ പങ്കെടുക്കും.
ചടങ്ങിൽ സമർപ്പണ ബോധത്തോടെ താൻ ചെയ്ത സേവനത്തിന് ഫ്ലോറൻസ് നൈറ്റിംഗേൽ അവാർഡ് നേടിയ അമേരിക്ക റീജിയൻ വൈസ് ചെയർ പേഴ്സൺ ശോശാമ്മ ആൻഡ്രൂസിനെ ആദരിക്കും.
ഒക്കലഹോമ, ഡി. എഫ്. ഡബ്ല്യൂ, ഫ്ലോറിഡ, ടോറോണ്ടോ, ഷിക്കാഗോ, ന്യൂയോർക്ക്, ഫിലഡൽഫിയ, ഹൂസ്റ്റൺ, ന്യൂ ജേഴ്സി യിലുള്ള പ്രൊവിൻസുകൾ എന്നിവരോടൊപ്പം ബ്രിട്ടീഷ് കൊളംബിയ, മെട്രോ ബോസ്റ്റൺ, നോർത്ത് ജേഴ്സി, ഓൾ വിമൻസ് പ്രൊവിൻസ് മുതലായ പ്രൊവിൻസുകളിൽ നിന്നും പ്രതിനികൾ പങ്കെടുത്തു പ്രസംഗിക്കും. മധുരകയമായ മലയാള ഗാനങ്ങളും, കലാ പരിപാടികളും പരിപാടിയെ മനോഹരമാക്കും.
അമേരിക്ക റീജിയൻ നേതാക്കളും വിവിധ പ്രൊവിൻസ് നേതാക്കളും പരിപാടികളിൽ പങ്കെടുത്തു പ്രസംഗിക്കുകും. അമേരിക്ക റീജിയൻ മുൻ പ്രസിഡൻഡ് സുധിർ നമ്പ്യാർ പരിപാടികൾക്ക് ചുക്കാൻ പിടിക്കും. മലയാളത്തെ സ്നേഹിക്കുന്ന എല്ലാ മലയാളികളെയും പരിപാടികളിലേക്ക് ക്ഷണിക്കുന്നതായി റീജിയൻ പ്രസിഡന്റ് എൽദോ പീറ്റർ, ഫിലിപ്പ് മാരേട്ട് എന്നിവർ സംയുക്തമായി ഒരു പ്രസ്താവയിലൂടെ അറിയിച്ചു.
|