കുവൈറ്റ് സിറ്റി : ഓവർസീസ് എൻസിപി കുവൈറ്റ് കമ്മിറ്റിയുടെ നേതൃത്വത്തിൽ അബാസിയ യുണൈറ്റഡ് ഇന്ത്യൻ സ്കൂളിൽ കുട്ടനാട് എംഎൽഎ തോമസ് കെ. തോമസിന് സ്വീകരണം നൽകി. ഒഎൻസി പി കുവൈറ്റ് രക്ഷാധികാരി ജോണ് തോമസ് കളത്തിപറന്പിൽ അധ്യക്ഷത വഹിച്ച ചടങ്ങിൽ നാഷണൽ പ്രസിഡൻറ് ജീവസ് എരിഞ്ചേരി സ്വാഗതം പറഞ്ഞു.
സാമൂഹിക സാംസ്കാരിക സംഘടനാ പ്രതിനിധികളായ രാധാകൃഷ്ണൻ (യുണൈറ്റഡ് ഇന്ത്യൻ സ്കൂൾ പ്രിൻസിപ്പൽ) , ഹമീദ് പാലേരി (ഗൾഫ് ഇന്ത്യൻ സോഷ്യൽ സർവീസ് ), സലിം രാജ് (കൊല്ലം ജില്ലാ പ്രവാസി സമാജം പ്രസിഡന്‍റ്), ഷൈജിത്, രാജേഷ് ബാബു (കോഴിക്കോട് ജില്ല അസോസിയേഷൻ), ഹമീദ് കേളോത്ത് (ഒഐസിസി, ബത്താർ വൈക്കം (ഡിയോ ഡ്രോപ്സ് ചീഫ് സിഇഒ) അൻവർ സയ്യദ് (വെൽഫെയർ കേരള), അനിയൻ ( പ്രവാസി വെൽഫെയർ കേരള), മണിക്കുട്ടൻ (കേരള അസോസിയേഷൻ) ആൻസണ്‍ (ജിപിസിസി), ചെസിൽ രാമപുരം (ഗാന്ധി സ്മൃതി), മധു കുമാർ ,സുനിൽവാഹിനി ,കുമാർ തൃത്താല, സത്താർ കുന്നിൽ (ഐഎൻഎൽ സംസ്ഥാന സെക്രട്ടറി) എന്നിവർ ആശംസകൾ അർപ്പിച്ചു.
ലോക കേരള സഭ അംഗം ഉണ്ണിമായ, യുണൈറ്റഡ് ഇന്ത്യൻ സ്കൂൾ മാനേജർ അഡ്വ. ജോണ് തോമസ്, ഒ എൻസിപി നാഷണൽ ട്രഷറർ ബിജു സ്റ്റീഫൻ, വൈസ് പ്രസിഡന്‍റ്മാരായ പ്രിൻസ് കൊല്ലപ്പള്ളി, സണ്ണി മിറാഡാ, ജോയിൻ സെക്രട്ടറി അശോകൻ, ട്രഷറർ രവീന്ദ്രൻ എന്നിവർ ചടങ്ങ് നിയന്ത്രിച്ചു. ഒഎൻസി പി ജനറൽ സെക്രട്ടറി അരുൾരാജ് കെ.വി. നന്ദി രേഖപ്പെടുത്തി.
|