Deepika.com Nri News :വീണ് പരിക്കേറ്റ മലപ്പുറം സ്വദേശിയെ നാട്ടിലെത്തിച്ചു.......

Middle East & Gulf

വീണ് പരിക്കേറ്റ മലപ്പുറം സ്വദേശിയെ നാട്ടിലെത്തിച്ചു

Back To NRI Home Forward This News Click here for detailed news of all items

റിയാദ് : മറുന്നുവെച്ച താക്കോൽ മതിൽ ചാടിക്കടന്ന് എടുക്കാൻ ശ്രമിക്കുന്നതിനിടെ വീണ് കാലൊടിഞ്ഞു കിടപ്പിലായ മലപ്പുറം വേങ്ങര സ്വദേശി ജിനീഷിനെ രണ്ടു മാസത്തെ പരിചരണത്തിനു ശേഷം നാട്ടിലെത്തിച്ചു.

നാലു മാസങ്ങൾക്ക് മുൻപാണ് ജിനീഷ്‌ ഹൗസ് ഡ്രൈവർ ജോലിക്കായി എക്സിറ്റ് 7ൽ എത്തിയത്. സ്പോൺസർ ഗേറ്റ് പൂട്ടി പുറത്തിറങ്ങിയത്തിന് ശേഷം താക്കോൽ അകത്തുവെച്ചു മറക്കുകയും, ഡ്രൈവറായ ജിനീഷിനോട് രണ്ടാൾ പൊക്കമുള്ള മതിൽ ചാടിക്കടന്ന് താക്കോൽ എടുക്കാൻ ആവശ്യപ്പെടുകയുമായിരുന്നു. തുടർന്ന് മതിലിൽ കയറിയ ജിനീഷ്‌ കാൽവഴുതി താഴെ വീണ് എല്ലിന് പൊട്ടൽ സംഭവിച്ചു.

ആശുപത്രിയിൽ പ്രവേശിപ്പിച്ചു ചികിത്സ നൽകിയെങ്കിലും കാലിന് ഓപ്പറേഷൻ വേണ്ടി വന്നു പ്ലാസ്റ്റർ ഇട്ട് റൂമിൽ റസ്റ്റെടുക്കാൻ ഡോക്ടർ നിർദ്ദേശിച്ചു. തനിച്ചു കാര്യങ്ങൾ ഒന്നും ചെയ്യാൻ സാധിക്കാത്തതിനാൽ സുഹൃത്തുക്കൾ വഴി കേളി ബദിയ ഏരിയ പ്രവർത്തകരെ വിവരമറിയിക്കുകയും ജിനീഷിന്‍റെ സംരക്ഷണ ചുമതല കേളി പ്രവർത്തകർ ഏറ്റെടുക്കുകയുമായിരുന്നു.

ജിനീഷിന് വേണ്ട പരിചരണവും താമസ സൗകര്യവും ഒരുക്കുകയും സ്പോണ്സറുമായി ബന്ധപ്പെട്ട് നാട്ടിൽ അയക്കുന്നതിനുള്ള നടപടി സ്വീകരിക്കാൻ ആവശ്യപ്പെടുകയും ചെയ്തു. എന്നാൽ സ്പോൺസറൂടെ കൈവശമുണ്ടായിരുന്ന ജിനീഷിന്റെ പാസ്പോർട്ടിൽ സ്‌പോൺസറുടെ മകൻ പേന കൊണ്ട് വരഞ്ഞ് ഉപയോഗശൂന്യമായ അവസ്ഥയിൽ ആയിരുന്നു.

പിന്നീട് പുതിയ പാസ്സ്പോർട്ടും അനുബന്ധ രേഖകളും ശരിയാക്കുന്നതിന് രണ്ടുമാസം സമയമെടുത്തു. ഈ കാലയളവിൽ ജിനീഷിന്റെ പരിചരണം പൂർണ്ണമായും ബദിയയിലെ കേളി പ്രവർത്തകർ ഏറ്റെടുത്തു. ലീവിൽ നാട്ടിൽ വിടാമെന്നേറ്റ സ്പോണ്സർ ഒടുവിൽ എക്സിറ്റ് അടിച്ചു നൽകുകയായിരുന്നു. തുടർന്ന് കേളി കേന്ദ്ര ജീവകാരുണ്യ കമ്മറ്റിയുടെ നേതൃത്വത്തിൽ എയർ ഇന്ത്യ എക്സ്പ്രസ് വിമാനത്തിൽ വീൽചെയർ സൗകര്യത്തോടെ നാട്ടിലെത്തിച്ചു.

നിമിഷ പ്രിയയുടെ അമ്മ പ്രേമകുമാരി യെമനിലേക്ക് യാത്ര തിരിച്ചു.

കൊച്ചി: യെമന്‍ പൗരന്‍ തലാല്‍ അബ്ദുള്‍ മഹ്ദിയെ കൊലപ്പെടുത്തിയ കേസില്‍ വധശിക്ഷ വിധിക്കപ്പെട്ട് ജയിലില്‍ കഴിയുന്ന നിമിഷ

മിഡില്‍ ഈസ്റ്റ് സംഘർഷം; എണ്ണവില കുതിക്കുന്നു.

ബെര്‍ലിന്‍: ആഗോള തലത്തില്‍ ക്രൂഡ് ഓയില്‍ വില കുതിക്കുന്നു.

ഇറാൻ പിടിച്ചെടുത്ത കപ്പലിലെ ഇന്ത്യക്കാർക്കെല്ലാം മടങ്ങാൻ അനുമതി.

ന്യൂഡൽഹി: ഇറാൻ പിടിച്ചെടുത്ത ഇസ്രയേൽ ബന്ധമുള്ള ചരക്കുകപ്പലിലെ എല്ലാ ഇന്ത്യക്കാർക്കും മടങ്ങാൻ അനുമതി നൽകിയതായി ഇന

പ്രവാസി വെൽഫെയർ ബാഡ്മിന്‍റൺ ടൂർണമെന്‍റ് മേയ് ഒന്നിന്.

മനാമ: ലോക തൊഴിലാളി ദിനത്തോടനുബന്ധിച്ച് മേയ് ഒന്നിന് സിഞ്ചിലുള്ള പ്രവാസി സെന്‍ററിൽ പ്രവാസി വെൽഫെയർ സംഘടിപ്പിക്കുന്ന

ഗൾഫ് വിമാന സർവീസുകൾ സാധാരണ നിലയിലേക്ക് എത്തിയില്ല.

നെടുമ്പാശേരി: കനത്ത മഴയെത്തുടർന്ന് താളം തെറ്റിയ ഗൾഫിൽനിന്നുള്ള വിമാന സർവീസുകൾ വ്യാഴാഴ്ച സാധാരണ നിലയിലേക്ക് എത്തി