അബുദാബി: അബുദാബി മലയാളി സമാജം ലുലു കാപ്പിറ്റൽ മാളുമായി സഹകരിച്ച് നടത്തിയ അത്തപ്പൂക്കള മത്സരം ജനപങ്കാളിത്തം കൊണ്ടും പുക്കളങ്ങളിലെ വൈവിധ്യം കൊണ്ടും വേറിട്ടതായി. സിനിമ നടി ഐശ്വര്യ ലക്ഷ്മിയുടെ സാന്നിധ്യം ജനങ്ങൾ ആവേശപൂർവം ആഘോഷമാക്കി.
പൂക്കളും ഇലകളും മാത്രമുപയോഗിക്കാൻ അനുവദിച്ച മത്സരത്തിൽ പതിനാല് ടീമുകൾ മാറ്റുരച്ചു. വിജീഷ്, അജിത, ആതിര എന്നിവരുടെ ടീം ഒന്നാം സമ്മാനം കരസ്ഥമാക്കി. ലിഖിത, അമീന, സഞ്ഷ രാജീവ് എന്നിവരുടെ ടീം രണ്ടാം സ്ഥാനവും രജ്ഞി പ്രസാദ്, ശങ്കർ മോഹൻദാസ്, അനാമിക സജീവ് എന്നിവരുടെ ടീം മൂന്നാം സ്ഥാനവും കരസ്ഥമാക്കി. വിജയികൾക്കുള്ള ക്യാഷ് പ്രൈസും സർട്ടിഫിക്കറ്റും സമാജം പ്രസിഡന്റ് ശ്രി റെഫീക്ക് കയനയിലും പ്രമുഖ സിനിമാ താരം ഐശ്വര്യ ലക്ഷ്മിയും, ലുലു റീജിയണൽ ഡയറക്ടർ ശ്രി. അജയകുമാർ പി.വി യും ചേർന്നു സമ്മാനിച്ചു.
സമാജം പ്രസിഡന്റ് റെഫീക്ക് കയനയിലിന്റെ അധ്യക്ഷതയിൽ ചേർന്ന യോഗം ഐശ്വര്യ ലക്ഷ്മി ഉദ്ഘടനം ചെയ്തു . യോഗത്തിനു ജനറൽ സെക്രട്ടറി എം.യു. ഇർഷാദ് സ്വാഗതവും വനിതാ കണ്വീനർ അനുപ ബാനർജി നന്ദിയും രേഖപ്പെടുത്തിയ യോഗത്തിൽ സമാജം കോർഡിനേഷൻ ചെയർമാൻ യേശു ശീലൻ, ലുലു റീജിണൽ ഡയറക്ടർ വി.പി.അജയകുമാർ, മീഡിയ മാനേജർ സുധീർ കൊണ്ടേരി, ലുലു കാപിറ്റൽ മാൾ ജനറൽ മാനേജർ. ബാലകൃഷ്ണൻ എന്നിവർ പങ്കെടുത്തു. തുടർന്ന് ഇന്ത്യൻ പ്ലെ ബാക്ക് സിംഗർ അനിത ശൈഖും സമാജം കലാകാര·ാരും ചേർന്ന് അവതരിപ്പിച്ച കലാപരിപാടികളും അരങ്ങേറി.
സമാജം വൈസ്പ്രസിഡന്റ് രേഖിൻ സോമൻ, ജോയിന്റ് സെക്രട്ടറി മനു കൈനകരി, ആർട്സ് സെക്രട്ടറി റിയാസുദ്ധീൻ,കമ്മിറ്റി അംഗങ്ങളായ സലിം ചിറക്കൽ, പി.ടി.റഫീഖ്, ഫസലുദ്ധീൻ, സാബു അഗസ്റ്റിൻ, അബ്ദുൽ റഷീദ്, അശോകൻ, അനിൽ കുമാർ വോളണ്ടിയർ ക്യാപ്റ്റൻ അനീഷ് ഭാസി എന്നിവർ പരിപാടികൾക്ക് നേതൃത്വം നൽകി.
ചടങ്ങിൽ സെപ്റ്റംബർ 17നു നടക്കുന്ന സമാജം ഓണപ്രോഗ്രാമിന്റെയും, 24നു നടക്കുന്ന പായസ ചലഞ്ചിന്റെയും ബ്രോഷർ പ്രകാശനം ഐശ്വര്യ ലക്ഷ്മി നിർവഹിച്ചു.
|