കുവൈറ്റ് സിറ്റി: ബദർ അൽസമ ഗ്രൂപ് ഓഫ് ഹോസ്പിറ്റൽസ് ആൻഡ് മെഡിക്കൽ സെന്റർ കുവൈറ്റിൽ ആറാം വർഷത്തിലേക്കു കടന്നതിന്റെ ഭാഗമായി മാധ്യമപ്രവർത്തകർ, സംഘടന പ്രതിനിധികൾ എന്നിവരുമായി സൗഹൃദസദസ് സംഘടിപ്പിച്ചു.
ബദർ അൽസമ ഗ്രൂപ് ഓഫ് ഹോസ്പിറ്റൽസ് ആൻഡ് മെഡിക്കൽ സെന്റർ ഡയറക്ടർ ബോർഡ് അംഗങ്ങളായ ഡോ. പി.എ. മുഹമ്മദ്, അബ്ദുൽ ലത്തീഫ്, സിഇഒ ഡോ. ശരത് ചന്ദ്ര എന്നിവർ സദസുമായി ആശയവിനിമയം നടത്തി. മെഡിക്കൽ സെന്ററിന്റെ പ്രവർത്തനങ്ങളിൽ നൽകിയ പിന്തുണക്ക് ഡയറക്ടർമാർ നന്ദിപറഞ്ഞു. 2017 മാർച്ചിൽ കുവൈറ്റിൽ ആരംഭിച്ച ബദർ അൽസമ മെഡിക്കൽ സെന്റർ ജനങ്ങളുടെ ആരോഗ്യ സംരക്ഷണത്തോടൊപ്പം മാനുഷിക പരിഗണനക്കും മുൻതൂക്കം നൽകുന്നതായി ഡയറക്ടർ ബോർഡ് വ്യക്തമാക്കി. മികച്ച സേവനത്തിന് ഡോക്ടർമാരെയും സ്റ്റാഫിനെയും അഭിനന്ദിച്ചു.
പുതിയ രണ്ടു കേന്ദ്രങ്ങൾ ഉടൻ തുറക്കുമെന്നും കുവൈത്തിലെ എല്ലാ രക്തദാതാക്കൾക്കും ഒരു വർഷത്തേക്ക് സൗജന്യ കണ്സൽട്ടേഷൻ നൽകുമെന്നും ഡയറക്ടർ ബോർഡ് അറിയിച്ചു. ബ്രാഞ്ച് മാനേജർ അബ്ദുറസാഖ്, വിവിധ ഡിപ്പാർട്മെന്റ് മേധാവികൾ, ജീവനക്കാർ എന്നിവരും പങ്കെടുത്തു. യൂറോളജി, ഓർത്തോപീഡിക്സ്, ജനറൽ സർജറി, പീഡിയാട്രിക്സ്, ഇഎൻടി, ദന്തചികിത്സ, ഒബ്സ്റ്റട്രിക്സ് ആൻഡ് ഗൈനക്കോളജി, ഒഫ്താൽമോളജി, ഡെർമറ്റോളജി ആൻഡ് കോസ്മെറ്റോളജി, ജനറൽ/ഇന്േറണൽ മെഡിസിൻ, ഫാമിലി മെഡിസിൻ, റേഡിയോളജി, ലബോറട്ടറി, ഫാർമസി, കാൾ സെന്റർ തുടങ്ങി വിപുലമായ സ്പെഷാലിറ്റി മെഡിക്കൽ സേവനങ്ങൾ ബദർ അൽസമ മെഡിക്കൽ സെന്ററിൽ ഒരുക്കിയിട്ടുണ്ട്.
|