Deepika.com Nri News :സുജു ജോസഫ് യുക്മ ന്യൂസ് ചീഫ് എഡിറ്ററായി തുടരും.......

Europe

സുജു ജോസഫ് യുക്മ ന്യൂസ് ചീഫ് എഡിറ്ററായി തുടരും

Back To NRI Home Forward This News Click here for detailed news of all items

ലണ്ടൻ: വാൽസാളിൽ വച്ച് നടന്ന യുക്മ ദേശീയ സമിതിയുടെ ആദ്യ യോഗം സംഘടനയുടെ അടുത്ത പ്രവർത്തന വർഷത്തേയ്ക്കുള്ള കർമ്മ പദ്ധതികൾക്ക് രൂപം കൊടുത്തു. അടുത്ത രണ്ടു വർഷങ്ങളിലേക്കുള്ള വിവിധ യുക്മ പദ്ധതികളുടെ നടത്തിപ്പിനെക്കുറിച്ചു കമ്മറ്റി വിശദമായി ചർച്ച ചെയ്യുകയും, ചുമതലകൾ വിഭജിക്കുകയും ചെയ്തു. 2023 ജനുവരിവരെയാണ് പുതിയ ഭരണസമിതിയുടെ കാലാവധി.

യുക്മയുടെ പ്രധാനപ്പെട്ട സാമൂഹ്യ ജിഹ്വയായ യുക്മ ന്യൂസിന്‍റെ ചീഫ് എഡിറ്ററായി സുജു ജോസഫ് തുടരും. ഇത് സുജുവിന്‍റെ കഴിഞ്ഞ വർഷങ്ങളിലെ കഠിനാദ്ധ്വാനത്തിനും നിസ്വാർത്ഥമായ സേവനത്തിനും യുക്മ നൽകുന്ന അംഗീകാരം കൂടിയാണ്. മാമ്മൻ ഫിലിപ്പ് പ്രസിഡന്‍റായിരുന്ന 2017 – 2019 കാലയളവിലും തുടർന്ന് മനോജ്കുമാർ പിള്ള പ്രസിഡൻറായിരുന്ന 2019 2022 കാലയളവിലും യുക്മ ന്യൂസിന്‍റെ ചീഫ് എഡിറ്റർ സ്ഥാനം സുജു ജോസഫ് തന്നെയാണ് വഹിച്ചിരുന്നത്.

അവിഭക്ത യുക്മ സൗത്ത് ഈസ്റ്റ് – സൗത്ത് വെസ്റ്റ് റീജിയന്റെ വൈസ്പ്രസിഡന്‍റായിരുന്ന സുജു 2014 ൽ റീജിയൺ വിഭജിക്കപ്പെട്ടപ്പോൾ സൗത്ത് വെസ്റ്റ് റീജിയന്റെ പ്രഥമ പ്രസിഡന്‍റായി. 2015 ൽ റീജിയണൽ പ്രസിഡന്റായി വീണ്ടും തെരഞ്ഞെടുക്കപ്പെട്ട സുജു ജോസഫ് 2017 ൽ യുക്മ ദേശീയ വൈസ്പ്രസിഡന്‍റായി തെരഞ്ഞെടുക്കപ്പെട്ടു.

ഈ കാലയളവിലാണ് യുക്മന്യൂസിന്‍റെ മുഖ്യ പത്രാധിപരായി ആദ്യം തെരഞ്ഞെടുക്കപ്പെട്ടത്. 2022 ൽ നടന്ന തെരഞ്ഞെടുപ്പിൽ യുക്‌മ സൗത്ത് വെസ്റ്റ്‌ റീജിയൺ പ്രസിഡൻറായി സുജു വീണ്ടും തിരഞ്ഞെടുക്കപ്പെട്ടു. സൗത്ത് വെസ്റ്റ് റീജിയണിലെ പ്രമുഖ അസോസിയേഷനുകളിൽ ഒന്നായ സാലിസ്ബറി മലയാളി അസോസിയേഷൻ പ്രതിനിധി കൂടിയാണ്.

വിദ്യാർഥി കാലഘട്ടം മുതൽ ഇടതുപക്ഷ സഹയാത്രികനായിരുന്ന സുജുവിന്‌ തന്‍റെ ഉറച്ച രാഷ്ട്രീയ നിലപാടുകൾ യുക്മയിലെ നേതൃപദവികൾക്കോ അംഗീകാരങ്ങൾക്കോ തടസമായില്ല. കേരളാ സർക്കാരിന്‍റെ മലയാളം മിഷൻ യു കെ ചാപ്റ്റർ നിർവാഹക സമിതിയംഗമെന്ന നിലയിൽ പ്രവർത്തിക്കുന്ന സുജു ജോസഫ് അസോസിയേഷൻ ഓഫ് ഇന്ത്യൻ കമ്യൂണിസ്റ്റ് യുകെയിൽ ബ്രാഞ്ച് സെക്രട്ടറിയായും പ്രവർത്തിക്കുന്നു.

യുക്മ ന്യൂസ് ചീഫ് എഡിറ്റർ എന്ന നിലയിൽ തുടർന്നും യുക്മയ്ക്കും യു കെ മലയാളി സമൂഹത്തിനും പ്രയോജനകരങ്ങളായ പ്രവർത്തനങ്ങൾ കാഴ്ച വച്ച് മുന്നേറുവാൻ കഴിയട്ടെയെന്ന് സുജു ജോസഫിനെ അഭിനന്ദിച്ചു കൊണ്ട് യുക്മ ദേശീയ പ്രസിഡന്‍റ് ഡോ. ബിജു പെരിങ്ങത്തറ, ദേശീയ ജനറൽ സെക്രട്ടറി കുര്യൻ ജോർജ് എന്നിവർ പറഞ്ഞു.

ഡിലന്‍ സിനോയിയുടെ സംസ്കാരം വെള്ളിയാഴ്ച ഡബ്ലിനില്‍.

ഡബ്ലിന്‍: കഴിഞ്ഞ ദിവസം അയര്‍ലൻഡില്‍ അന്തരിച്ച ഡിലന്‍ സിനോയിയുടെ(10) സംസ്കാരം വെള്ളിയാഴ്ച ഡബ്ലിനില്‍ നടക്കും.

യുഡിഎഫ് സ്ഥാനാർഥികൾക്ക് പിന്തുണയുമായി ഐഒസി യുകെ; തെരഞ്ഞെടുപ്പ് കമ്മിറ്റി പ്രവർത്തനമാരംഭിച്ചു.

ലണ്ടൻ: ലോക്സഭാ തെരഞ്ഞെടുപ്പിൽ യുഡിഎഫ് സ്ഥാനാർഥികൾക്ക് പിന്തുണയുമായി ഇന്ത്യൻ ഓവർസീസ് കോൺഗ്രസ്‌ യുകെ കേരള ചാപ്റ്റർ.

ഗ്രേറ്റ് ബ്രിട്ടൻ രൂപത കുടുംബക്കൂട്ടായ്മാ വാർഷിക സമ്മേളനം.

ലെസ്റ്റർ: ഗ്രേറ്റ് ബ്രിട്ടൻ രൂപതയിലെ കുടുംബക്കൂട്ടായ്മ ലീഡർമാരുടെ രൂപതാതല വാർഷിക സമ്മേളനം നടത്തി.

സർഗം സ്റ്റീവനേജ്’ ഈസ്റ്റർ വിഷു ഈദ് ആഘോഷം സംഘ‌ടിപ്പിച്ചു.

സ്റ്റീവനേജ്: ഹർട്ഫോർഡ്ഷയറിലെ പ്രമുഖ മലയാളി സംഘടനായ സർഗം സ്റ്റീവനേജ്’ സംഘടിപ്പിച്ച ഈസ്റ്റർ, വിഷു, ഈദ് ആഘോഷം മത

കോപ്പൻഹേഗനിലെ ഓൾഡ് സ്റ്റോക്ക് എക്സ്ചേഞ്ച് കെട്ടിടത്തിനു തീപിടിച്ചു.

കോപ്പൻഹേഗ്: ഡാനിഷ് തലസ്ഥാനത്തെ ഏറ്റവും പ്രശസ്തമായ കെട്ടിടങ്ങളിലൊന്നായ കോപ്പൻഹേഗനിലെ ഓൾഡ് സ്റ്റോക്ക് എക്‌സ്‌ചേഞ്ചി