Deepika.com Nri News :മിസൂറി സിറ്റി മേയറായി റോബിൻ ഇലക്കാട്ട് വീണ്ടും മത്സരിക്കുന്നു.......

Americas

മിസൂറി സിറ്റി മേയറായി റോബിൻ ഇലക്കാട്ട് വീണ്ടും മത്സരിക്കുന്നു

Back To NRI Home Forward This News Click here for detailed news of all items

മിസ്സൂറി സിറ്റി / ടെക്സസ് :മിസൂറി സിറ്റി മേയറായി മലയാളിയായ റോബിൻ ഇലക്കാട്ട് വീണ്ടും മത്സരിക്കുന്നു. 2022 ഓഗസ്റ്റ് ഒന്നിന് ടെക്സസിലെ മിസൂറി സിറ്റിയുടെ മേയറായി തന്‍റെ രണ്ടാം ടേമിനുള്ള നാമനിർദ്ദേശപത്രിക അദ്ദേഹം സമർപ്പിച്ചു.

പത്രിക സമർപ്പണത്തിന് അദ്ദേഹത്തിന്‍റെ പിതാവ് ഫിലിപ്പ് ഇലക്കാട്ട് ഒപ്പം എത്തിയതും വ്യത്യസ്തമായി. ജീവിതത്തിലെ ഏറ്റവും ധന്യമായ ഒരു നിമിഷം തന്‍റെ പിതാവിനെ സാക്ഷിയാക്കി പ്രാവർത്തികമാക്കുവാൻ സാധിച്ചതിൽ അതിയായ സന്തോഷമുണ്ടെന്ന് റോബിൻ പറഞ്ഞു.
കഴിഞ്ഞ രണ്ടു വർഷം മിസ്സൂറി സിറ്റിയുടെ സുവർണ്ണ കാലമാക്കിമാറ്റുവാൻ റോബിൻ ഇലക്കാട്ടിന് സാധിച്ചിട്ടുണ്ട്. കൗൺസിൽ അംഗങ്ങളും, സിറ്റി സ്റ്റാഫ് അംഗങ്ങളും കഴിഞ്ഞ രണ്ടു വർഷമായി ആത്മാർത്ഥമായ പ്രവർത്തനങ്ങളിൽ ആയിരുന്നു.

കഴിഞ്ഞ എട്ടു വർഷത്തിനുള്ളിൽ ആറ് വർഷം മിസൂറി സിറ്റി കൗൺസിലിലും, രണ്ട് വർഷം മേയറായും അദ്ദേഹം നടത്തിയ പ്രവർത്തനങ്ങൾ അമേരിക്കൻ സമൂഹത്തിനും, ഇതര സമൂഹത്തിനും മാതൃകയായിരുന്നു. സിറ്റിയുടെ ബോർഡുകൾ സുസജ്ജമാക്കി പ്രവർത്തനങ്ങൾ ഏകോപിപ്പിച്ചു. കൃത്യതയാർന്ന പ്രവർത്തനങ്ങളാണ് റോബിൻ ഇലക്കാട്ട് സംഘടിപ്പിച്ചത്.

കഴിഞ്ഞ രണ്ട് വർഷമായി തന്റെ ഭരണകാലത്ത് മിസ്സൂറി സിറ്റി നിവാസികൾ തന്നിൽ അർപ്പിച്ചിരിക്കുന്ന വിശ്വാസത്തിനും, പിന്തുണയ്ക്കും എക്കാലവും താൻ കടപ്പെട്ടനായിരിക്കും. ഇത്രത്തോളം വൈവിദ്ധ്യമാർന്നതും കരുതലുള്ളതുമായ ഒരു കമ്മ്യൂണിറ്റിയുടെ മേയറായി ഇരിക്കുവാൻ സാധിച്ചത് ഭാഗ്യം.

മിസൂറി സിറ്റിയെ ഒരു ഹോം സിറ്റിയായി വളർത്തിയെടുക്കുവാൻ സാധിച്ചു. ബിസിനസ്സുകാർക്കും, താമസക്കാർക്കും മേയർ എന്ന നിലയിൽ എല്ലാത്തരത്തിലുമുള്ള നേട്ടങ്ങൾ എത്തിക്കുന്നതിന് കഴിഞ്ഞു. ആരംഭിച്ച പ്രോജക്ടുകൾ പൂർത്തിയാക്കുവാനും മിസൂറി നഗരത്തിന് കൂടുതൽ വിജയവും, നേട്ടങ്ങളും കൊണ്ടുവരാൻ രണ്ടാം ടേം കൂടി വിജയിക്കേണ്ടതുണ്ട്.

തന്‍റെ സഹപ്രവർത്തകരോടൊപ്പം സിറ്റി കൗൺസിലിന്‍റേയും പ്രവർത്തനങ്ങൾ വിജയത്തിലെത്തിക്കുവാൻ തന്നെ വിജയിപ്പിക്കണമെന്ന് റോബിൻ ഇലക്കാട്ട് അഭ്യർത്ഥിച്ചു.

രണ്ടാം ടേമിലേക്ക് മത്സരിക്കുന്നതിന് നാമനിർദ്ദേശ പത്രിക സമർപ്പിക്കുന്ന സമയത്ത് തന്റെ പിതാവിനെക്കൂടി ആ ചടങ്ങിൽ പങ്കെടുപ്പിക്കുവാൻ സാധിച്ചതിൽ സന്തോഷം . അമ്മയുടെ അസാന്നിദ്ധ്യം അല്പം വിഷമമുണ്ടാക്കിയെങ്കിലും പിതാവിന്റെ അനുഗ്രഹത്തോടെ പുതിയൊരു അദ്ധ്യായത്തിന് തുടക്കം കുറിക്കുവാൻ കഴിഞ്ഞതായി റോബിൻ ഇലക്കാട്ട് പറഞ്ഞു.
മിസ്സൂറി സിറ്റിയിലെ ഓരോ പൗരന്മാരെയും , ബിസിനസ്സുകാരെയും നേരിട്ടു കാണാൻ ശ്രമിക്കും. ഈ സിറ്റിയെ എല്ലാ പൗരന്മാർക്കും ജീവിക്കാനും ജോലി ചെയ്യാനുമുള്ള മികച്ച സ്ഥലമാക്കി മാറ്റുവാൻ പുതിയ പ്രോജക്ടുകൾ കൊണ്ടുവരും.

തന്റെ നാളിതുവരെയുള്ള നേട്ടത്തിന് പിന്നിൽ അമേരിക്കൻ സമൂഹത്തോടും, ഇന്ത്യക്കാരോടും, വിശിഷ്യ മലയാളി സമൂഹത്തോടും നന്ദിയുണ്ട്. തുടർന്നും ഇന്ത്യൻ, മലയാളി സമൂഹത്തിന്റെ പിന്തുണ ആവശ്യമെന്നും അദ്ദേഹം അറിയിച്ചു.

സിറ്റിയിലെ ബിസിനസ്സുകാരൻ കൂടിയായ റോബിൻ ഇലക്കാട്ടിന്‍റെ ജീവിത വിജയത്തിന് പിന്നിൽ ഭാര്യ ടീനയുടെയും രണ്ട് മക്കളുടെയും പിന്തുണയുണ്ട്. കുടുംബവും കുടുംബ മൂല്യങ്ങളും ജീവിത വിജയത്തിന് അതിന്റേതായ ഗുണം നൽകുമെന്ന് അദ്ദേഹം പറഞ്ഞു. നവംബറിൽ നടക്കുന്ന തെരഞ്ഞെടുപ്പിൽ വൻ വിജയം നേടുവാൻ എല്ലാ വോട്ടർമാരുടെയും സഹായം റോബിൻ ഇലക്കാട്ട് അഭ്യർത്ഥിച്ചു .

ഡിഫറന്‍റ് ആര്‍ട്ട് സെന്‍ററിലെ കുട്ടികൾക്ക് കൈത്താങ്ങായി ഗ്ലോബൽ ഇന്ത്യൻ കൗൺസിൽ.

ഡാളസ്: മജീഷ്യനും സാമൂഹിക പ്രവർത്തകനുമായ ഗോപിനാഥ് മുതുകാട് തിരുവനന്തപുരത്ത് നടത്തുന്ന ഡിഫറന്‍റ് ആര്‍ട്ട് സെന്‍ററി

യാക്കോബിനെ പോലെ ദൈവസാന്നിധ്യം തിരിച്ചറിയുന്നവരാകുക: ഇവാഞ്ചലിസ്റ്റ് ബോവാസ് കുട്ടി.

ഡാളസ്: ഏകാന്തതയുടെ നടുവിലേക്ക് ഇറങ്ങിവരുന്ന ദൈവിക സാന്നിധ്യം തിരിച്ചറിയുന്നവനാണ് ലോകത്തിനും സമൂഹത്തിനും അനുഗ്രഹ

ഭരതകല തീയറ്റേഴ്സിന്‍റെ നാടകം "എഴുത്തച്ഛൻ' ഡാളസിൽ അരങ്ങേറി.

ഡാളസ്: ഡാളസിലെ ഭരതകല തീയറ്റേഴ്സിന്‍റെ ഏറ്റവും പുതിയ സംരംഭമായ "എഴുത്തച്ഛൻ ' എന്ന നാടകം ലിറ്റ് ദി വെ എന്ന ചാരിറ്റി സംഘ

ഇന്ത്യ പ്രസ് ക്ലബ് സമ്മേളനം: പി.ജി. സുരേഷ് കുമാറും ക്രിസ്റ്റീന ചെറിയാനും പങ്കെടുക്കും.

മയാമി: നവംബർ രണ്ട് മുതൽ നാല് വരെ മയാമിയിലുള്ള ഹോളിഡേ ഇൻ മയാമി വെസ്റ്റ് ഹോട്ടലിൽ നടക്കുന്ന ഇന്ത്യ പ്രസ് ക്ലബ് ഓഫ് നോർത

പ്രതീക്ഷകൾക്കും അപ്പുറം; ഇന്ത്യ യുഎസ് ബന്ധത്തെക്കുറിച്ച് എസ്. ജയശങ്കർ.

വാഷിംഗ്ടൺ ഡിസി: ഇന്ത്യ യുഎസ് ബന്ധം പ്രതീക്ഷകൾക്കും അപ്പുറം വളർന്നു എന്ന് വിദേശകാര്യമന്ത്രി എസ്. ജയശങ്കർ.