ലിവർപൂൾ: ഇംഗ്ലണ്ടിലെ നോർത്ത് വെസ്റ്റ് കേന്ദ്രമാക്കി വേൾഡ് മലയാളി കൗണ്‍സിലിന്‍റെ പുതിയ പ്രൊവിൻസ് രൂപീകരിച്ചു. കഴിഞ്ഞ രണ്ടര പതിറ്റാണ്ടിലേറെയായി ആഗോളതലത്തിൽ പടർന്നു പന്തലിച്ചു നിൽക്കുന്ന വേൾഡ് മലയാളി കൗണ്‍സിലിന്‍റെ രണ്ടാമത്തെ പ്രൊവിൻസിനാണ് നോർത്ത് വെസ്റ്റിൽ തുടക്കമായത്. ജൂലൈ 24 ന് വെർച്ച്വൽ പ്ളാറ്റ്ഫോമിലൂടെ നടന്ന ചടങ്ങിൽ വേൾഡ് മലയാളി കൗണ്‍സിൽ യൂറോപ്പ് റീജണ്‍ ചെയർമാൻ ജോളി തടത്തിൽ അധ്യക്ഷത വഹിച്ച് പുതിയ പ്രൊവിൻസിന്റെ പ്രഖ്യാപനം നടത്തി. യൂറോപ്പ് റീജണ്‍ പ്രസിഡന്‍റ് ജോളി എം. പടയാട്ടിൽ സ്വാഗതം ആശംസിച്ചു.
നോർത്ത് വെസ്റ്റ് ഇംഗ്ളണ്ട് പ്രൊവിൻസ് ചെയർമാൻ ലിദിഷ്രാജ് പി. തോമസ് നിയുക്ത ഭാരവാഹികളെ സദസിന് പരിചയപ്പെടുത്തി. പ്രോവിൻസ് രൂപീകരണത്തിന് ഗ്ലോബൽ റീജണൽ ഭാരവാഹികളുടെ നിസീമമായ സഹകരണത്തിനും, വേണ്ട മാർഗനിർദേശങ്ങൾ നൽകിയ വേൾഡ് മലയാളി കൗണ്‍സിൽ വേൾഡ് മെഡിക്കൽ ഫോറം പ്രസിഡന്‍റ് ജിമ്മി മൊയലൻ ലോനപ്പന് നന്ദിയും അറിയിച്ചു.
ഡോ. വിജയലക്ഷ്മി, ഗ്രിഗറി മേടയിൽ, പിന്േ‍റാ കണ്ണംപള്ളി, തോമസ് കണ്ണങ്കേരിൽ, തോമസ് അറന്പൻകുടി, ജോസ് കുന്പിളുവേലിൽ, റവ. ഡോ. മാത്യു ചന്ദ്രൻകുന്നേൽ, രാജു കുന്നക്കാട്, ബാബു ചെന്പകത്തിനാൽ തുടങ്ങിയവർ പുതിയ പ്രോവിൻസിനും ഭാരവാഹികൾക്കും ആശംസകൾ നേർന്നു. യൂറോപ്പ് റീജണ്‍ ചെയർമാൻ ജോളി തടത്തിൽ നിയുക്ത ഭാരവാഹികൾക്ക് സത്യവാചകം ചൊല്ലിക്കൊടുത്തു. യൂറോപ്പ് റീജണ്‍ സെക്രട്ടറി ബാബു തോട്ടപ്പള്ളി നന്ദി പ്രകാശിപ്പിച്ചു. മേഴ്സി തടത്തിൽ മോഡറേറ്ററായിരുന്നു.
പുതിയ ഭാരവാഹികളായി ലിദിഷ്രാജ് പി. തോമസ് (ചെയർമാൻ), ലിജി ജോബി (വൈസ് ചെയർമാൻ), ഡോ. ബിന്േ‍റാ സൈമണ്‍ (വൈസ് ചെയർമാൻ), സെബാസ്റ്റ്യൻ ജോസഫ് (പ്രസിഡന്‍റ്), ഫെമി റൊണാൾഡ് തോണ്ടിക്കൽ (വൈസ് പ്രസിഡന്‍റ്), ബിനു വർക്കി (വൈസ് പ്രസിഡന്‍റ്), ആൽവിൻ ടോം (സെക്രട്ടറി), വിഷ്ണു നടേശൻ (ജോ. സെക്രട്ടറി), ലിന്‍റൻ പി. ലാസർ (ട്രഷറർ) എന്നിവർ തെരഞ്ഞെടുക്കപ്പെട്ടു. രഞ്ജിത് ഗണേശൻ, വർഗീസ് ഐപ്പ്, ജിനോയ് മാടൻ, സുനിമോൻ വർഗീസ്, ജിതിൻ ജോയി, ബെൻസണ്‍ ദേവസ്യ, ഷിബു പോൾ എന്നിവരാണ് എക്സിക്യൂട്ടിവ് കമ്മറ്റി അംഗങ്ങൾ.
1995 ജൂലൈ 3 നാണ് ന്യൂജേഴ്സി ആസ്ഥാനമായി വേൾഡ് മലയാളി കൗണ്‍സിൽ രൂപീകരിച്ചത്. കഴിഞ്ഞ ജൂണ്‍ 23 മുതൽ 26 വരെ ബഹ്റിനിൽ നടന്ന പതിമൂന്നാമത് ഗ്ലോബൽ സമ്മേളനത്തിനുശേഷം ആദ്യമായി രൂപീകരിക്കുന്ന പ്രൊവിൻസാണ് ഇംഗ്ലണ്ടിലെ നോർത്ത് വെസ്റ്റിലേത്.
|