• Logo

Allied Publications

Americas
കെസിസിഎന്‍എ കണ്‍വന്‍ഷന്‍: ജോണ്‍ പോളും, ഡെറിക്കും കലാപ്രതിഭകള്‍, എലീസ കലാതിലകം
Share
ഷിക്കാഗോ: ജൂലൈ 21 മുതല്‍ 24 വരെ ഇന്‍ഡ്യാനപോളിസില്‍ വച്ച് നടന്ന വര്‍ണശബളമായ കെസിസിഎന്‍എ കണ്‍വന്‍ഷനില്‍ ന്യൂയോര്‍ക്കില്‍നിന്നുള്ള ഡെറിക് ചെരുവന്‍കാലായിലും, ഡിട്രോയിറ്റില്‍നിന്നുമുള്ള ജോണ്‍ പോള്‍ കണ്ണച്ചാന്‍പറമ്പിലും കലാപ്രതിഭകളായി തെരഞ്ഞെടുക്കപ്പെട്ടു. ലോസ് ഏഞ്ചല്‍സില്‍നിന്നുമുള്ള എലീസ അപ്പോഴിയില്‍ കലാതിലകമായി. ന്യൂയോര്‍ക്കില്‍നിന്നുമുള്ള ഡിയ ചെരുവന്‍കാലായിലിനെ റൈസിംഗ് സ്റ്റാറായും തെരഞ്ഞെടുത്തു.

ഏമി പെരുമണശ്ശേരിയില്‍ ചെയറായും, ഷീബ ചെറുശ്ശേരിയില്‍, ബിസ്മി കുശക്കുഴിയില്‍, ജോബിന്‍ ചിറയില്‍, ലേഖ കുസുമാലയം, സ്‌നേഹ പച്ചിക്കര, ആഞ്ജല കൂവക്കാട്ടില്‍ എന്നിവര്‍ കോചെയേഴ്‌സായും നടത്തിയ ആര്‍ട്ട് & ലിറ്റററി മത്സരങ്ങള്‍ കണ്‍വന്‍ഷനില്‍ പങ്കെടുത്ത മുഴുവന്‍ ആളുകളുടെയും മുക്തകണ്ഠമായ പ്രശംസ പിടിച്ചുപറ്റി.

കലാപ്രതിഭയായി തെരഞ്ഞെടുക്കപ്പെട്ട ഡെറിക് ചെരുവന്‍കാലായില്‍ പ്രസംഗം, ഫ്രാന്‍സിഡ്രസ്, ക്വിസ് മത്സരങ്ങളില്‍ ജേതാവായി. ന്യൂയോര്‍ക്ക് ഐകെസിസി പ്രസിഡന്‍റ് സിജു ചെരുവന്‍കാലായിലിന്‍റേയും നിഷ ചെരുവന്‍കാലായിലിന്‍റേയും പുത്രനാണ് ഡെറിക്. ഡിയ ചെരുവന്‍കാലായില്‍ സഹോദരിയാണ്. സെന്‍റ് ഗ്രിഗറി കാത്തലിക് സ്‌കൂളിലെ ആറാം ക്ലാസ്സ് വിദ്യാര്‍ത്ഥിയാണ് ഡെറിക്. കലാപ്രതിഭയായി തെരഞ്ഞെടുക്കപ്പെട്ട ജോണ്‍ പോളിനും ഡെറിക് ചെരുവന്‍കാലായ്ക്കും കലാപ്രതിഭ ട്രോഫിയും ലൂക്കോസ് മാളികയില്‍ സ്‌പോണ്‍സര്‍ ചെയ്ത 500 ഡോളർ കാഷ്‌ പ്രൈസും കെ.സി.സി.എന്‍.എ. പ്രസിഡന്‍റ് സിറിയക് കൂവക്കാട്ടില്‍ സമ്മാനിച്ചു.




കലാപ്രതിഭയായി തെരഞ്ഞെടുക്കപ്പെട്ട ജോണ്‍ പോള്‍ കണ്ണച്ചാന്‍പറമ്പില്‍ ഫ്രാന്‍സിഡ്രസ്സ്, ക്വിസ്, പ്രസംഗ മത്സരം, പുരാതനപ്പാട്ട് എന്നീ മത്സരങ്ങളില്‍ വിജയിച്ചാണ് കലാപ്രതിഭാപട്ടത്തിന് അര്‍ഹനായത്. ഡിട്രോയിറ്റില്‍നിന്നുമുള്ള ജെയിസ് & അനു കണ്ണച്ചാന്‍പറമ്പിലിന്‍റെ പുത്രനാണ് ജോണ്‍ പോള്‍ കണ്ണച്ചാന്‍പറമ്പില്‍. സറീന, സൈറ, ജോസഫ് എന്നിവര്‍ സഹോദരങ്ങളാണ്. പ്ലിമത്ത് ചാറ്റേര്‍ഡ് സ്‌കൂളിലെ അഞ്ചാം ക്ലാസ്സ് വിദ്യാര്‍ത്ഥിയാണ് ജോണ്‍.

കലാതിലകമായി തെരഞ്ഞെടുക്കപ്പെട്ട എലീസ അപ്പോഴിയില്‍ ഫ്രാന്‍സിഡ്രസ്സ്, സിനിമാറ്റിക് ഡാന്‍സ്, ക്ലാസിക്കല്‍ ഡാന്‍സ്, സംഗീതം എന്നിവയില്‍ വിജയിച്ചാണ് കലാതിലകപട്ടം നേടിയെടുത്തത്. കെ.സി.സി.എന്‍.എ. റീജിയണല്‍ വൈസ് പ്രസിഡന്‍റ് ഷിജു അപ്പോഴിയിലിന്റെയും സുനിത അപ്പോഴിയിലിന്റെയും പുത്രിയാണ് എലീസ. ആല്‍ബിന്‍ അപ്പോഴിയില്‍, ജയ്‌സണ്‍ അപ്പോഴിയില്‍ എന്നിവര്‍ സഹോദരങ്ങളാണ്.

കലാതിലകം ട്രോഫിയും, സഞ്ജു പുളിക്കത്തൊട്ടിയില്‍ ഫാമിലി സ്‌പോണ്‍സര്‍ ചെയ്ത കാഷ് അവാര്‍ഡും, കെ.സി.സി.എന്‍.എ. പ്രസിഡന്‍റ് സിറിയക് കൂവക്കാട്ടില്‍ ലോസ്ആഞ്ചലസിലെ ഫെയിത്ത് ബാപ്‌സിറ്റ് സ്‌കൂളില്‍ പഠിക്കുന്ന രണ്ടാംക്ലാസ്സ് വിദ്യാര്‍ത്ഥിനിയായ എലീസ അപ്പോഴിയിലിന് സമ്മാനിച്ചു.

റൈസിംഗ് സ്റ്റാറായി തെരഞ്ഞെടുക്കപ്പെട്ട ഡിയ ചെരുവന്‍കാലായില്‍ കലാപ്രതിഭയായി തെരഞ്ഞെടുക്കപ്പെട്ട ഡെറിക് ചെരുവന്‍കാലായുടെ സഹോദരിയാണ്. സിജുനിഷ ചെരുവന്‍കാലായുടെ പുത്രിയായ ഡിയ സെന്റ് ഗ്രിഗറി കാത്തലിക് സ്‌കൂളിലെ രണ്ടാംക്ലാസ്സ് വിദ്യാര്‍ത്ഥിനിയാണ്. ആര്‍ട്ട് & ലിറ്ററി മത്സരങ്ങളിലെ മികച്ച പ്രകടനത്തിലൂടെ രണ്ടാം സ്ഥാനത്ത് എത്തിയാണ് ഡിയ റൈസിംഗ് സ്റ്റാറായത്.

മാർ ജോയി ആലപ്പാട്ടിന്‍റെ സ്ഥാനാരോഹണം ഓക്ടോബർ ഒന്നിനു ശനിയാഴ്ച.
ഷിക്കാഗോ: ഷിക്കാഗോ സീറോ മലബാർ രുപതയുടെ രണ്ടാമത്തെ മെത്രാനായ മാർ ജോയി ആലപ്പാട്ടിന്റെ സ്ഥാനരോഹാണ ചടങ്ങിന്‍റെ വിജയത്തിനായി വിവിധ കമ്മറ്റികൾ അക്ഷീണം പ്രയത
ശമ്പളവര്‍ധനവ് ആവശ്യപ്പെട്ട് വിമാന ജോലിക്കാര്‍ പിക്കറ്റിംഗ് നടത്തി.
ലവ് ഫീല്‍ഡ് (ഡാളസ്): സൗത്ത് വെസ്റ്റ് എയര്‍ലൈന്‍സ് ജീവനക്കാര്‍ ശബള വര്‍ധനവും, ജോലിസ്ഥിരതവും ആവശ്യപ്പെട്ട് രാജ്യം ഒട്ടാകെ നടത്തുന്ന സമരത്തിന്റെ ഭാഗമായി
ഫിലഡല്‍ഫിയ സ്‌കൂളില്‍ വെടിവയ്പ്: ഒരു മരണം, ആറു വിദ്യാര്‍ഥികള്‍ക്ക് വെടിയേറ്റു.
റോക്‌സ്‌ബൊറോ: ഫിലഡല്‍ഫിയയ്ക്കു സമീപം റോക്‌സ്‌ബൊറോ ഹൈസ്‌കൂളില്‍ ചൊവ്വാഴ്ച ഉച്ചയ്ക്കുശേഷം നടന്ന വെടിവയ്പില്‍ ഒരു കൗമാരക്കാരന്‍ കൊല്ലപ്പെടുകയും, ആറു വിദ്
ഏഷ്യന്‍ വനിതയെ 100 ലധികം തവണ മര്‍ദിച്ചു പരിക്കേല്‍പ്പിച്ചു; പ്രതിക്കു പതിനേഴര വര്‍ഷം തടവ്.
ന്യൂയോര്‍ക്ക് : ന്യുയോര്‍ക്കിലെ അപ്പാര്‍ട്ട്‌മെന്‍റിലേക്കു പ്രവേശിക്കാന്‍ ശ്രമിക്കുന്നതിനിടെ 67 വയസുള്ള ഏഷ്യന്‍ വനിതയെ നൂറിലധികം തവണ മര്‍ദിക്കുകയും തല
ശാലേം കപ്പ് 2022 ശാലേം ഹെഡ്‌ജിന്.
ന്യൂയോർക്ക് : ലോങ്ങ് ബീച്ച് ടെന്നീസ് സെന്‍ററിൽ ലീഗ് അടിസ്ഥാനത്തിൽ നടന്ന മത്സരത്തിൽ ശാലേം ടൈറ്റൻസിനെ തോൽപ്പിച്ച് ശാലേം ഹെഡ്‌ജ്‌ കിരീടം സ്വന്തമാക്കി.