കുവൈറ്റ്: സാരഥി കുവൈറ്റിന്‍റെ അംഗങ്ങളുടേയും കുട്ടികളുടെയും ചിത്രകലാവാസനകളെ പരിപോഷിപ്പിക്കുന്നതിന്റെ ഭാഗമായി നേതൃത്വത്തിൽ സാരഥി അബാസിയ ഈസ്റ്റ് യൂണിറ്റും അണിയിച്ചൊരുക്കിയ നിറക്കൂട്ട് 2022 കളർ പെയിന്‍റിംഗ്, പെൻസിൽ ഡ്രോയിംഗ് മത്സരത്തിന്‍റെ അവാർഡ്ദാനം ജൂലൈ 22 വെള്ളിയാഴ്ച മെട്രോ മെഡിക്കൽ കെയർ, ഫർവാനിയ ഓഡിറ്റോറിയത്തിൽ സംഘടിപ്പിച്ചു.
സാരഥി കുവൈറ്റിന്‍റെ 14 പ്രാദേശിക സമിതികളിൽനിന്നുമുള്ള അംഗങ്ങളും കുട്ടികളും കുവൈറ്റിൽ നിന്നും, നാട്ടിൽ നിന്നുമായി നിറക്കൂട്ട് 2022 മത്സരത്തിൽ പ്രായപരിധി കണക്കാക്കിയുള്ള അഞ്ച് വിഭാഗങ്ങളിൽ നിന്നുമായി 250 മത്സരാർഥികൾ പങ്കെടുത്തു.
ദൈവദശകാലപനത്തോടെ തുടങ്ങിയ നിറക്കൂട്ട് 2022 അവാർഡ് ദാന ചടങ്ങിൽ ജനറൽ കണ്‍വീനർ ജുവന രാജേഷ് സ്വാഗതം ആശംസിക്കുകയും പ്രസിഡന്‍റ് സജീവ് നാരായണൻ പരിപാടി ഒദ്യോഗികമായി ഉദ്ഘാടനം നിർവഹിച്ചു സംസാരിക്കുകയും ചെയ്തു.
ബഹ്റിൻ എക്സ്ചേഞ്ച് മാർക്കറ്റിംഗ് മാനേജർ രാംദാസ് നായർ, മെട്രോ മെഡിക്കൽ കെയർ ഗ്രൂപ്പ് അഡ്മിനിസ്ട്രേഷൻ മാനേജർ ഫൈസൽ ഹംസ എന്നിവർ മുഖ്യാതിഥികളായി പങ്കെടുക്കുകയും വിജയികൾക്കുള്ള സമ്മാനദാനം നിർവഹിക്കുകയും ചെയ്തു.
സാരഥി ജനറൽ സെക്രട്ടറി ബിജു. സി.വി. ട്രഷറർ അനിത്കുമാർ, ട്രസ്റ്റ് സെക്രട്ടറി വിനോദ് സി.എസ്, വനിതാവേദി ചെയർപേഴ്സണ്‍ പ്രീത സതീഷ്, വൈസ് പ്രസിഡൻറ് സതീഷ് പ്രഭാകരൻ, ജോ: ട്രഷറർ ഉദയഭാനു, അബ്ബാസിയ ഈസ്റ്റ് യൂണിറ്റ് കണ്‍വീനർ രതീഷ് കാർത്തികേയൻ, വനിതാവേദി കണ്‍വീനർ റീനബിജൂ, സാരഥിയുടെ വിവിധ നേതാക്കൾ എന്നിവർ ആശംസകൾ അർപ്പിച്ച് സംസാരിക്കുകയും വിവിധ വിഭാഗങ്ങളിൽ വിജയികളായവർക്കുള്ള സമ്മാനദാനം നിർവഹിക്കുകയും ചെയ്തു.
നിറക്കൂട്ട് 2022 ൽ ഏറ്റവും കൂടുതൽ പോയിന്റ് നേടി ഗുരുചിത്രാജ്ഞലി ചാന്പ്യൻസ് ട്രോഫി സാരഥി മംഗഫ് വെസ്റ്റ് യൂണിറ്റും, രണ്ടും, മൂന്നും സ്ഥാനങ്ങൾ യഥാക്രമം ഫാഹഫീൽ, ഹസാവി സൗത്ത് യൂണിറ്റുകൾ കരസ്ഥമാക്കി.
കുമാരി അൽക്ക ഓമനക്കുട്ടൻ, സിബി പുരുഷോത്തമൻ എന്നിവർ അവതാരകരായി എത്തിയ ചടങ്ങിൽ കുവൈറ്റിലെ പ്രമുഖ ചിത്രകാരൻമാരായ ആർട്ടിസ്റ്റ് സുനിൽ കുളനട, ആർട്ടിസ്റ്റ് ഹരി വി.പിള്ള എന്നിവരെ ആദരിച്ചു. രാജേഷ് പി വാസു, സനൽകുമാർ, വിശാഖ്, രാജേന്ദ്രപ്രസാദ് അനന്തു, മിനീഷ്, മണികണ്ഠൻ, സജു, വിജയൻ എന്നിവർ ചടങ്ങുകൾ ഏകോപിപ്പിച്ചു.
|