കുവൈറ്റ് സിറ്റി : പ്രമുഖ പ്രവാസി ഫോട്ടോഗ്രാഫർ ഗഫൂർ മൂടാടിയുടെ നിര്യാണത്തിൽ മലയാളി മീഡിയ ഫോറം അനുശോചിച്ചു. ഓണ്ലൈനായി സംഘടിപ്പിച്ച ’’ഗഫൂർ മൂടാടിക്കൊപ്പം’’ എന്ന ചടങ്ങിൽ വിവിധ രാജ്യങ്ങളിൽ നിന്നുള്ള നിരവധി പേരാണ് പങ്കെടുത്തത്.
കുവൈറ്റിലെ മലയാളി മീഡിയ ഫോറത്തിന്റെ രൂപീകരണ കാലം മുതൽ സജീവമായിരുന്ന ഗഫൂർ മൂടാടി മുൻകാല കണ്വീനർ കൂടിയായിരുന്നു. ഇന്ത്യൻ സ്ഥാനപതി സിബി ജോർജിന്റെ അനുശോചന സന്ദേശം ചടങ്ങിൽ പ്രദർശിപ്പിച്ചു.
മലയാളി മീഡിയഫോറം കുവൈറ്റ് കണ്വീനർ നിക്സണ് ജോർജ് അധ്യക്ഷത വഹിച്ച യോഗത്തിൽ തോമസ് മാത്യു കടവിൽ അനുശോചന പ്രമേയം അവതരിപ്പിച്ചു. ജലിൻ തൃപ്രയാർ സ്വാഗതം പറഞ്ഞ ചടങ്ങിൽ ഹബീബ് മുറ്റിച്ചൂർ നന്ദി രേഖപ്പെടുത്തി. വിവിധ സംഘടനകളെയും കൂട്ടായ്മകളെയും പ്രതിനിധീകരിച്ച് ഹംസ പയ്യന്നൂർ, അസീസ് തിക്കോടി, അനിൽ പി അലക്സ്, സുജിത് സുരേശൻ, സാം പൈനമൂട്, മുഹമ്മദ് റിയാസ്, സലാം വളാഞ്ചേരി, ജിപ്സണ് ജോർജ്, എസ് എ ലബ്ബ, ചെസ്സിൽ ചെറിയാൻ, പി ജി ബിനു, നളിനാക്ഷൻ, മധു മാഹി, ജോയൽ , രതീഷ്, സീനു മാത്യൂസ്, സിന്ധു രമേഷ്, സന്തോഷ് പുനക്കൽ, സാം നന്ദിയാട്ട്, ഷാജി രഘുവരൻ, മാർട്ടിൻ മാത്യു, സുരേഷ് തോമസ്, തോമസ് ജോർജ് എന്നീവർ പങ്കെടുത്തു.
|