Deepika.com Nri News :ഒഐസിസി യുഎസ്എ സതേൺ റീജിയൻ: റോയ് കൊടുവത്ത് ചെയർമാൻ.......

Americas

ഒഐസിസി യുഎസ്എ സതേൺ റീജിയൻ: റോയ് കൊടുവത്ത് ചെയർമാൻ

Back To NRI Home Forward This News Click here for detailed news of all items

ഹൂസ്റ്റൺ: ഓവർസീസ് ഇന്ത്യൻ കൾച്ചറൽ കോൺഗ്രസ് (ഒഐസിസി യൂഎസ്എ) സതേൺ റീജിയൻ കമ്മിറ്റി പുനഃസംഘടിപ്പിച്ചു; പുതിയ ചെയർമാനായി റോയ് കൊടുവത്തിനെ തെരഞ്ഞെടുത്തു. നിലവിൽ സതേൺ റീജിയൻ വൈസ് ചെയർമാനായിരുന്നു .

സംഘടനയുടെ വളർച്ചയുടെ ഭാഗമായി അടുത്തയിടെ പുതുതായി രൂപീകരിച്ച വെസ്റ്റേൺ റീജിയൻ രൂപീകരണത്തോടനുബന്ധിച്ച്‌ സതേൺ റീജിയനിൽ ഉണ്ടായ ഒഴിവുകളിലാണ് പുതിയ നേതാക്കളെ തെരഞ്ഞെടുത്തത്.

ജൂൺ 21 നു ചൊവ്വാഴ്ച വൈകുന്നേരം സൂം പ്ലാറ്റ് ഫോമിൽ കൂടിയായ റീജിയണൽ എക്സിക്യൂട്ടീവ് യോഗത്തിൽ റീജിയണൽ പ്രസിഡന്‍റ് സജി ജോർജ് അദ്ധ്യക്ഷത വഹിച്ചു. പ്രാർത്ഥനയ്ക്ക് ശേഷം ദേശീയ ജനറൽ സെക്രട്ടറി ജീമോൻ റാന്നി സ്വാഗതമാശംസിച്ചു.തുടർന്ന് ഒഴിവുവന്ന സ്ഥാനങ്ങളിലേക്കു പുതിയ ഭാരവാഹികളെ തെരഞ്ഞെടുത്തു

ഹൂസ്റ്റൺ ചാപ്റ്റർ പ്രസിഡന്‍റായി നിയമിതനായ റീജിയണൽ ജനറൽ സെക്രട്ടറി വാവച്ചൻ മത്തായിക്ക് പകരം ജോമോൻ ഇടയാടിയെ (ഹൂസ്റ്റൺ) ജനറൽ സെക്രട്ടറിയായി തെരഞ്ഞെടുത്തു. നിലവിൽ വൈസ് പ്രസിഡന്‍റാണ് ജോമോൻ.

വൈസ് ചെയർമാനായി ജോയ് തുമ്പമൺ (ഹൂസ്റ്റൺ), വൈസ് പ്രസിഡന്‍റുമാരായി രാജൻ മാത്യു (ഡാളസ്) ബാബു കൂടത്തിനാലിൽ (ഹൂസ്റ്റൺ) ജോജി ജേക്കബ് (ഹൂസ്റ്റൺ)
എന്നിവരെയും തെരഞ്ഞെടുത്തു.

പുതുതായി രൂപം കൊണ്ട ഹൂസ്റ്റൺ, ഡാളസ് ചാപ്റ്ററുകളെ അംഗീകരിച്ചു. വാവച്ചൻ മത്തായിയെ ഹൂസ്റ്റൺ ചാപ്റ്റർ പ്രസിഡന്‍റായും പ്രദീപ് നാഗനൂലിനെ ഡാളസ് ചാപ്റ്റർ പ്രസിഡന്‍റായും തിരഞ്ഞെടുത്തു. ചാപ്റ്ററുകളുടെ വിപുലമായ കമ്മിറ്റി ഉടൻ പ്രഖ്യാപിക്കുന്നതാണ്. കെപിസിസി യുടെ അംഗീകാരത്തിന് വിധേയമായി തെരഞ്ഞെടുപ്പുകൾ ചെയർമാൻ ജെയിംസ് കൂടലും പ്രസിഡണ്ട് ബേബി മണക്കുന്നേലും അംഗീകരിച്ചു.

ജൂൺ 26 നു ഡാളസിൽ വച്ച് മുൻ പ്രതിപക്ഷ നേതാവ് രമേശ് ചെന്നിത്തലയ്ക്ക് ഉജ്ജ്വല സ്വീകരണം കൊടുക്കുന്നതിനും സതേൺ റീജിയൻ പ്രവർത്തനോൽഘാടനം സമ്മേളനത്തിൽ വച്ച് നടത്തുന്നതിനും തീരുമാനിച്ചു. ഡാളസ് ചാപ്റ്റർ സമ്മേളനത്തിന് ആതിഥേയത്വം വഹിക്കും.

2022 24 ലോക കേരള സഭാംഗമായി തിരഞ്ഞെടുക്കപെട്ട ഒഐസിസി യുഎസ്എ നാഷണൽ ചെയർമാൻ ജെയിംസ് കൂടലിനെ അഭിനന്ദിച്ചു. ചുരുങ്ങിയ കാലയളവിനുള്ളിൽ വളർന്നു പന്തലിക്കുന്ന ഒഐസിസി യുഎസ്‌എ യ്ക്ക് ലഭിച്ച അംഗീകാരമാണ് ഈ ലോകകേരളസഭാംഗത്വമെന്ന് നാഷണൽ പ്രസിഡന്‍റ് ബേബി മണക്കുന്നേലും ജീമോൻ റാന്നിയും പറഞ്ഞു.

ഇന്ത്യൻ നാഷണൽ കോൺഗ്രസിന്റെ നേതൃത്വത്തിൽ ദേശീയ സംസ്ഥാന തലത്തിൽ നടത്തുന്ന എല്ലാ സമരപരിപാടികൾക്കും യോഗം ഐക്യദാർഢ്യം പ്രഖ്യാപിച്ചു.

ഒഐസിസി യുഎസ്‌എ ദേശീയ കമ്മിറ്റി വൈസ് ചെയർമാന്മാരായ ഡോ.ചെക്കോട്ടു രാധാകൃഷ്ണൻ, കളത്തിൽ വർഗീസ്, ജോബി ജോർജ്, വൈസ് പ്രസിഡന്റുമാരായ ബോബൻ കൊടുവത്ത്, ഡോ. മാമ്മൻ.സി ജേക്കബ്, നാഷണൽ മീഡിയ ചെയർപേഴ്സൺ പി.പി. ചെറിയാൻ, വെസ്റ്റേൺ റീജിയൻ ചെയർമാൻ ജോസഫ് ഔസോ, പ്രസിഡന്റ്റ് സാം ഉമ്മൻ, സതേൺ റീജിയൻ വനിതാ വിഭാഗം ചെർപേഴ്സൺ ഷീല ചെറു, സതേൺ റീജിയൻ നേതാക്കളായ ജോമോൻ ഇടയാടി. ബാബു കൂടത്തിനാലിൽ, ജോയ് തുമ്പമൺ, വാവച്ചൻ മത്തായി തുടങ്ങിയവർ ചർച്ചകളിൽ സജീവമായി പങ്കെടുത്തു.ദേശീയ കമ്മിറ്റി ട്രഷറർ സന്തോഷ് എബ്രഹാം നന്ദി പ്രകാശിപ്പിച്ചു.

പുരോഹിതനായി ചമഞ്ഞ് പള്ളികളിൽ മോഷണം നടത്തിയയാൾ വീണ്ടും പിടിയിൽ.

റിവർസൈഡ് കൗണ്ടി, കലിഫോർണിയ: കലിഫോർണിയയിലെ പള്ളിയിൽ മോഷണം നടത്താൻ ശ്രമിച്ച കുപ്രശസ്ത കുറ്റവാളി മാലിൻ റോസ്റ്റാസിനെ

40 വർഷം മുമ്പ് കണ്ടെത്തിയ അവശിഷ്ടങ്ങൾ നോർത്ത് ടെക്സസ് സ്ത്രീയുടേതാണെന്നു ഫോറൻസിക് വിദഗ്ധർ.

ടെക്സസ്: ടെക്സസിലെ സ്മിത്ത് കൗണ്ടിയിൽ, ഏകദേശം 40 വർഷങ്ങൾക്ക് മുൻപ് കണ്ടെത്തിയ അസ്ഥികൂട അവശിഷ്ടങ്ങൾ അധികൃതർ തിരിച്ചറിഞ്ഞു.

വിഷു ആഘോഷപൂർവം കൊണ്ടാടി വാഷിംഗ്ടൺ ഡിസിയിലെ ശ്രീ നാരായണ മിഷൻ സെന്‍റർ.

വാഷിംഗ്ടൺ ഡിസി: പാരമ്പര്യത്തിന്‍റേയും സാമുദായിക ചൈതന്യത്തിന്‍റേയും വർണാഭമായ ചടങ്ങുകളോടെ വാഷിംഗ്ടൺ ഡിസിയിലെ ശ്രീ നാരായ

ക്ലിഫ്ടൺ സെന്‍റ് ഗ്രിഗോറിയോസ് ഇടവകയിൽ ഫാമിലി യൂത്ത് കോൺഫറൻസ് രജിസ്ട്രേഷന് തുടക്കമായി.

ക്ലിഫ്ടൺ (ന്യൂജേഴ്സി) : മലങ്കര ഓർത്തഡോക്സ് സുറിയാനി സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി, യൂത്ത് കോൺഫറൻസ

റോയി ആൻഡ്രൂസ് ന്യുജേഴ്സിയിൽ അന്തരിച്ചു.

ന്യൂജേഴ്സി: വാകത്താനം വള്ളിക്കാട്ട് പുതുവേലിൽ പരേതനായ പി. വി.