മനാമ: കൊല്ലം പ്രവാസി അസോസിയേഷൻ ബഹ്റിൻ സ്പോർട്സ് വിംഗിന്റെ ആഭിമുഖ്യത്തിൽ നടന്ന 7 എ സൈഡ് സോഫ്ട്ബോൾ ക്രിക്കറ്റ് ടൂർണമെന്റിൽ ഷഹീൻ ഗ്രൂപ്പ് ജേതാക്കളായി. ജുഫൈർ അൽ നജ്മ ക്ലബ് ഗ്രൗണ്ടിൽ വച്ച് നടന്ന വാശിയേറിയ ഫൈനൽ മത്സരത്തിൽ അവസാന പന്തിലാണ് അബു സാദ് ടീമിനെ ഷഹീൻ ഗ്രൂപ്പ് തോൽപ്പിച്ചത്.
വിജയികൾക്ക് ബഹ്റിൻ ക്രിക്കറ്റ് ഫെഡറേഷൻ അഡ്വൈസറി ചെയർമാൻ മുഹമ്മദ് മൻസൂർ ട്രോഫികളും, ക്യാഷ് അവാർഡും സമ്മാനിച്ചു. ബിസിഎഫ് ഭാരവാഹികളായ നൗഷാദ്, ആദിൽ, തൗഫീഖ്, അസിസ്്, മോഡേണ് മെക്കാനിക്കൽ ജി.എം ബാബു സക്കറിയ, അൽ ഹിലാൽ ഹോസ്പിറ്റൽ പ്രതിനിധി ടോണി, എൻഇസി പ്രതിനിധി പ്രജിൽ പ്രസന്നൻ, കെപിഎ പ്രസിഡന്റ് നിസാർ കൊല്ലം, ജനറൽ സെക്രട്ടറി ജഗത് കൃഷ്ണകുമാർ, സെക്രെട്ടറിയേറ്റ് കമ്മിറ്റി അംഗങ്ങളായ രാജ് കൃഷ്ണൻ, വിനു ക്രിസ്ടി, കിഷോർ കുമാർ, സ്പോർട്സ് വിംഗ് കോഓർഡിനേറ്റർമാരായ സജീവ് ആയൂർ, നാരായണൻ ക്രിക്കറ്റ് ഡിവിഷൻ കണ്വീനറായ വിനീത് അലക്സാണ്ടർ, ഷാൻ അഷറഫ്, ബോജി രാജൻ മറ്റ് സെൻട്രൽ കമ്മറ്റി, ഏരിയ കമ്മറ്റി എക്സിക്യൂട്ടീവ്, വനിതാ വേദി അംഗങ്ങൾ എന്നിവർ ചടങ്ങിൽ പങ്കെടുത്തു.
|