• Logo

Allied Publications

Middle East & Gulf
കൊല്ലം പ്രവാസി അസോസിയേഷന്‍ കെ.പി.എ മീറ്റ് 2022 ജൂലൈ ഒന്നിന്
Share
മനാമ: കൊല്ലം പ്രവാസി അസോസിയേഷന്‍റെ 2022 വര്‍ഷത്തെ ജില്ലാ സമ്മേളനം ജൂണ്‍ 24, പൊതു സമ്മേളനം ജൂലൈ 1 എന്നീ തീയതികളില്‍ നടക്കും എന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു.

ജൂണ്‍ 24നു സെഗയ്യ കെ.സി.എ ഹാളില്‍ രാവിലെ ഒന്പതിന് പതാക ഉയര്‍ത്തലൂടെ ആരംഭിക്കുന്ന ജില്ലാ സമ്മേളനത്തിലെ ആദ്യ സെഷനായ ജനറൽബോഡി മീറ്റിംഗിൽ നിലവിലെ സെക്രട്ടറിയേറ്റ് അംഗങ്ങള്‍, സെന്‍ട്രല്‍ കമ്മിറ്റി അംഗങ്ങള്‍, ഏരിയാ ഭാരവാഹികള്‍, പ്രവാസിശ്രീ യൂണീറ്റ് കോര്‍ഡിനേറ്റേഴ്സ് എന്നിവര്‍ പങ്കെടുക്കും.

രണ്ടാം സെഷനായ പ്രതിനിധി സമ്മേളനത്തില്‍ കഴിഞ്ഞ ഏപ്രില്‍മേയ് മാസങ്ങളില്‍ നടന്ന ഏരിയ സമ്മേളനങ്ങളിലൂടെ തിരഞ്ഞെടുക്കപെട്ട പുതിയ ഏരിയ ഭരണസമിതിയുടെ അംഗീകാരവും, സെന്‍ട്രല്‍ കമ്മിറ്റിയിലേക്ക് തെരഞ്ഞെടുക്കപെട്ട പ്രതിനിധികളുടെ അംഗീകാരവും തുടർന്ന് 20222024 കാലത്തേക്കുള്ള പുതിയ ഭരണസമിതിയുടെ തെരഞ്ഞെടുപ്പ് നടക്കും.

വൈകിട്ട് മൂന്നിന് മുതല്‍ നടക്കുന്ന സാംസ്കാരിക സമ്മേളനത്തിൽ കൊല്ലം പ്രവാസി അസോസിയേഷന്‍റെ കലാസാഹിത്യ വിഭാഗമായ ‘സൃഷ്ടി’ യുടെ നേതൃത്വത്തില്‍ ബഹ്റൈനിലെ സാമൂഹിക സാംസ്കാരിക രംഗത്തെ പ്രമുഖര്‍ ഇതിൽ പങ്കെടുക്കും.

ജൂലൈ 1 നു വൈകിട്ട് നാല് മണിമുതല്‍ ഇന്ത്യന്‍ ക്ലബ്ബ് ആഡിറ്റോറിയത്തില്‍ നടക്കുന്ന ജില്ലാ സമ്മേളനത്തിന്‍റെ രണ്ടാം ഭാഗമായ പൊതുസമ്മേളനത്തിൽ കൊല്ലം ലോക്സഭാ അംഗം എന്‍.കെ. പ്രേമചന്ദ്രന്‍ മുഖ്യാതിഥിയായി പങ്കെടുക്കും.

കഴിഞ്ഞ രണ്ടു വര്‍ഷമായി കെപിഎ ആശുപത്രി ചാരിറ്റി വിങ്ങില്‍ നിസ്വാര്‍ത്ഥ സേവനം നടത്തുന്ന വിവിധ ആശുപത്രികളില്‍ ജോലി ചെയ്യുന്ന ഡോക്ടര്‍മാര്‍, നേഴ്സുമാര്‍, പാരമെടിക്കല്‍ സ്റ്റാഫ് എന്നിവരെ ചടങ്ങിൽ ആദരിക്കും. കൂടാതെ കെപിഎ സമ്മേളനത്തിന്‍റെ ഭാഗമായി പുറത്തിറക്കുന്ന സുവനീറിന്‍റെ പ്രകാശനവും സമ്മേളനത്തില്‍ വെച്ച് നടക്കും.

തുടര്‍ന്ന് ഐഡിയ സ്റ്റാര്‍ സിംഗര്‍ താരങ്ങളായ ശ്രീനാഥും, ദുർഗ്ഗാ വിശ്വനാഥും ചേര്‍ന്ന് അവതരിപ്പിക്കുന്ന മ്യുസിക് നൈറ്റും കെപിഎ കലാകാരന്മാര്‍ അവതരിപ്പിക്കുന്ന മറ്റു പരിപാടികളും ഉണ്ടായിരിക്കും. പൂർണമായും സൗജന്യ പ്രവേശനം ആയ ഈ മ്യൂസിക് & ഡാൻസ് നൈറ്റിന് പിന്തുണ നല്‍കുന്നത് സ്റ്റാര്‍ വിഷന്‍ ഈവന്റ്സ് ബഹ്‌റൈന്‍, റേഡിയോ രംഗ് എന്നിവരാണ് .

ബഹ്റൈനിലെ കൊല്ലം പ്രവാസികളുടെ കൂട്ടായ്മയായ കൊല്ലം പ്രവാസി അസോസിയേഷന്‍, കഴിഞ്ഞ രണ്ടു വര്‍ഷക്കാലമായി ബഹ്റൈനിലെ സാമൂഹികസാംസ്കാരികജീവകാരുണ്യവിദ്യാഭ്യാസ മേഖലയില്‍ നിസ്വാര്‍ത്ഥമായ സേവനം നടത്തിവരുകയാണെന്നും. സ്ത്രീകളുടെ ശാക്തീകരണത്തിന് കുടുംബശ്രീ മാതൃകയില്‍ ആരംഭിച്ച ‘പ്രവാസിശ്രീ’ മികച്ച പ്രവര്‍ത്തനം നടത്തുന്നു എന്നും കൂടാതെ വിവിധങ്ങളായ പദ്ധതികളിലൂടെ പ്രവാസികളുടെ വിശിഷ്യ കൊല്ലം പ്രവാസികളുടെ ദൈനംദിന വിഷയങ്ങള്‍ക്ക്‌ പരിഹാരം കാണാന്‍ ശ്രമിക്കുന്നതായും ഭാരവാഹികൾ അറിയിച്ചു.

കൊല്ലം പ്രവാസി അസോസിയേഷൻ പ്രസിഡന്റ് നിസാർ കൊല്ലം, ജനറൽ സെക്രട്ടറി ജഗത് കൃഷ്ണകുമാർ, വൈ. പ്രസിഡന്‍റ് വിനു ക്രിസ്ടി , സ്റ്റാർ ഇവെന്‍റ്സ് ചെയർമാൻ സേതുരാജ് കടക്കൽ എന്നിവർ വാർത്താസമ്മേളനത്തിൽ പങ്കെടുത്തു.

ഒഐസിസി റിയാദ് മലപ്പുറം ജില്ലാ കമ്മിറ്റി മെമ്പർഷിപ്പ് കാമ്പയിന് തുടക്കം കുറിച്ചു..
റിയാദ്: ബത്തയിലെ സഫാ മക്ക ഓഡിറ്റോറിയത്തിൽ നടന്ന ക്യാമ്പയിൻ ഒഐസിസി ഗ്ലോബൽ സെക്രട്ടറി റസാഖ് പൂക്കോട്ടുംപാടം ഉദ്ഘാടനം ചെയ്തു.
കൃപ സ്വാതന്ത്ര്യദിനം ആഘോഷിച്ചു.
റിയാദ് : കായംകുളം പ്രവാസി അസോസിയേഷൻ "കൃപ' ഇന്ത്യയുടെ എഴുപത്തി അഞ്ചാം സ്വാതന്ത്ര്യദിനം ലളിതമായ ചടങ്ങുകളോടെ ആഘോഷിച്ചു.
നന്മ കരുനാഗപ്പള്ളി പ്രവാസി കൂട്ടായ്മ ഇന്ത്യൻ സ്വാതന്ത്ര്യദിനം ആഘോഷിച്ചു.
റിയാദ് : നന്മ കരുനാഗപ്പള്ളി പ്രവാസി കൂട്ടായ്മ റിയാദിൽ എഴുപത്തി അഞ്ച് അമൃത വർഷങ്ങൾ എന്ന പേരിൽ സ്വാതന്ത്ര്യ ദിനാഘോഷ പരിപാടി സംഘടിപ്പിച്ചു.
ഇ​ന്ത്യ​ൻ എം​ബ​സി​യി​ൽ ഓ​പ്പ​ണ്‍​ഹൗ​സ് സം​ഘ​ടി​പ്പി​ച്ചു.
കു​വൈ​റ്റ് സി​റ്റി: കു​വൈ​ത്തി​ലെ ഇ​ന്ത്യ​ൻ എം​ബ​സി ഓ​പ്പ​ണ്‍ ഹൗ​സ് സം​ഘ​ടി​പ്പി​ച്ചു.
കു​വൈ​റ്റ് കെഎം​സി​സി അ​നു​ശോ​ചി​ച്ചു.
കു​വൈ​റ്റ് സി​റ്റി: കു​വൈ​റ്റ് കെഎം​സി​സി സ്ഥാ​പ​ക നേ​താ​വും കേ​ന്ദ്ര ഭാ​ര​വാ​ഹി​യു​മാ​യി​രു​ന്ന കാ​സ​ർ​ഗോ​ഡ് അ​തി​ഞ്ഞാ​ലി​ലെ കെ.​വി.