ഫിലഡൽഫിയ: അമ്മയും അച്ഛനും അവിഭാജ്യം എന്ന മനോഹാരിതയെ ഹൃദയത്തിലേന്തി, മദേഴ്സ് ഡേയും ഫാദേഴ്സ് ഡേയും വേറിട്ടല്ലാ എന്ന മഹത്വം ഉയർത്തി, "മാതാ പിതാ ഗുരൂ ദൈവ’ മഹത്വ പ്രകീർത്തനമായി, മദേഴ്സ് ഡേയും ഫാദേഴ്സ് ഡേയും ഒരുമിച്ച്, സാഹോദര്യ നഗരമായ ഫിലഡൽഫിയയിൽ, ജൂണ്‍ 18 ശനിയാഴ്ച വൈകുന്നേരം മൂന്നു മുതൽ എട്ടു വരെ സെന്‍റ് തോമസ് ഇന്ത്യൻ ഓർത്തഡോക്സ് ചർച്ച് ഓഡിറ്റോറിയത്തിൽ (1009 അണ്‍റൂ അവന്യൂ, ഫിലഡൽഫിയാ) ആഘോഷിക്കുന്നു.
കോവിഡാനന്തര കാലത്തിന്‍റെ ഉയിർത്തെഴുന്നേൽപ്പ് വിളംബരം ചെയ്തു കൊണ്ട്, ജൂണിന്‍റെ ഉത്സാഹത്തിളക്കങ്ങളെ പ്രസരിപ്പിച്ച്, ഭാരതീയ സംസ്കാരത്തിന്‍റെ കാതലായ ന്ധമാതാപിതാ ഗുരുദൈവം’’ എന്ന സന്ദേശത്തിന്‍റെ ഉൾക്കാന്പിനെ മുത്തമിട്ട്, നൃത്ത വിസ്മയവുമായി, ഗന്ധർവ ഗാനങ്ങളോടെ, നാവൂറും അത്താഴ വിരുവിരുന്നിനൊപ്പം വേൾഡ് മലയാളി കൗണ്‍സിൽ ഫിലഡൽഫിയാ പ്രൊവിൻസ് മദേഴ്സ് ഡേയും ഫാദേഴ്സ് ഡേയും ഒരുമിച്ച്, ഫിലഡൽഫിയയിൽ ആഘോഷിക്കുന്നു. ഫാ. എം.കെ. കുര്യാക്കോസ് ഭദ്രദീപം തെളിയ്ക്കും. പെസൻസിൽവേനിയാ സ്റ്റേറ്റ് റെപ്രസെന്േ‍ററ്റിവ് മാർടിനാ വൈറ്റ് മുഖ്യ സന്ദേശം നൽകും.
അവയവ ദാനത്തിൽ ഫിലഡൽഫിയാ മാതൃകയായ സുനിതാ അനീഷിനെ, എം കെ കുര്യാക്കോസ് അച്ചൻ ’കനക ആട’ അണിയിച്ച് വേൾഡ് മലയാളി കൗണ്‍സിലിനായി ആദരിക്കുന്നു. ഫിലഡൽഫിയയിൽ സുദീർഘകാലം നൃത്തപരിശീലന രംഗത്ത് അദ്ധ്യാപന സേവനം നിർവഹിച്ച അജി പണിക്കർക്ക് ലൈഫ് ടൈം അച്ചീവ്മെന്‍റ് അവാർഡ് സമ്മാനിക്കുന്നു. കേരളത്തിൽ വേൾഡ് മലയാളി കൗണ്‍സിൽ നിരാലംബർക്ക് നൽകുന്ന ഭവനനിർമ്മിതിലേക്ക് മാതൃപിതൃദിനാഘോഷ സായാഹ്ന മേളയിലെ വരുമാനം സംഭാവന ചെയ്യുന്നു.
കൂടുതൽ വിവരങ്ങൾക്ക്: ജോസ് ആറ്റുപുറം (2672314643), സിബിച്ചൻ ചെന്പ്ളായിൽ (2158695604), നൈനാൻ മത്തായി (215 7600447), തോമസ് കുട്ടി വർഗീസ് (2675158727), ജോർജ് നടവയൽ, ഷൈലാ രാജൻ, ഡോ. ജിൻസി മാത്യൂ, മറിയാമ്മ തോമസ്, ലൈസമ്മ ബെന്നി.
|