കുവൈത്ത്‌ സിറ്റി: റാപ്‌റ്റേഴ്‌സ് ബാഡ്മിന്റൺ ക്ലബ്ബ് 'പ്രീമിയർ ബാഡ്മിന്റൺ ചലഞ്ച്2022' എന്ന പേരിൽ ബാഡ്മിന്റൺ ടൂർണമെന്റ് സഘടിപ്പിച്ചു. അഹ്മദിയയിലെ അൽ ഷഹാബ് സ്പോർട്സ് ക്ലബിലെ 10 കോർട്ടുകളിലായാണ്‌ മത്സരങ്ങൾ നടന്നത്‌. നാലു വിഭാഗങ്ങളിലായി 143 ടീമുകൾ മാറ്റുരച്ചു. പ്രസിഡന്റ് പ്രകാശ് മുട്ടേൽ ഉൽഘാടനം ചെയ്തു.
പ്രൊഫഷണൽ അഡ്വാൻസ് വിഭാഗത്തിൽ ബദർ കള്ളിപ്പറമ്പിൽ, സഞ്ജു മാത്യു സഖ്യം ഒന്നാം സ്ഥാനത്തെത്തി. അർഷാദ്, എറിക് തോമസ് സഖ്യം രണ്ടാം സ്ഥാനവും എബിൻ മാത്യു, ബിബിൻ മാത്യു , ശ്രീഹരി , ഐസക് സഖ്യം മൂന്നാം സ്ഥാനവും കരസ്ഥമാക്കി.
അഡ്വാൻസ് വിഭാഗത്തിൽ ഗിരീഷ്, എറിക് തോമസ് സഖ്യം വിജയികളായി. സൂര്യ, ചൗധരി പാർത്ഥ സഖ്യം രണ്ടാം സ്ഥാനവും അബിൻ മാത്യു, ഫിലിപ്പ് ജോൺ , ജിനോ ജോയ്, അജു തോമസ് സഖ്യം മൂന്നാം സ്ഥാനവും കരസ്ഥമാക്കി.
ഇന്റർമീഡിയറ്റ് വിഭാഗത്തിൽ ബിനൽ, നൗഷാദ് സഖ്യം വിജയികളായി. ഫിറോസ്, രാജു ഇട്ടൻ സഖ്യം രണ്ടാം സ്ഥാനവും സനൂജ്,ജിൻസ് വൈഭവ് റെഡ്‌ഡി പ്രതാപ് സഖ്യം മൂന്നാം സ്ഥാനവും കരസ്ഥമാക്കി.
ലോവർ ഇന്റർമീഡിയറ്റ് വിഭാഗത്തിൽ ലാംസ്‌ ക്രൂസ്, എറിക് പാർക്കോൺ സഖ്യം വിജയികളായി. ഷെഹിൻ അനൂപ് , ചെറിൽ റോഡ് , മൻസൂർ സുനീർ എന്നിവർ യഥാക്രമം രണ്ടും മൂന്നും സ്ഥാനങ്ങൾ കരസ്ഥമാക്കി.
5 ഗോൾഡ് കോയിൻ ഉൾപ്പെടെ കാണികൾക്കും ആകർഷകമായ അനേകം സമ്മാനങ്ങൾ വിതരണം ചെയ്യപ്പെട്ട ടൂർണമെന്റ് സമയക്രമം കൊണ്ടും സംഘാടക മികവ് കൊണ്ടും ശ്രദ്ധേയമായി.
അനീഫ് ലത്തീഫ്, പ്രകാശ് മുട്ടേൽ, ബിനോയ് തോമസ്, ഫിലിപ്പ് ജോൺ, വിൽസൺ ജോർജ്, അനിൽ, ജിമിൽ, മുബീൻ, ജോബിഷ് എന്നിവർ ടൂർണ്ണമെന്റിന്‌ നേതൃത്വം നൽകി. റാപ്‌റ്റേഴ്‌സ് ക്ലബ്ബ് സെക്രട്ടറി ഷാജി നന്ദി പറഞ്ഞു.
|