• Logo

Allied Publications

Europe
ഫ്രാങ്ക്ഫര്‍ട്ട് സ്പോര്‍ട്സ് ക്ലബ് വാര്‍ഷിക പൊതുയോഗവും തെരഞ്ഞെടുപ്പും
Share
ഫ്രാങ്ക്ഫര്‍ട്ട്∙ ഇന്ത്യന്‍ സ്പോര്‍ട്സ് ആന്‍ഡ് ഫമീലിയന്‍ ഫെറയിന്‍ ഫ്രാങ്ക്ഫര്‍ട്ടിന്‍റെ വാര്‍ഷികപൊതുയോഗവും തെരഞ്ഞെടുപ്പും ബൊണാമസ്സിലെ സാല്‍ബൗ ക്ലബ് റൂമില്‍ നടത്തി.

പ്രസിഡന്‍റ് ജോസഫ് പീലിപ്പോസിന്‍റെ അധ്യക്ഷതയില്‍ ചേർന്ന യോഗത്തില്‍ കഴിഞ്ഞ രണ്ടു വര്‍ഷത്തെ പ്രവര്‍ത്തന റിപ്പോര്‍ട്ടും കണക്കുകളും ജോര്‍ജ് ജോസഫും സേവ്യർ പള്ളിവാതുക്കലും യഥാക്രമം അവതരിപ്പിച്ചു. തുടർന്നു സ്പോര്‍ട്സ് ക്ലബിന്‍റെ കഴിഞ്ഞ രണ്ടു വര്‍ഷത്തെ പ്രവര്‍ത്തനങ്ങള്‍ വിലയിരുത്തിയ ശേഷം പുതിയ നിര്‍ദ്ദേശങ്ങള്‍ അംഗീകരിച്ചു.

സ്പോർട്സ് ഹാളില്‍ കൊറോണ നിബന്ധനകള്‍ പാലിച്ചു ട്രെയിനിംഗ് നടത്തുന്നു. ബാഡ്മിന്‍റണ്‍ ടൂര്‍ണമെന്‍റ്, ഫാമിലി മീറ്റ്, ന്യൂ ഇയര്‍ ആഘോഷം എന്നിവ മുടക്കം കൂടാതെ നടത്തി. 2022ൽ 50 വർഷം പൂർത്തിയാക്കിയതിന്‍റെ വാർഷികാഘോഷം കലാ കായിക പരിപാടികളോടെ വിപുലമായി ആഘോഷിക്കാൻ തീരുമാനിച്ചു. ഇതിന്‍റെ ഭാഗമായി ഈ വർഷം ബാഡ്മിന്‍റൺ, വോളിബോൾ ടൂർണമെന്‍റുകൾ സംഘടിപ്പിക്കും.

തുടർന്നു പുതിയ ഭാരവാഹികളായി ജോസഫ് ഫിലിപ്പോസ് (പ്രസിഡന്‍റ്), ജോർജ് ജോസഫ് (വൈസ് പ്രസിഡന്‍റ്) , സേവ്യർ പള്ളിവാതുക്കൽ (ട്രഷറർ), യൂത്ത് പ്രതിനിധിയായി അരുൺകുമാർ അരവിന്ദാക്ഷൻ നായർ, സന്തോഷ് കോറോത്, തോമസ് ദേവസിയ (ഓഡിറ്റർ) എന്നിവരെ ഏകകണ്ഠേന തെരഞ്ഞെടുത്തു.

ആന്‍റണി തേവർപാടം, ജോൺ മാത്യു എന്നിവർ വരണാധികാരികൾ ആയിരുന്നു. ഗോൾഡൻ ജുബിലി ആഘോഷ പരിപാടികൾക്കു നേതൃത്വം നൽകാൻ ആന്‍റണി തേവർപാടം, ജോൺ മാത്യു, തോമസ് ദേവസ്യ, നിഖിൽ സാംബശിവൻ, ഗ്രേസി പള്ളിവാതുക്കൽ എന്നിവരടങ്ങുന്ന പ്രത്യേക കമ്മിറ്റിയെയും തെരഞ്ഞെടുത്തു.

ജർമനിയിൽ 50 വർഷം പൂർത്തിയാക്കുകയും ഇന്നും സജീവമായി നിലനിൽക്കുകയും ചെയുന്ന ഏക മലയാളി സ്പോർട്സ് ക്ലബ് ആണ് ഇന്ത്യൻ സ്പോർട്സ് ആൻഡ് ഫാമിലി ഫെറയിൻ ഫ്രാങ്ക്ഫർട്ട്. ക്ലബ് അംഗങ്ങൾ എല്ലാ ശനിയാഴ്ചയും ബാഡ്മിന്‍റൺ, വോളിബോൾ ഇനങ്ങളിൽ പരിശീലിച്ചു വരുന്നു. ക്ലബ് എല്ലാ വർഷവും ബാഡ്മിന്‍റൺ ടൂർണമെന്‍റ്, ഫാമിലി മീറ്റ്, പുതുവത്സര ആഘോഷം എന്നിവ നടത്തിവരുന്നു. ഫ്രാങ്ക്ഫർട്ടിൽ പുതിയതായി കുടിയേറുന്ന കായിക പ്രേമികളായ ഇന്ത്യൻ കുടംബങ്ങൾക്കു പ്രത്യേകിച്ചു മലയാളികൾക്കു ഗൃഹാതുരത്വം മറക്കുവാൻ ക്ലബ് ഒരു നല്ല പങ്കു വഹിച്ചു വരുന്നു.

Contact : isfvfrankfurt@gmail.com

മ്യൂസിക് മഗ് സീസൻ 2 പുതിയ ഗാനം പുറത്തിറങ്ങി.
ഡബ്ലിൻ : ഫോർ മ്യൂസിക്‌സിന്‍റെ ഒറിജിനൽ സിരീസ് ആയ “മ്യൂസിക് മഗ് സീസൻ 2”ലെ ഏറ്റവും പുതിയ ഗാനം പുറത്തിറങ്ങി.
വേൾഡ് മലയാളി കൗൺസിൽ യുകെ പ്രൊവിൻസിന് പുതിയ ഭാരവാഹികൾ.
ലണ്ടൻ : വേൾഡ് മലയാളി കൗൺസിൽ യുകെ പ്രൊവിൻസ് 202224 വർഷത്തേക്ക് പുതിയ ഭാരവാഹികളെ തെരഞ്ഞെടുത്തു.
മോദി ജര്‍മന്‍ സന്ദര്‍ശനം പൂര്‍ത്തിയാക്കി.
ബര്‍ലിന്‍: ജര്‍മന്‍ സന്ദര്‍ശനം പൂര്‍ത്തിയാക്കിയ ഇന്ത്യന്‍ പ്രധാനമന്ത്രി നരേന്ദ്ര മോദി ചൊവ്വാഴ്ച യു.എ.ഇയിലേക്കു പോയി.
ഗവേഷക വിദ്യാര്‍ത്ഥി അരുണ്‍ സത്യന്റെ മുങ്ങിമരണം ജര്‍മന്‍ മലയാളി സമൂഹത്തെ ഞടുക്കി.
ബര്‍ലിന്‍: ജര്‍മനിയിലെ നീഡര്‍ സാക്സണ്‍ സംസ്ഥാനത്തിലെ ഗോട്ടിംങ്ങന്‍ ജില്ലയിലെ റൈന്‍സ്ഹോഫ് റോസ്ഡോര്‍ഫര്‍ ബാഗര്‍സീയില്‍ ഉണ്ടായ ദുരന്തത്തില്‍ അക്ഷരാര്
ജ​ർ​മ​നി​യി​ൽ മ​ല​യാ​ളി ഗ​വേ​ഷ​ക വി​ദ്യാ​ർ​ഥി തടാകത്തിൽ മു​ങ്ങി മ​രി​ച്ചു.
ബെ​ർ​ലി​ൻ: മ​ല​യാ​ളി ഗ​വേ​ഷ​ക വി​ദ്യാ​ർ​ഥി​യെ ജ​ർ​മ​നി​യി​ൽ ത​ടാ​ക​ത്തി​ൽ മു​ങ്ങി​മ​രി​ച്ച​നി​ല​യി​ൽ ക​ണ്ടെ​ത്തി.