Deepika.com Nri News :ഡീക്കൻ ജെയ്സൺ വർഗീസിന്‍റെ കശീശ പട്ടം കൊട ശുശ്രൂഷ ഭക്തിസാന്ദ്രം.......

Americas

ഡീക്കൻ ജെയ്സൺ വർഗീസിന്‍റെ കശീശ പട്ടം കൊട ശുശ്രൂഷ ഭക്തിസാന്ദ്രം

Back To NRI Home Forward This News Click here for detailed news of all items

ഹൂസ്റ്റൺ: ഇമ്മാനുവേൽ മാർതോമ്മ ഇടവകാംഗം ഡീക്കൻ ജെയ്സൺ വർഗീസ് മാർത്തോമാ സഭ നോർത്ത് അമേരിക്ക യൂറോപ്പ് ഭദ്രാസനാധ്യക്ഷൻ ഡോ.ഐസക്ക് മാർ ഫീലക്സിനോസ് എപ്പിസ്‌കോപ്പയിൽ നിന്ന് കശീശാ പട്ടം സ്വീകരിച്ചു.

ഏപ്രിൽ 30 നു ഹൂസ്റ്റൺ ഇമ്മാനുവേൽ മാർത്തോമ ദേവാലയത്തിൽ നടന്ന ശുശ്രൂഷകൾ രാവിലെ 7.30 നു ഗായകസംഘത്തിന്‍റെ നേതൃത്വത്തിൽ ആലപിച്ച "സേനയിൻ യഹോവയെ നീ വനസേനയോടെഴുന്നള്ളേണമേ ശാലേമിതിൽ " എന്ന ഗീതത്തോടെ ‌ആരംഭിച്ചു. തുടർന്നു ശുശ്രൂഷയുടെ ആദ്യഭാഗമായി തിരുമേനിയുടെ മുഖ്യ കാർമികത്വത്തിൽ വിശുദ്ധ കുർബാന ആരംഭിച്ചു. ഓസ്റ്റിൻ മാർത്തോമ ഇടവക വികാരി റവ. ഡെന്നിസ് എബ്രഹാം ശുശ്രൂഷ മദ്ധ്യേ ധ്യാന പ്രസംഗം നടത്തി. കൊലോസിയർ 3 : 12 17 വരെയുളള വാക്യങ്ങളെ ആധാരമാക്കി നടത്തിയ വചന ശുശ്രൂഷയിൽ കശിശാ പട്ടത്വത്തിലേക്കു പ്രവേശിക്കുന്ന ജെയ്സൺ ശെമ്മാശനു വേണ്ട ഉപദേശങ്ങൾ വേദപുസ്തകാടിസ്ഥാനത്തിൽ നൽകി. "ഓർക്കുക, നിന്നെ ആരാണ് വിളിച്ചിരിക്കുന്നത്? നീ എവിടെ നിന്ന് വന്നിരിക്കുന്നു? നിന്നെ വിളിച്ചിരിക്കുന്ന വിശ്വസ്തനായ ദൈവകരങ്ങളിൽ നീ പൂർണമായി സമർപ്പിക്കുക. വാക്കിനാലോ ക്രിയയാലോ എന്ത് ചെയ്താലും കർത്താവായ യേശുവിന്‍റെ നാമത്തിൽ ചെയ്യുക. അന്യോന്യം സ്‌നേഹിച്ചും കരുതിയും പരിശുദ്ധാത്മാവിന്‍റെ നടത്തിപ്പിനു കീഴ്പെട്ടു ചെയ്യുക" അച്ചൻ ധ്യാനപ്രസംഗത്തിൽ ഉദ്ബോധിപ്പിച്ചു.

തുടർന്നു നടന്ന പ്രത്യേക ശുശ്രൂഷ മധ്യേ തിരുമേനിയുടെ മുമ്പിൽ ശെമ്മാശൻ, കശീശയായി സ്ഥാനമേൽക്കുന്നതിനുള്ള സത്യപ്രതിജ്ഞ ഏറ്റു ചൊല്ലി. തുടർന്നു കശീശ്ശായുടെ പദവിയിലേക്കു ഉയർത്തപ്പെടുന്നതിന്‍റെ അടയാളമായി സ്ഥാനവസ്ത്രമായ "കാപ്പ" തിരുമേനി ശെമ്മാശനു നൽകി. അതെ തുടർന്ന് തിരശീല മറച്ചു വൈദികർ ശെമ്മാശനെ കാപ്പ (കുർബാന കുപ്പായം) അണിയിച്ചു. തുടർന്നു നടന്ന വിശുദ്ധ കുർബാന ശുശ്രൂഷയിൽ തിരുമേനിയോടൊപ്പം റവ. ജയ്‌സൺ വർഗീസ് കശീശ സഹകാർമികനായി.

വികാരി ജനറൽ റവ. ഡോ. ചെറിയാൻ തോമസ്, റവ.ഡോ. ഈപ്പൻ വർഗീസ്, റവ.സാം.കെ.ഈശോ, റവ. റോഷൻ വി. മാത്യൂസ്, റവ. തോമസ് മാത്യു പി, റവ. സോനു വർഗീസ്, റവ. ലാറി വർഗീസ്, റവ. ഡെന്നിസ് എബ്രഹാം, റവ. ജെസ് മാത്യു ജോർജ്, റവ ജെസ്വിൻ സൈമൺ ജോൺ, റവ. എ.വി.തോമസ് (എപ്പിസ്കോപ്പൽ ചർച്ച്‌) എന്നീ വൈദികശ്രേഷ്ഠരും ശുശ്രൂഷകളിൽ പങ്കെടുത്തു നേതൃത്വം നൽകി.

മാർത്തോമ സഭയിൽ നോർത്ത് അമേരിക്ക യൂറോപ്പ് ഭദ്രാസനത്തിൽ അമേരിക്കയിൽ ജനിച്ചു വളർന്ന് പട്ടക്കാരായവരിൽ 14 മത്തെ കശീശയാണ് റവ. ജെയ്സൺ വർഗീസ്. ടെക്സസിൽ നിന്നുള്ള ഏഴാമത്തെ പട്ടക്കാരനും ഹൂസ്റ്റണിൽ നിന്നുള്ള രണ്ടാമത്തെ പട്ടക്കാരനുമാണ്. ഹൂസ്റ്റൺ ട്രിനിറ്റി മാർത്തോമ ഇടവകയിലെ റവ. ലാറി വർഗീസ് ആണ് ഹൂസ്റ്റണിൽ നിന്നുള്ള ആദ്യ മാർത്തോമാ പട്ടക്കാരൻ.

ഹൂസ്റ്റൺ ഇമ്മാനുവേൽ മാർത്തോമാ ഇടവകാംഗങ്ങളായ പന്തളം ജെയ്സൺ കോട്ടേജിൽ
(റാന്നി ചെള്ളേത്ത് പടിഞ്ഞേറെതിൽ) തോമസ് വർഗീസിന്‍റേയും അന്നമ്മ വർഗീസിന്‍റേയും മകനാണ് റവ. ജെയ്സൺ വർഗീസ്. യൂണിവേഴ്സിറ്റി ഓഫ് ഹൂസ്റ്റണിൽ നിന്ന് ബിരുദം (റിലീജിയൻ) എടുത്ത അച്ചൻ കോട്ടയം മാർത്തോമാ വൈദിക സെമിനാരിയിൽ നിന്ന് വൈദിക ബിരുദവും കരസ്ഥമാക്കി. മാർച്ച് 11 നു പന്തളം മാർത്തോമാ ദേവാലയത്തിൽ നടന്ന ശുശ്രൂഷയിൽ ഡോ.എബ്രഹാം മാർ പൗലോസ് എപ്പിസ്കോപ്പയിൽ നിന്ന് ശെമ്മാശ് പട്ടം സ്വീകരിച്ചു.

പട്ടംകൊട ശുശ്രൂഷയുടെ അനുഗ്രഹീതമായ നടത്തിപ്പിനു ഇമ്മാനുവേൽ മാർത്തോമാ ഇടവക എക്സിക്യൂട്ടീവ് കമ്മിറ്റി നേതൃത്വം നൽകി. ഹൂസ്റ്റൺ, ഡാളസ്, ഓസ്റ്റിൻ തുടങ്ങിയ സ്ഥലങ്ങളിലെ നിരവധി സഭാജനങ്ങളും ശുശ്രൂഷകളിൽ സംബന്ധിച്ചു. ഇമ്മാനുവേൽ ഇടവക വികാരി റവ. ഡോ. ഈപ്പൻ വർഗീസ് നന്ദി പറഞ്ഞു. 11:30 നു സമാപിച്ച ഭക്തിസാന്ദ്രമായ ശുശ്രൂഷയ്ക്കു ശേഷം വിഭവസമൃദ്ധമായ ഭക്ഷണവും ഉണ്ടായിരുന്നു.

സോമർസെറ്റ് ദേവാലയത്തിൽ വി. തോമാശ്ശീഹായുടെ തിരുനാള്‍ ആഘോഷങ്ങള്‍ക്ക് സമാപനം.

ന്യൂജേഴ്‌സി: സോമര്‍സെറ്റ്‌ സെന്‍റ് തോമസ്‌ സീറോ മലബാര്‍ കാത്തലിക്‌ ഫൊറോനാ ദേവാലയത്തില്‍ ജൂൺ24 മുതല്‍ ജൂലൈ 4 വരെ നടന്ന വിശുദ്ധ തോമാശ്ശീഹായുടെ മധ്യസ്ഥ

ഹൂസ്റ്റണിൽ അന്തരിച്ച അനീഷ് മാത്യുവിന്‍റെ പൊതുദർശനവും സംസ്കാരവും ശനിയാഴ്ച.

ഹൂസ്റ്റൺ : ഇക്കഴിഞ്ഞ ദിവസം ഹൂസ്റ്റണിൽ അന്തരിച്ച അനിഷ് മാത്യൂ (41) വിന്‍റെ പൊതുദർശനവും സംസ്കാരവും ജൂലൈ ഒന്പതിന് ശനിയാഴ്ച നടക്കും.

ഇ.എ.ഏബ്രഹാം ഹൂസ്റ്റണിൽ അന്തരിച്ചു.

ഹൂസ്റ്റൺ: നിരണം കുറിച്ചിയേത്ത് എരമല്ലാടിൽ ഇ.എ.എബ്രഹാം (അനിയൻ 85) ഹൂസ്റ്റണിൽ അന്തരിച്ചു. ഭാര്യ ഗ്രേസ് എബ്രഹാം ചെങ്ങന്നൂർ കേളയിൽ കുടുംബാംഗമാണ്.

ഫൊക്കാന അന്താരാഷ്‌ട്ര കണ്‍വൻഷന് ഓർലാൻഡോയിൽ ഇന്നു തുടക്കം.

ഓർലാൻഡോ: അമേരിക്കൻ മലയാളി സംഘടനകളുടെ ഫെഡറേഷനായ ’ഫൊക്കാ

ഫൊക്കാന കണ്‍വൻഷന്‍റെ ഉദ്ഘാടനത്തോടനുബന്ധിച്ചു മെഗാ തിരുവാതിരയും.

ന്യൂയോർക്ക്: ഫൊക്കാന കണ്‍വൻഷന് ഇനിയും ഏതാനും മണിക്കുറുകൾ മാത്രം ബാക്കിനിൽക്കേ ഒരുക്കങ്ങൾ എല്ലാം തന്നെ പൂർത്തിയായി.