Deepika.com Nri News :മാപ്പിന്‍റെ കരസ്പർശം: വീണ്ടും ഒരു മലയാളിക്കുകൂടി പുതുജീവനേകി.......

Americas

മാപ്പിന്‍റെ കരസ്പർശം: വീണ്ടും ഒരു മലയാളിക്കുകൂടി പുതുജീവനേകി

Back To NRI Home Forward This News Click here for detailed news of all items

ഫിലഡല്‍ഫിയ: പ്രമുഖ സാമൂഹ്യ സാംസ്‌കാരിക സംഘടനയായ മലയാളി അസോസിയേഷന്‍ ഓഫ് ഗ്രേയ്റ്റർ ഫിലഡല്‍ഫിയ (മാപ്പ്), ജീവകാരുണ്യ പ്രവര്‍ത്തനങ്ങളുടെ ഭാഗമായി പത്തനംതിട്ട ജില്ലയിലെ നിർധനനായ ഒരു യുവാവിന് പുതുജീവനേകി.

അടൂർ ഏഴംകുളം പഞ്ചായത്തിൽ, കഴിഞ്ഞ അഞ്ചു വർഷങ്ങളായി കിഡ്നി സംബന്ധമായ ചികിത്സയുടെ ഭാഗമായി ആഴ്ചയിൽ മൂന്നു ദിവസം ഡയാലിസിസിനു വിധേയനായിക്കൊണ്ടിരിക്കുന്ന രതീഷ് നായർ (36) എന്ന യുവാവിനാണ് ആവശ്യമായ സാമ്പത്തിക സഹായം കൈമാറി‌യത്.

മാപ്പ് കമ്മിറ്റി അംഗം സോബി ഇട്ടിയും ഏഴംകുളം ഗ്രാമപഞ്ചായത്ത് അംഗം ലിജി ഷാജിയും ചേർന്ന് രതീഷിന്‍റെ ഏഴംകുളത്തുള്ള ഭവനത്തിൽ എത്തി‌യാണ് തുക കൈമാറിയത്.

സർക്കാരിൽ നിന്നു കിട്ടിയ മൂന്നു സെന്‍റ് സ്ഥലത്തെ ചെറിയ ഒരു വീട്ടിൽ കഴിയുന്ന രതീഷും ഭാര്യയും ഒരു മകളും അടങ്ങിയ കുടുംബത്തിലെ ഏക വരുമാനം രതീഷ് ഓട്ടോ ഓടിച്ചു കിട്ടുന്ന തുച്ഛമായ ശമ്പളമായിരുന്നു. ഇപ്പോൾ അതിനും പോകാൻ പറ്റാത്ത സാഹചര്യത്തിൽ വളരെ ബുദ്ധിമുട്ടിയാണ് ഈ കുടുംബം കഴിഞ്ഞിരുന്നത്. ഇവരുടെ ദുരവസ്ഥ മനസിലാക്കി ഏഴംകുളം ഗ്രാമപഞ്ചായത്ത് അംഗം ലിജി ഷാജി തയാറാക്കിയ സാക്ഷ്യപത്രത്തോടുകൂടിയ അപേക്ഷ മാപ്പ് ചാരിറ്റി ചെയർമാൻ സന്തോഷ് ഏബ്രഹാമിനു ലഭിക്കുകയും പ്രസിഡന്‍റ് തോമസ് ചാണ്ടിയുടെയും സെക്രട്ടറി ജോൺസൺ മാത്യുവിന്‍റേയും ട്രഷറർ കൊച്ചുമോൻ വയലത്തിന്‍റേയും മറ്റു കമ്മിറ്റിക്കാരുടെയും നേതൃത്വത്തിൽ സാമ്പത്തിക സഹായം നൽകുവാനുള്ള തീരുമാനമെടുക്കുകയുമാണ് ചെയ്തത്.

സാമ്പത്തിക ബുദ്ധിമുട്ടിൽ വലഞ്ഞ ഈ കുടുംബത്തിനു ലഭിച്ച ഈ സാമ്പത്തിക സഹായം വിലമതിക്കാനാവാത്തതാണെന്നും തിരക്കേറിയ പ്രവാസ ജീവിതത്തിനിടയിലും പിറന്ന നാടിനെയും കൂടപിറപ്പുകളുടെയും ആവശ്യങ്ങളറിഞ്ഞു സഹായിക്കുന്ന ഇത്തരം ജീവകാരുണ്യ പ്രവർത്തനങ്ങൾ തീർച്ചയായും അഭിനന്ദനാർഹവും മാതൃകാപരവുമാണെന്നും വാർഡ് അംഗം ലിജി ഷാജി പറഞ്ഞു. മാപ്പിനും അതിന്‍റെ നേതൃത നിരയിലുള്ളവർക്കും കുടുംബാംഗങ്ങൾക്കും രതീഷും കുടുംബവും നന്ദി പറഞ്ഞു.

പുരോഹിതനായി ചമഞ്ഞ് പള്ളികളിൽ മോഷണം നടത്തിയയാൾ വീണ്ടും പിടിയിൽ.

റിവർസൈഡ് കൗണ്ടി, കലിഫോർണിയ: കലിഫോർണിയയിലെ പള്ളിയിൽ മോഷണം നടത്താൻ ശ്രമിച്ച കുപ്രശസ്ത കുറ്റവാളി മാലിൻ റോസ്റ്റാസിനെ

40 വർഷം മുമ്പ് കണ്ടെത്തിയ അവശിഷ്‌ടങ്ങൾ നോർത്ത് ടെക്സസ് സ്വദേശിയായ സ്ത്രീയുടേതാണെന്നു ഫോറൻസിക് വിദഗ്ധർ.

ടെക്സസ്: ടെക്സസിലെ സ്മിത്ത് കൗണ്ടിയിൽ, ഏകദേശം 40 വർഷങ്ങൾക്ക് മുൻപ് കണ്ടെത്തിയ അസ്ഥികൂട അവശിഷ്ടങ്ങൾ അധികൃതർ തിരിച്ച

വാഷിംഗ്ടൺ ഡിസിയിലെ ശ്രീ നാരായണ മിഷൻ സെന്‍റർ വിഷു ആഘോഷിച്ചു.

വാഷിംഗ്ടൺ ഡിസി: പാരമ്പര്യത്തിന്‍റേയും സാമുദായിക ചൈതന്യത്തിന്‍റേയും വർണാഭമായ ചടങ്ങുകളോടെ വാഷിംഗ്ടൺ ഡിസിയിലെ ശ്രീ നാരായ

ക്ലിഫ്ടൺ സെന്‍റ് ഗ്രിഗോറിയോസ് ഇടവകയിൽ ഫാമിലി യൂത്ത് കോൺഫറൻസ് രജിസ്ട്രേഷന് തുടക്കമായി.

ക്ലിഫ്ടൺ (ന്യൂജേഴ്സി) : മലങ്കര ഓർത്തഡോക്സ് സുറിയാനി സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി, യൂത്ത് കോൺഫറൻസ

റോയി ആൻഡ്രൂസ് ന്യുജഴ്സിയിൽ അന്തരിച്ചു.

ന്യൂജേഴ്സി: വാകത്താനം വള്ളിക്കാട്ട് പുതുവേലിൽ പരേതനായ പി. വി.