ഫിലഡൽഫിയ: കോട്ടയം അസോസിയേഷന്റെ ഇരുപത്തിരണ്ടാമത് ചാരിറ്റി ബാങ്ക്വറ്റ് നൈറ്റ് ഏപ്രിൽ 30ന് വൈകിട്ട് 4.30ന് എംഇഐ ബാങ്ക്വറ്റ് ഹാളിൽ (MEI TWINING HALL, 4900 E. STREET RD, TREVOSE, PA19053) നടക്കും. ഇതര സാമൂഹിക സംഘടനകളുടെ സഹകരണത്തിൽ നടത്തുന്ന ചാരിറ്റി ബാങ്ക്വറ്റ് നൈറ്റിന്‍റെ ഒരുക്കങ്ങൾ പൂർത്തിയായെന്ന് സംഘാടകർ അറിയിച്ചു.
വടക്കേ അമേരിക്കയിലെ കോട്ടയം നിവാസികളുടെ ചാരിറ്റി പ്രവർത്തനത്തിന്‍റെ മുഖ്യചാലക ശക്തിയായി നിലകൊള്ളുന്ന കോട്ടയം അസോസിയേഷൻ നാളിതുവരെ നിർധനരായ കുടുംബങ്ങൾക്ക് ഭവന സഹായപദ്ധതി, വിദ്യാർഥികൾക്കായി പഠനസഹായപദ്ധതി, രോഗികൾക്കായി വൈദ്യ സാന്പത്തിക സഹായ പദ്ധതികൾ തുടങ്ങിയ നിരവധി ചാരിറ്റി പ്രവർത്തനങ്ങൾ അമേരിക്കയിലും കേരളത്തിലുമായി നടത്തുകയും നേതൃത്വം നൽകുകയും ചെയ്തിട്ടുണ്ട്.
ഈ വർഷത്തെ ചാരിറ്റി ബാങ്ക്വറ്റ് നൈറ്റിൽ കുട്ടികളുടെ പഠനസഹായ പദ്ധതിക്ക് തുടക്കം കുറിച്ചുകൊണ്ട് കേരളത്തിലെ സാങ്കേതിക വിദ്യാഭ്യാസ മേഖലകളിൽ അർഹരായ 10 വിദ്യാർഥികൾക്കുള്ള മുഴുവൻ വിദ്യാഭ്യാസ സഹായം ഏറ്റെടുക്കുകയാണ്. കോട്ടയം അസോസിയേഷന്റെ ചാരിറ്റി പ്രവർത്തനങ്ങൾക്കായി നാളിതുവരെ നൽകി വരുന്ന ചെറുതും വലുതുമായ എല്ലാ സഹായങ്ങളും ചാരിറ്റി പ്രവർത്തനങ്ങൾക്കായി മാത്രമേ ഉപയോഗിക്കൂവെന്ന് അസോസിയേഷൻ പ്രസിഡന്‍റ് ജോബി ജോർജ് പറഞ്ഞു. എല്ലാ ചാരിറ്റി പ്രവർത്തനങ്ങൾക്കും സഹായഹസ്തവുമായി നിന്ന വ്യക്തികളോടും സ്ഥാപനങ്ങളോടും കോട്ടയം അസോസിയേഷൻ എക്കാലത്തും കടപ്പെട്ടിരിക്കുമെന്നും അദ്ദേഹം പറഞ്ഞു.
ചാരിറ്റി ബാങ്ക്വറ്റ് നൈറ്റിന്‍റെ വർണാഭമായ വേദിയിൽ് പഠന സഹായപദ്ധതിയുടെ ഒൗപചാരികമായ ഉദ്ഘാടനം നടക്കും. ബാങ്ക്വറ്റ് നൈറ്റിനോടനുബന്ധിച്ച് നടത്തുന്ന പൊതുസമ്മേളനത്തിൽ അമേരിക്കയിലെ രാഷ്ട്രീയ നേതാക്ക·ാർ, വിശിഷ്ടാതിഥികൾ തുടങ്ങിയവർ പങ്കെടുക്കും. വിവിധ കലാപരിപാടികളും അരങ്ങേറും. കൂടാതെ, പഠന സഹായപദ്ധതിക്ക് പിന്തുണ നൽകുന്നവരെ ആദരിക്കൽ ചടങ്ങും കമ്മ്യൂണിറ്റി സർവീസ് അവാർഡ് വിതരണവും ഡിന്നറും ഉണ്ടായിരിക്കുമെന്നും ജനറൽ സെക്രട്ടറി സാജൻ വർഗീസ് അറിയിച്ചു.
കോവിഡാനന്തര കാലഘട്ടത്തിലെ എല്ലാ മുൻ കരുതലുകൾക്കും വിധേയമായി ഒരുക്കിയിട്ടുള്ള ഈ ചാരിറ്റി ബാങ്ക്വറ്റ് നൈറ്റിന്‍റെ വിജയത്തിനായി ജോണ് പി. വർക്കി (ട്രഷറർ), ബെന്നി കൊട്ടാരത്തിൽ, ജീമോൻ ജോർജ്, ജോസഫ് മാണി, കുര്യൻ രാജൻ, ജെയിംസ് ആന്ത്രയോസ്, സണ്ണി കിഴക്കേമുറി, ഐപ്പ് മാത്യു, ജോണ് മാത്യു, സാബു ജേക്കബ്, വർക്കി പൈലോ, സെറിൻ ചെറിയാൻ, വർഗീസ് വർഗീസ്, രാജു കുരുവിള, സാബു പാന്പാടി, മാത്യു പാറക്കൽ, ഏബ്രഹാം ജോസഫ് തുടങ്ങിയവരുടെ നേതൃത്വത്തിലുള്ള വിവിധ കമ്മറ്റികൾ പ്രവർത്തിച്ചു വരുന്നു.
വിമൻസ് ഫോറവും ചാരിറ്റി ബാങ്ക്വറ്റ് നൈറ്റിന്‍റെ എല്ലാ വിജയങ്ങൾക്കുമായിട്ടും പ്രവർത്തിച്ചു വരുന്നതായി സാറാ ഐപ്പ് (കോർഡിനേറ്റർ, വിമൻസ് ഫോറം) പറഞ്ഞു. കോട്ടയം അസോസിയേഷന്റെ ജനകീയ ചാരിറ്റി ബാങ്ക്വറ്റ് നൈറ്റിലേക്ക് എല്ലാ കോട്ടയം നിവാസികളെയും അഭ്യുത്ദയകാംഷികളെയും സ്വാഗതം ചെയ്യുന്നതായി സംഘാടകർ പത്രകുറിപ്പിൽ അറിയിച്ചു. കൂടുതൽ വിവരങ്ങൾക്ക്: ണംം.Www.kottayamassociation.org, Email:Kottayamans@gmail.com കൂടാതെ കോട്ടയം അസോസിയേഷന്റെ ഫെയ്സ്ബുക്ക് പേജിലും വിവരങ്ങൾ ലഭ്യമാണ്.
ജീമോൻ ജോർജ്
|