റിയാദ് : കേളി കലാസാംസ്‌കാരിക വേദി സമൂഹ നോമ്പുതുറയുടെ ഭാഗമായി റൗദ ഏരിയ ഇഫ്താർ സംഗമം സംഘടിപ്പിച്ചു. റിയാദിലും പരിസര പ്രദേശങ്ങളിലുമുള്ള കൂടുതൽ പ്രവാസികളിലേക്ക് കേളിയുടെ സാന്നിദ്ധ്യം എത്തിക്കുന്നതിന് വിവിധ ഏരിയ കമ്മിറ്റികളുടെ നേതൃത്വത്തിൽ ഏരിയ തലങ്ങളിലാണ് ഇഫ്താർ സംഘടിപ്പിക്കുന്നത്.
20 വർഷത്തോളമായി മുടക്കമില്ലാതെ ഇഫ്താർ സംഗമങ്ങൾ നടത്തിവരുന്ന കേളിക്ക്, കഴിഞ്ഞ രണ്ടു വർഷമായി കോവിഡ് മഹാമാരിയുടെ പശ്ചാത്തലത്തിൽ ഇഫ്താർ സംഗമങ്ങൾ സംഘടിപ്പിക്കാൻ സാധിച്ചിരുന്നില്ല. എന്നാൽ കോവിഡ് ബാധിതരും കോവിഡിനെ തുടർന്നു ജോലിയും ശമ്പളവുമില്ലാതെ, ഭക്ഷണത്തിനു പോലും ബുദ്ധിമുട്ടുകയായിരുന്ന നിരവധി സാധാരണക്കാരായ പ്രവാസി തൊഴിലാളികൾക്ക് താങ്ങും തണലുമായി അവർക്കാവശ്യമായ മരുന്നും ഭക്ഷണ സാധനങ്ങളും മെഡിക്കൽ ഉപകരണങ്ങളും അടങ്ങിയ നിരവധി ഇഫ്താർ കിറ്റുകൾ അവരുടെ താമസ്ഥലങ്ങളിലെത്തിച്ച് വിതരണം ചെയ്തിട്ടുണ്ട്.
റൗദയിലെ ബഗ്ലഫ് ഇസ്തിരാഹയിൽ നടന്ന ഇഫ്താർ സംഗമത്തിൽ കേളി അംഗങ്ങളും കുടുംബാംഗങ്ങളും മറ്റു പ്രവാസി മലയാളികളും വിവിധ സംസ്ഥാനങ്ങളില്‍ നിന്നുള്ളവരും പങ്കെടുത്തു.
ചെയർമാൻ ശ്രീകുമാർ വാസു, കൺവീനർ കെ.കെ. ഷാജി, ട്രഷറർ സജാദ് എന്നിവരടങ്ങിയ സംഘാടക സമിതിയാണ് ഇഫ്താറിന്‍റെ വിജയത്തിനായി മുന്നൊരുക്കങ്ങൾ നടത്തിയത്. കേളി രക്ഷാധികാരി കമ്മിറ്റിയംഗം ഗീവർഗീസ്, റൗദ രക്ഷാധികാരി കമ്മിറ്റി കൺവീനർ ജോഷി പെരിഞ്ഞനം, സെക്രട്ടറിയേറ്റ് അംഗം ഷമീർ കുന്നുമ്മൽ, കേന്ദ്ര കമ്മിറ്റിയംഗം കാഹിം, റൗദ ഏരിയ സെക്രട്ടറി സുനിൽ സുകുമാരൻ, ഏരിയ പ്രസിഡന്‍റ് ബിജി തോമസ്, ഏരിയ ട്രഷറർ സതീഷ് കുമാർ, ഏരിയ കമ്മിറ്റി അംഗങ്ങളായ സുരേഷ് ലാൽ, രാധാകൃഷ്ണൻ, സലിം പി.പി, അജയൻ, രക്ഷാധികാരി കമ്മിറ്റിയംഗം അൻസാരി, യൂണിറ്റ് ഭാരവാഹികളായ അഭിലാഷ്, രണൻ കമലൻ, ആഷിഖ്, അബ്ദുൽ ജാനിസ്, ശശിധരൻ, കൃഷ്ണകുമാർ, സതീശൻ, വിൽ‌സൺ, ചന്ദ്രൻ, യൂണിറ്റംഗങ്ങളായ സുരേഷ് ബാബു, മോഹനൻ, സുന്ദരൻ, സൈനുദ്ധീൻ, സാബു സാമൂവൽ, നിഷാദ് അബ്ദുൽ അസീസ്, നാസർ, ഷംഷാദ്, ലത്തീഫ്, ഇസ്മായിൽ എന്നിവർ നേത്യത്വം നൽകി.
|