• Logo

Allied Publications

Middle East & Gulf
ബജറ്റ് സൗഹൃദ റസ്റ്ററന്‍റ് ലിസ്റ്റില്‍ സ്ഥാനം പിടിച്ച് ടീ ടൈമും
Share
ദോഹ: ഫിഫ ലോക കപ്പിനായി ഖത്തര്‍ ഒരുങ്ങുമ്പോള്‍ ലോകത്തിന്‍റെ വിവിധ ഭാഗങ്ങളില്‍ നിന്നായി 15 ലക്ഷത്തോളം സന്ദര്‍ശകര്‍ രാജ്യത്തെത്തുമെന്നാണ് പ്രതീക്ഷിക്കുന്നത്. ഖത്തറിലെത്തുന്ന ടൂറിസ്റ്റുകളെ സഹായിക്കുന്ന ചില ബജറ്റ് സൗഹൃദ റസ്റ്ററന്‍റുകളുടെ ലിസ്റ്റ് ഖത്തര്‍ ടൂറിസം പ്രസിദ്ധീകരിച്ചു.

പ്രാതലും ഉച്ചഭക്ഷണവും അത്താഴവും കൂടാതെ പ്രാദേശിക ചായയും 'ഖഹ്വ' കാപ്പിയും അധികം പണം നല്‍കാതെ കഴിക്കാവുന്ന സ്ഥലങ്ങളാണ് ഖത്തര്‍ ടൂറിസം നിര്‍ദേശിച്ചിരിക്കുന്നത്. ഖത്തറിലെത്തുന്ന സന്ദര്‍ശകര്‍ക്കായി ഖത്തര്‍ ടൂറിസം പ്രസിദ്ധീകരിച്ച ബജറ്റ് സൗഹൃദ റസ്റ്ററന്‍റ് ലിസ്റ്റില്‍ പ്രമുഖ മലയാളി സംരംഭമായ ടീ ടൈമും സ്ഥാനം പിടിച്ചിട്ടുണ്ട്.

രാജ്യത്തിന്‍റെ വിവിധ ഭാഗങ്ങളിലായി അമ്പതിലധികം ശാഖകളുള്ള ടീ ടൈം ആഴ്ചയില്‍ ഏഴു ദിവസവും 24 മണിക്കൂറും പ്രവര്‍ത്തിക്കും. വിവിധ തരം ചായകളും കോഫികളും കൂടാതെ നൂറു കണക്കിന് ജ്യൂസുകളും സാന്‍റ്‌വിച്ചുകളുമൊക്കെ ടീം ടൈമിന്‍റെ പ്രത്യേകതകളാണ് .

സ്വദേശികള്‍ക്കും വിദേശികള്‍ക്കും ഏറെ പ്രിയങ്കരമായ ഒരു ബ്രാന്‍ഡായി ഇതിനകം തന്നെ ടീം ടൈം മാറിയിട്ടുണ്ട്. ഖത്തറിലെ കലാസാംസ്‌കാരിക പരിപാടികളുടെ അവിഭാജ്യ ഭാഗമായി മാറാറുള്ള ടീ ടൈമിന്റെ മുദ്രാവാക്യം തന്നെ ടീ ടൈം എനി ടൈം എന്നതാണ് .

ഷെയ് അല്‍ഷോമസ്: സൂഖ് വാഖിഫിന്‍റെ ഒരു മൂലയില്‍ സ്ഥിതി ചെയ്യുന്ന ഷെയ് അല്‍ഷോമസ്, പ്രശസ്ത ഖത്തരി വനിതയായ ഷംസ് അല്‍ ഖസാബിയുടെ ഉടമസ്ഥതയിലുള്ളതും ആധികാരികമായ ഖത്തറി ഭക്ഷണത്തിന് പേര് കേട്ടതുമായ സ്ഥാപനമാണ് . നിത്യവും പ്രഭാതഭക്ഷണത്തിന് മാത്രം നിരവധി പേരാണ് ഇവിടെയെത്താറുള്ളത്.

കതാറയിലെ ചപ്പാത്തിയും കാരക്കും: ചപ്പാത്തിയിലും കാരക്കിലും എപ്പോഴും ചായ സമയമാണ്. കത്താറ കള്‍ച്ചറല്‍ വില്ലേജില്‍ സ്ഥിതി ചെയ്യുന്ന ഈ സ്ഥാപനം മധുരവും രുചികരവുമായ ആസക്തികളെ ശമിപ്പിക്കാന്‍ രുചിയുള്ള ചപ്പാത്തിയുടെയും നൂതന ചായകളുടെയും ഒരു ശേഖരം നല്‍കുന്നു. പെട്ടെന്നുള്ള ഉച്ചഭക്ഷണത്തിന് ഇത് അനുയോജ്യമാണ്.

കാരക് മകിനിസ്: പ്രാദേശിക ആകര്‍ഷണീയതയുടെ ഒരു സൂചനയോടെ പരമ്പരാഗത ഖത്തറി വിഭവങ്ങളാണ് കരക് മകാനീസിലുള്ളത്. തലമുറകളായി പങ്കിടുന്ന പാചകക്കുറിപ്പുകള്‍ നല്‍കുന്ന 20ലധികം ലൊക്കേഷനുകളില്‍, ഖത്തറി പ്രഭാതഭക്ഷണത്തിനും മധുരപലഹാരങ്ങള്‍ക്കും ആധികാരിക കാരക്കിനും പേരുകേട്ട സ്ഥാപനമാണ് കാരക് മകാനിസ്.

തുര്‍ക്കി സെന്‍ട്രല്‍ റസ്റ്ററന്‍റ് : നഗരത്തിന്‍റെ ഹൃദയഭാഗത്ത് സ്ഥിതി ചെയ്യുന്ന തുര്‍ക്കി സെന്‍ട്രല്‍ റസ്റ്ററന്‍റ് മിക്‌സഡ് മെസ്, മിക്‌സഡ് ഗ്രില്‍, ഹാഫ് ഗ്രില്‍ഡ് ചിക്കന്‍, പ്രസിദ്ധമായ ലാംബ് ചോപ്‌സ് എന്നിവക്ക് തദ്ദേശീയരും പ്രവാസികളും ഒരുപോലെ ഇഷ്ടപ്പെടുന്ന കേന്ദ്രമാണ് .

പെട്ര: മിഡില്‍ ഈസ്റ്റിന്‍റെ രുചി ആസ്വദിക്കാന്‍ സന്ദര്‍ശകര്‍ക്ക് ഏത് പെട്ര ലൊക്കേഷനിലൂടെയും പോകാം. ഫലാഫെല്‍, ചിക്കന്‍ സാന്‍ഡ്‌വിച്ചുകൾ എന്നിവ പെട്രയിലെ ജനപ്രിയവിഭവങ്ങളാണ് .

മര്‍മര ഇസ്താംബുള്‍ റസ്റ്ററന്‍റ്: രാവും പകലും എല്ലാ സമയത്തും ഈ റസ്റ്ററന്‍റ് ആളുകള്‍ക്ക് സേവനം നല്‍കുന്നു.

സബാഹ് ഡബ്ല്യു മസ. ഈ ലെബനീസ് റസ്റ്ററന്‍റ് പട്ടണത്തിലെ ഏറ്റവും രുചികരമായ ഫലാഫെല്‍ ലഭിക്കുന്ന കേന്ദ്രമാണ് . ഫ്രഷ് ലെബനീസ് പാചകരീതിയില്‍ മികച്ച പ്രഭാതഭക്ഷണവും ഉച്ചഭക്ഷണവും അത്താഴവും ഇവിടെ ലഭ്യമാണ് .

അലി അല്‍ നാമ കഫേ: സൂഖ് വാഖിഫിന്‍റെ തിരക്കുകള്‍ക്കിടയിലും പരമ്പരാഗത ഇരിപ്പിടങ്ങളോടെ ഈ പ്രാദേശിക ഭക്ഷണശാലയില്‍ സന്ദര്‍ശകര്‍ക്ക് ഭക്ഷണം കഴിക്കാം , ദ്രുത സേവനത്തിനും കുറഞ്ഞ വിലയുള്ള മെനുവിനും പേരുകേട്ടതാണ് അലി അല്‍ നാമ കഫേ.

ബിരിയാണി കോര്‍ണര്‍: ദക്ഷിണേഷ്യന്‍ ഭക്ഷണങ്ങള്‍ ആസ്വദിക്കുന്ന സന്ദര്‍ശകര്‍ക്ക് മികച്ച ബിരിയാണി ലഭിക്കുന്ന ഭക്ഷണശാലയാണിത്. വെജിറ്റബിള്‍, മുട്ട, ചിക്കന്‍, മട്ടണ്‍ ബിരിയാണി എന്നിവ ലഭ്യം.

ഖത്തറിലെത്തുന്ന എല്ലാ തരം ടൂറിസ്റ്റുകളും അനുയോജ്യമായ ഭക്ഷണശാലകള്‍ ഖത്തറിലുണ്ടെന്ന് ഖത്തര്‍ ടൂറിസം ചീഫ് ഓപ്പറേറ്റിംഗ് ഓഫീസര്‍ ബെര്‍ത്തോള്‍ഡ് ട്രെങ്കല്‍ പറഞ്ഞു. ഫുട്‌ബോള്‍ ആരാധകര്‍ക്ക് കുറഞ്ഞ ചിലവില്‍ ഭക്ഷണവൈവിധ്യങ്ങളാസ്വദിക്കുവാന്‍ ഖത്തര്‍ അവസരമൊരുക്കും.

അമാനുല്ല വടക്കാങ്ങര

പ്രവാസി നിക്ഷേപ സാദ്ധ്യതകൾ: വെബ്ബിനാർ സംഘടിപ്പിച്ചു.
കുവൈറ്റ് സിറ്റി :കേരള ആർട്ട് ലവേഴ്സ് അസോസിയേഷൻ, കല കുവൈറ്റ് "പ്രവാസി നിക്ഷേപ സാദ്ധ്യതകൾ" എന്ന വിഷയത്തിൽ വെബ്ബിനാർ സംഘടിപ്പിച്ചു .
ജോയ് ആലുക്കാസ് എക്സ്ചേഞ്ചിന്‍റെ പുതിയ ബ്രാഞ്ച് മംഗാഫിൽ പ്രവർത്തനം ആരംഭിച്ചു.
കുവൈറ്റ്: മണി എക്സ്ചേഞ്ച് സ്ഥാപനമായ ജോയ് ആലുക്കാസ് എക്സ്ചേഞ്ചിന്‍റെ പുതിയ ബ്രാഞ്ച് കുവൈറ്റിലെ മംഗഫിൽ പ്രവർത്തനം ആരംഭിച്ചു.
അമീർ അഹ്മദിന്‍റെ മാതാവ് ആയിഷ അഹ്മദ് (81) അന്തരിച്ചു.
കുവൈറ്റ് സിറ്റി: ഇന്ത്യൻ ഡോക്ടേഴ്സ് ഫോറം കുവൈറ്റ് പ്രസിഡന്‍റും സാമൂഹിക മേഖലയിലെ നിറസാന്നിധ്യവുമായ ഡോ.
കൈരളി ഫുജൈറ യൂണിറ്റ് വാർഷിക സമ്മേളനം.
ഫുജൈറ: കൈരളി കൾച്ചറൽ അസോസിയേഷൻ ഫുജൈറയുടെ കേന്ദ്ര സമ്മേളനത്തിന് മുന്നോടിയായി യൂണിറ്റ് സമ്മേളനങ്ങൾ ആരംഭിച്ചു.
ജിദ്ദ ലക്കി സോക്കർ കൊട്ടപ്പുറത്തിന് നേതൃത്വമായി.
ജിദ്ദ: ഈ വർഷത്തെ പെരിന്തൽമണ്ണ ഖാദറലി ഫുട്ബാൾ ചാമ്പ്യൻമാരായ ലക്കി സോക്കർ കൊട്ടപ്പുറത്തിന് ജിദ്ദയിൽ ക്ലബ് രൂപീകരിച്ചു.