• Logo

Allied Publications

Middle East & Gulf
കല കുവൈറ്റ് കാർഷിക മത്സരത്തിന്‍റെ സമ്മാന വിതരണവും സെമിനാറും സംഘടിപ്പിച്ചു
Share
കുവൈറ്റ് സിറ്റി: കുവൈറ്റ് മലയാളികളിലെ കാര്‍ഷിക അഭിരുചി പ്രോത്സാഹിപ്പിക്കുക, കാര്‍ഷിക സംസ്കാരം നിലനിര്‍ത്തുക എന്നീ ലക്ഷ്യങ്ങളോടെ കേരള ആർട്ട് ലവേഴ്സ് അസോസിയേഷൻ, കല കുവൈറ്റിന്‍റെ നേതൃത്വത്തില്‍ സംഘടിപ്പിച്ച "എന്‍റെ കൃഷി 2021 22" കാര്‍ഷിക മത്സരത്തിലെ വിജയികൾക്കുള്ള സമ്മാന വിതരണവും "കൃഷി, സംസ്കാരം, അതിജീവനം" എന്ന പേരിൽ സെമിനാറും അബ്ബാസിയ കല സെന്‍ററിൽ നടന്നു.

കല കുവൈറ്റ് ആക്ടിങ് പ്രസിഡന്‍റ് ശൈമേഷിന്‍റെ അധ്യക്ഷതയിൽ നടന്ന ചടങ്ങിൽ അഡ്വക്കേറ്റ് ജോൺ തോമസ് (അഡ്മിനിസ്ട്രേഷൻ മാനേജർ, യുണൈറ്റഡ് ഇന്ത്യൻ സ്കൂൾ) സെമിനാർ ഉത്ഘാടനം ചെയ്തു , ഈ വർഷത്തെ എന്റെ കൃഷി പ്രവർത്തന റിപ്പോർട്ട് എന്‍റെ കൃഷി ജനറൽ കൺവീനർ ഷാജു വി ഹനീഫ് അവതരിപ്പിച്ചു , കല കുവൈറ്റ് ജനറൽ സെക്രട്ടറി ജെ സജി, വനിതാവേദി പ്രസിഡന്‍റ് സജിത സ്കറിയ എന്നിവർ ആശംസകൾ അർപ്പിച്ചു സംസാരിച്ചു.

ട്രഷറർ അജ്നാസ് മുഹമ്മദ് സ്വാഗതവും, അബ്ബാസിയ മേഖല സെക്രട്ടറി ഹരിരാജ് നന്ദിയും രേഖപ്പെടുത്തി. മത്സരത്തിൽ ഒന്നാം സ്ഥാനം നേടിയ ജയകുമാറിന് "കർഷകശ്രീ" പുരസ്‌കാരവും, രണ്ടാം സ്ഥാനം നേടിയ രാജൻ ലോപ്പസിന് "കർഷക പ്രതിഭ" പുരസ്‌കാരവും, മൂന്നാം സ്ഥാനം നേടിയ അൻസൺ പത്രോസിന് "കർഷക മിത്ര" പുരസ്‌കാരവും, നാല്‌ മേഖലകളിൽ നിന്നായി 19 പേർക്ക് പ്രോത്സാഹന സമ്മാനവും വിതരണം ചെയ്തു .

അഞ്ഞൂറോളം മത്സരാർഥികളാണു 2021 ഒക്ടോബർ മുതൽ 2022 മാർച്ച് വരെ 6 മാസക്കാലം ഫ്ളാറ്റുകളിലും, ബാൽക്കണികളിലും, ലഭിച്ച സ്ഥലങ്ങളിലും കൃഷി ചെയ്ത് ഈ മത്സരത്തിൽ പങ്കാളികളായത്.

കൃഷി ചെയ്യുന്ന ഇനങ്ങളുടെ വൈവിദ്ധ്യം, കാര്‍ഷിക ഇനങ്ങള്‍ ഒരുക്കിയിരിക്കുന്ന രീതി, അനുവര്‍ത്തിക്കുന്ന കൃഷിവിതരണം രീതികള്‍, കുടുംബാംഗങ്ങളുടെ പങ്കാളിത്തം, ദൈനംദിന പരിചരണത്തിലും കൃഷി രീതികള്‍ സ്വായത്തമാക്കുന്നതിലുമുള്ള കുട്ടികളുടെ പങ്കാളിത്തം, പാഴ് വസ്തുക്കളുടെ പുനരുപയോഗം എന്നിവ മാനദണ്ഡമാക്കിയാണ് വിജയികളെ തെരഞ്ഞെടുത്തത്.

സലിം കോട്ടയിൽ

പ്രവാസി നിക്ഷേപ സാദ്ധ്യതകൾ: വെബ്ബിനാർ സംഘടിപ്പിച്ചു.
കുവൈറ്റ് സിറ്റി :കേരള ആർട്ട് ലവേഴ്സ് അസോസിയേഷൻ, കല കുവൈറ്റ് "പ്രവാസി നിക്ഷേപ സാദ്ധ്യതകൾ" എന്ന വിഷയത്തിൽ വെബ്ബിനാർ സംഘടിപ്പിച്ചു .
ജോയ് ആലുക്കാസ് എക്സ്ചേഞ്ചിന്‍റെ പുതിയ ബ്രാഞ്ച് മംഗാഫിൽ പ്രവർത്തനം ആരംഭിച്ചു.
കുവൈറ്റ്: മണി എക്സ്ചേഞ്ച് സ്ഥാപനമായ ജോയ് ആലുക്കാസ് എക്സ്ചേഞ്ചിന്‍റെ പുതിയ ബ്രാഞ്ച് കുവൈറ്റിലെ മംഗഫിൽ പ്രവർത്തനം ആരംഭിച്ചു.
അമീർ അഹ്മദിന്‍റെ മാതാവ് ആയിഷ അഹ്മദ് (81) അന്തരിച്ചു.
കുവൈറ്റ് സിറ്റി: ഇന്ത്യൻ ഡോക്ടേഴ്സ് ഫോറം കുവൈറ്റ് പ്രസിഡന്‍റും സാമൂഹിക മേഖലയിലെ നിറസാന്നിധ്യവുമായ ഡോ.
കൈരളി ഫുജൈറ യൂണിറ്റ് വാർഷിക സമ്മേളനം.
ഫുജൈറ: കൈരളി കൾച്ചറൽ അസോസിയേഷൻ ഫുജൈറയുടെ കേന്ദ്ര സമ്മേളനത്തിന് മുന്നോടിയായി യൂണിറ്റ് സമ്മേളനങ്ങൾ ആരംഭിച്ചു.
ജിദ്ദ ലക്കി സോക്കർ കൊട്ടപ്പുറത്തിന് നേതൃത്വമായി.
ജിദ്ദ: ഈ വർഷത്തെ പെരിന്തൽമണ്ണ ഖാദറലി ഫുട്ബാൾ ചാമ്പ്യൻമാരായ ലക്കി സോക്കർ കൊട്ടപ്പുറത്തിന് ജിദ്ദയിൽ ക്ലബ് രൂപീകരിച്ചു.